سنټکام: په تېرو پنځو ورځو کې ۳۵ امریکايي سرتېري ټپیان شوي
د امریکا د متحدو ایالتونو د مرکزي قوماندانۍ (سنټکام) ویاند کپتان ټیم هاوکینز ویلي، چې په منځني ختیځ کې د بریدونو له پیل راهیسې تر اوسه ۳۴۸ امریکايي سرتېري ټپیان شوي دي، چې له دې ډلې د ۶ کسانو ټپونه جدي بلل شوي دي.
د سنټکام د وروستي راپور لهمخې چې د وري میاشتې په اوومه نېټه د جمعې په ورځ خپور شوی و، د امریکا د پوځ د ټپیانو شمېر په تېرو پنځو ورځو کې ۳۵ کسانو ته لوړ شوی دی. هاوکینز زیاته کړې، چې له ټولو ټپیانو څخه ۳۱۵ یې بېرته خپلو دندو ته ستانه شوي دي.
