د امریکا د جګړې وزارت: جنرال رېنډي‌اې جورج به ډېر ژر د پوځ له لوی درستیزۍ ګوښه شي

د ایټالیا بهرنیو چارو وزارت د پنجشنبې په ورځ (د وري۱۳مه) د یوې اعلامیې په خپرولو سره ویلي، چې په بغداد کې د امریکایۍ خبریالې کیټلسن د تښتولو قضیه له نږدې څاري او د دې پېښې د څېړلو او د هغې د خوشې کولو په موخه له عراقي چارواکو سره په همغږۍ کې دی.

د دغه وزارت په اعلامیه کې راغلي، چې د ایټالیا د بهرنیو چارو وزیر انتونیو تاجاني لارښوونه کړې چې دا قضیه دې په مستقیم ډول او په بغداد کې د دغه هېواد د سفارت په همغږۍ وڅارل شي، څو ټول هغه شواهد وڅېړل شي چې د دې خبریالې د خوشې کېدو لامل کېدای شي.

د اعلامیې له‌مخې، په بغداد کې د ایټالیا سفیر له عراقي بنسټونو سره په دوامداره توګه په اړیکه کې دی او د بهرنیو چارو وزارت د ویاند دفتر هم له هغې رسنۍ سره په اړیکه کې دی چې کیټلسن ورسره کار کاوه.

کیټلسن په منځني ختیځ او په ځانګړې توګه په عراق او سوریې کې د خبریالۍ ډېره اوږده کاري مخینه لري.

د یادونې وړ ده، چې دغه امریکایۍ خبریاله دوه ورځې مخکې (سې‌شنبه د وري ۱۱مه) د عراق له پلازمېنې بغداد څخه د ناپېژندو کسانو له لوري تښتول شوې او لا تر اوسه هېڅ یوې ډلې د دغې تښتونې مسوولیت نه‌دی منلی.

د پاکستان حکومت تازه د تیلو په بیو کې لوړوالی راوستی او د هر لیټر پټرولو بیه ۴۵۸ او ۴۰ پیسې او د ډيزل بیه ۵۲۰ او ۳۵ پیسې ټاکلې ده.

په منځني ختیځ کې د روان کړکېچ له امله په پاکستان کې یو ځل بیا د تېلو بیې لوړې کړای شوي. د پاکستان حکومت دغې پرېکړې ګڼ غبرګونونه راپارولي دي.

د پاکستان د جماعت اسلامي پخوانی مشر سراج‌الحق وايي: «د حکومت له لوري د پټرولو په بیو کې نور زیاتوالی د منلو وړ نه‌دی. پر ځپل شویو خلکو د نور بار اچولو پر ځای دې د اشرافیه، حکومتي وزیرانو او سلاکارانو امتیازات راکم کړای شي».

په منځني ختیځ کې له روان کړکېچ مخکې په پاکستان کې د تیلو بیه څه باندې ۲۵۰ کلدارې وه، خو اوس یې بیه کابو دوه برابره لوړه شوې ده.

باخبره سرچينو رويټرز ته ويلي چې ټرمپ دا احساس هم درلود چې پام بانډي د هغو منتقدينو او مخالفينو پر وړاندې چې هغه غوښتل د جنايي تورونو له مخې محکمې ته راکش شي، په کافي چټکتيا عمل نه دی کړی.

ټرمپ په خپل ټولنيز پلټفورم ټروت سوشل کې لیکلي چې ټاډ بلانچ، چې د لویې څارنوالۍ مرستيال او د ده پخوانی شخصي وکيل دی، به په لنډمهالي ډول د عدليې وزارت مشري پر غاړه واخلي. نوموړي په خپل پيغام کې بانډي ستره امريکايۍ وطنپاله او وفاداره ملګرې وبلله او زياته يې کړه چې هغه به ډېر ژر په خصوصي سکتور کې نوې دنده ترلاسه کړي.

ټاډ بلانچ هم له ټرمپ څخه مننه کړې او د بانډي د هڅو ستاينه يې وکړه. هغه وليکل: «موږ به د پوليسو د ځواکونو ملاتړ، د قانون پلي کول او د امريکا د امنيت ساتنه دوامداره وساتو».

بانډي د خپلې دندې پر مهال، چې د عدليې وزيره او لویه څارنواله وه، د ټرمپ د پروګرامونو پياوړې ملاتړې بلل کېده او د سپينې ماڼۍ د غوښتنو د پلي کولو لپاره يې د عدليې وزارت خپلواکي تر ډېره له پامه غورځولې وه. خو د اپسټين د اسنادو د څرنګوالي په اړه نيوکو، په ځانګړې توګه د ټرمپ د متحدينو او يو شمېر جمهوري غوښتونکو له خوا، د هغې پر کاري دوره سيوری غوړولی و.

بانډي تورنه شوې ده چې د عدليې وزارت د اپسټين د قضیې اړوند اسناد يې يا پټ کړي او يا يې د سم مديريت توان نه درلود. اپسټين يو شتمن کس و چې د جنسي تېريو او د انسان قاچاق په تورونو تورن شوی و.

داسې ښکاري چې د ټرمپ د منتقدينو د تعقيب او محکمې ته د هغوی د راکش کولو په برخه کې د بانډي پاتې راتګ هم د ولسمشر نارضايتي زياته کړې وه. ټرمپ په تېرو مياشتو کې څو ځله بانډي ته ويلي وو چې د خپلو مخالفينو پر وړاندې د هغې له کړنو راضي نه دی.

بانډي د چهارشنبې ورځ د (وري ۱۲مه) زياته برخه له ټرمپ سره تېره کړه. هنوموړې له ټرمپ سره د امريکا سترې محکمې ته ولاړه او د اختر د ناشتې په مېلمستيا او د ايران د جګړې په اړه د ټرمپ په وينا کې یې هم ګډون درلود. خو د امريکا عدليې وزارت په همدې ورځ ونه توانېد چې د سترې محکمې قاضيان دې ته قانع کړي چې د ټرمپ د هغه فرمان ملاتړ وکړي چې له مخې يې هغو ماشومانو ته د تابعيت حق نه ورکول کېږي چې مور او پلار يې د امريکا تابعيت يا دايمي استوګنیز اسناد نه لري.

د اپسټين قضيه د ټرمپ لپاره يو سياسي جنجال ګرځېدلی او يو ځل بيا يې له اپسټين سره د هغه پخوانۍ نږدې اړيکې تر بحث لاندې راوستې دي. ټرمپ څو ځله ويلي چې دا اړيکه کلونه وړاندې پای ته رسېدلې ده. خو په ځينو نويو اسنادو کې چې د اپسټين له دوسيې سره تړاو لري، ټرمپ د جنسي تېريو په قضیو کې هم ښکېل بلل شوی دی.

رويټرز ليکلي چې د بانډي ګوښه کول ښايي د عدليې وزارت په پاليسۍ کې بدلونونه راولي او د ټرمپ د مخالفينو پر وړاندې د قضايي تعقيب لپاره نوی فشار رامنځته کړي. بانډي د ټرمپ د ادارې دویمه لوړپوړې چارواکې ده چې په وروستيو اوونيو کې له دندې لېرې کېږي. تر دې وړاندې، د امريکا د کورنيو امنيت وزيره کرسټي نوم هم د کډوالۍ په برخه کې د خپلو کړنو پر وړاندې د نيوکو وروسته د مارچ په پنځمه ګوښه شوې وه.

منتقدينو بانډي تورنه کړې چې لسګونه تجربه لرونکي او پخواني څارنوالان يې له دندو لېرې کړي، هغه کسان چې د ټرمپ پر ضد د قضيو په ځانګړې توګه د بايډن د واکمنۍ پر مهال یې کار کاوه. د هغوی په باور، بانډي د عدالت په پلي کولو کې بې پرېتوب له‌منځه وړی و.

د ازبکستان د بهرنیو چارو وزارت د یوې اعلامیې په خپرولو سره ویلي، چې بختیار سعیدوف د پاکستان د بهرنیو چارو وزیر اسحاق ډار سره د ټیلیفوني اړیکې پرمهال د افغانستان او پاکستان ترمنځ د ډیورنډ کرښې په اوږدو کې د وضعیت په اړه خبرې کړې دي.

د ازبکستان د بهرنیو چارو وزارت د طالبان او پاکستان ترمنځ د د تاوتریخوالي کمولو په برخه کې د اسلام‌اباد د هڅو ستاینه کړې ده او له ډیپلوماټیکو لارو یې د ستونزو پر حل ټینګار کړی دی.

د طالبانو او پاکستان ترمنځ شخړه د تېرو څو میاشتو راهیسې دوام لري او تازه د چین په منڅګړییتوب د دواړو لوریو ترمنځ د خبرو اترو زمینه زمینه برابره شوې ده.

د طالبانو او پاکستان د بهرنیو چارو وزارتونو اعلان کړی، چې د چین ارومچي ته یې د خبرو اترو لپاره منځپوړي پلاوي استولي دي.

مکرون چې له اروپایي او نورو متحدینو سره یې پر هرمز د ازاد تګ راتګ د تضمینولو لپاره ګډه همکاري پیل کړې، وویل چې دا یوازې له ایران سره د خبرو له لارې شوني دي.

هغه زیاته کړه: «موږ له پیل څخه وایو چې دغه تنګی باید بېرته پرانیستل شي ځکه د انرژۍ او نړیوال تجارت لپاره ستراتیژیکه لاره ده، خو دا یوازې له ایران سره د مشورې له لارې شوني دي».

مکرون پر ناټو متحدانو د ټرمپ د نیوکو په تړاو وویل، «زه نه غواړم د هغو عملیاتو په اړه تبصره وکړم چې امریکایانو یوازې له اسراییل سره پرې پریکړه کړې».

هغه زیاته کړه، «هغوی کولای شي پر دې حقیقت خپه شي چې مرسته نه کیږي، خو دا زموږ عملیات نه دي. موږ زر ترزره سوله غواړو».