د طالبانو د تدارکاتو کمېسیون د یو میلیارد افغانیو په ارزښت ۱۷ پروژې منظورې کړې

د طالبانو د پېښو پر وړاندې د مبارزې ادارې ویاند محمد یوسف حماد ویلي، چې په تېرو ۲۴ ساعتونو کې په کابل، کاپیسا، پروان، پنجشیر، پکتیا، پکتیکا، خوست، لوګر، میدان وردګ، زابل، ارزګان، غور، بادغیس، سمنګان، سرپل، فاریاب، بغلان، بدخشان، کونړ او لغمان ولایتونو کې د سېلابونو، بارانونو، تالندې او برېښنا له امله د ځاني زیان ترڅنګ ۱۳۹ کورنه په بشپړ او ۳۹۴ کورنه په نسبي ډول ویجاړ شوي دي.

په ورته مهال د طالبانو د ټولګټو چارو وزارت ویلي، چې په تېرو څو ورځو کې د دوامداره بارانونو او سېلابونو راوتلو له امله، د سمنګان ولایت د دره صوف ـ بلخ، په بغلان کې د کابل ـ شمال عمومي لاره او په پکتیا کې د ګردیز ـ خوست تړل شوې لار بېرته د ترافیکو پر مخ پرانېستل شوې، خو په سمنګان ولایت کې د ایبک ـ روی دواب لاره لا هم د موټرو د تګ راتګ پرمخ تړلې پاتې ده.

یاد وزارت ویلي، چې په نورستان ولایت کې د پیروک کوتل لاره هم د واورې ښویدنې له‌امله له تېرو څو ورځو راهیسې د تګ راتګ پرمخ تړلي ده.

د ۲۰۲۶ کال د مارچ پر۲۳مه، د هاروارډ پوهنتون د مذاکراتو پروګرام ملاله یوسفزۍ او د ملاله فنډ د ملاتړ او پالیسۍ مدیره ګیسو یاري یوې غونډې ته بللې وې. وروسته ملاله یوسفزۍ او ګیسو یاري د ګډونوالو سره په بحث کې شاملې شوې او د غونډې د برخه والو پوښتنې یې ځواب کړې.

ملالې یوسفزۍ وویل چې د طالبانو په بیا واکمنېدو سره په افغانستان کې د ښځو او نجونو وضعیت ډېر خراب شوی او هغوی له خپلو بنسټیزو حقونو بې برخې شوې دي.

هغې زیاته کړه چې د خبرو اترو په میز کې د ښځو او نجونو حضور باید تضمین شي.

د سولې نوبل جایزې ګټونکې وویل: «کله چې نیمايي نفوس له پرمختګه بې برخې وي، تاسې نه شئ کولی د یوې ټولنې راتلونکې وټاکئ».

هغې څرګنده کړه چې پر ښځو د طالبانو بندیزونه زیاتره وخت د کلتوري او دیني مسایلو په توګه ګڼل کېږي، خو دا په داسې حال کې ده، چې افغانې ښځې د افغان کلتور استازیتوب کوي او همدا ښځې دي، چې له طالبانو سره مبارزه کوي.

د یوسفزۍ په وینا، طالبانو د ۲۰۲۱ کال د دوحې په ناسته کې وویل، چې ښځې به په دې مجلس کې نه وي او د ملګرو ملتونو استازو دغه غوښتنه ومنله.

نوموړې وویل چې د افغان ښځو غږ باید واورېدل شي او له طالبانو سره په خبرو اترو کې پرې جوړجاړی ونه شي.

د طالبانو تر واک لاندې ملي تلویزیون په نورستان کې د طالبانو امنیه قوماندان اختر محمد مزمل یو ویډیويي پیغام خپور کړی او نوموړی پکې وايي، چې په نورستان کې هېڅ ستونزه نشته او د دغه ولایت اوسیدونکي د دښمن پر وړاندې ددوی ترڅنګ ولاړ دي.

اخترمحمد مزمل زیاته کړې: « دلته په لویدېز نورستان کې هېڅ ډول ستونزه نه‌شته. د خپلې خاورې دفاع ته چمتو یو. د نورستان ولسونه له موږ سره اوږه پر اوږه د دښمن په مقابله کې ولاړ دي».

نوموړي د کامدېش ولسوالۍ د اصلي لارې د امنیت او پرانېستلو په اړه هېڅ یادونه نه ده کړي.

د طالبانو دغه امنیه قوماندان دغه څرګندونې پر داسې مهال کړې، چې د نورستان د کامدېش او برګمټال ولسوالیو اصلي لارې د پاکستاني ځواکونو د ډزو له امله تړل شوې دي او طالبانو ویلي، چې یادو ولسوالیو ته د بدیلو لارو پر جوړولو کار روان دی.

د ایران د ارمان بیمې شرکت یوه پلاوي د سې شنبې په ورځ د (وري ۱۱مه) په کابل کې د اریانا افغان هوايي شرکت د هغې الوتکې پلټنه او څیړنه کړې، چې د تېره اوونۍ له ځغاست لیکې نه د وتلو له امله یې یو وزر زیانمن شوی دی.

اریانا افغان هوايي شرکت ویلي، چې د ارمان بیمې شرکت له استازو سره یې د الوتکې د ستونزې د ارزونې په موخه ناسته کړې ده.

یاد شرکت ویلي، چې د بیمې پلاوي وروسته د کابل هوايي ډګر ځغل لیکه او زیانمنه شوې الوتکه هم له نږدې وکتله.

اریانا افغان هوايي شرکت د ۲۰۲۳ کال په اپریل کې خپلې الوتکې د ایران له ارمان بیمې شرکت سره بیمه کړې دي.

د دغه قرارداد پر بنسټ، د الوتکو وزرونه، بدنه او نور اړوند مسایل د ارمان شرکت په بیمه کې دي.

د وري پر پنځمه سرچینو افغانستان انټرنشنل ته وویل، چې له هرات نه کابل ته روانه د اریانا افغان هوايي شرکت یوه الوتکه له ځغل لیکې وتلې ده او یو وزر یې زیانمن شوی دی.

یاد وزارت د چارشنبې په ورځ اعلان وکړ، چې د یادې ډلې پلاوی به تر راتلونکو دوو ساعتونو پورې د چین اورمچي ښار په لور حرکت وکړي.

د طالبانو او پاکستان ترمنځ ناسته د چین په کوربه توب کېږي او موخه یې د اسلام‌اباد او کابل ترمنځ د کړکېچ هوارول دي.

طالبانو ویلي، چې په یاد پلاوي کې د یادې ډلې د بهرنیو چارو وزارت استازي محب‌الله وثیق او عبدالحی قانت، د کورنیو چارو وزارت استازی عارف‌الله، د دفاع وزارت استازی روح‌الله عمر او د استخباراتو ریاست استازی یحی تکل شامل دي.

د چین په منځګړیتوب د طالبانو او پاکستان ترمنځ دغه ناسته د کابل او اسلام اباد ترمنځ له څو میاشتني کړکېچ وروسته جوړېږي.

د دواړو لوریو ترمنځ د شخړې پرمهال پاکستان د کابل او کندهار په ګډون پر یو شمېر ولایتونو هوايي بریدونه وکړل او طالبانو په ځوابي بریدونو کې د پاکستان پر یو شمېر ښارونو د ډرون الوتکو بریدونه وکړل.

د اختر له لنډمهالي اوربند وروسته، لا هم د کونړ، نورستان او پکتیکا ولایتونو پر ځینو سیمو د پاکستان د هاوان بریدونه روان دي.