په بلوچستان کې د سختو ورښتونو له کبله د دوو ماشومانو په ګډون اووه کسان مړه شوي دي
د بلوچستان په بېلابېلو برخو کې د سختو ورښتونو له کبله د دوو ماشومانو په ګډون ۷کسان مړه او څلور نور ټپیان شوي دي. د بلوچستان د ناورينونو مدیریت ادارې ويلي، چې له دې ډلې په کیچ او لورلايي کې دوه، دوه، په کوهلو کې یو کس او په جعفر اباد او کچي والسوالیو کې بیا یو، یو ماشوم مړ شوی دی.
د یادې ادارې په وینا؛ په هرنايي او کوهلو کې بیا یو، یو او په لورلايي والسوالۍ کې بیا دوه ماشومان ټپیان شوي هم دي. یادې ادارې ويلي، چې د سختو ورښتونو له امله د بلوچستان په بېلابېلو ولسوالیو کې ۲۲ کورونه په بشپړه توګه ویجاړ شوي دي.
