سرچینې وايي، طالبانو پر کونړ د پاکستان له بریدونو وروسته نن ماښام انتقامي بریدونه پیل کړي دي. طالبان وايي، په تېرو ۲۴ ساعتونو کې د کونړ پر سرکاڼو او مرورې ولسوالیو په بریدونو کې دوه کسان وژل شوي او ۱۰ نور ټپیان شوي دي.
سرچینې وايي، دمګړۍ د کونړ ولایت اړوند ډيورند کرښې ته څېرمه د طالبانو او پاکستاني ځواکونو تر منځ جګړه روانه ده. د سرچینې په وینا، په دې جګړه کې له سپکو او درنو وسلو هم استفاده کېږي.
لاتراوسه دواړو لوریو د اوښتې احتمالي مرګژوبلې په تړاو څه نهدي ویلي.
د طالبانو د ویاند مرستیال وايي، پاکستان په تېرو ۲۴ ساعتونو کې د کونړ پر سرکاڼو او منورې ولسوالیو ۱۵۵ توغندي توغولي او له امله یې ۲ کسان وژل شوي او ۱۰ ماشومان ټپيان شوي دي.
ویل کېږي په دې بریدونو کې یو موټر هم لهمنځه وړل شوی دی.
