د افغانستان د فوټبال ملي لوبډلې د فیفا په تازه ډلبندۍ کې په نړۍ کې اووه درجې شاتګ کړی او ۱۶۹م مقام یې خپل کړی دی. د دغه ډلبندۍ پر بنسټ د افغانستان فوټبال په وروستیو کلونو کې د پرلهپسې بحرانونو او ماتو وروسته شاتګ کړی دی.
افغانستان په اسیا کې بیا ۳۲م مقام خپل کړی.
د نړۍ او اسیا غوره لوبډلې:
په نړۍواله ډلبندۍ کې د فرانسې لوبډلې لومړی، د هسپانیا دویم او د ارجنټاین لوبډلې بیا درېیم مقام خپل کړی دی.
په اسیا کې بیا د جاپان، ایران او سویلي کوریا لوبډلې په ترتیب سره لومړی، دویم او درېیم مقامونو خپل کړي دي.
تر ټولو ډېر پرمختګ او شاتګ:
د ویتنام لوبډلې په دغه ډلبندۍ کې تر ټولو زیات پرمختګ کړی، ۹ خانې مخکې راغلې او د ۳۶.۱۷ مثبتو نمرو سره یې د غوره امتیازونو فعالیت هم ثبت کړی دی.
کوزوو چې په نړۍ کې ۷۸م مقام لري، د هغو لوبډلو څخه ده چې په دغه ډلبندۍ کې یې د پام وړ پرمختګونه کړي دي.
بل لوري ته د مالیزیا لوبډلې په دغه ډلبندۍ کې تر ټولو خراب فعالیت تجربه کړ، منفي ۵۹.۶۷ نمرې یې ترلاسه کړې او ۱۷ خانې یې شاتګ وکړ.
د افغانستان د فوټبال ملي لوبډلې دغه شاتګ د یادې لوبډلې په جوړښت او فعالیت کې جدي ننګونې په ګوته کوي؛ یوه داسې مسله چې د پرمختګ لارې ته د ستنېدو لپاره پاملرنې او بنسټیزې پلان جوړونې ته اړتیا لري.
بدخشي د خپل هسپانوي سیال لهخوا په درېیم پړاو کې د «سبمېشن» تخنیک له لارې ماتې وخوړه. دغه لوبه د یاد سازمان د اتلولۍ کمربند ګټلو لپاره ترسره شوه. فابیان سېنټس وتوانېده، چې خپل د اتلولۍ کمربند وساتي.
۲۵ کلن افغان لوبغاړی عبدالکریم بدخشي په خپله ۱۴مه مسلکي لوبه کې څلورمه ماتې وخوړه. بل لوري ته ۳۱کلن سېنټس هم په خپله ۱۴مه مسلکي لوبه کې خپله ۱۱مه بریا ثبت کړه.
دغه لوبه د بادالونا ارینا المپیک لوبغالي کې ترسره شوه.
۲۵کلن افغان لوبغاړي عبدالکریم بدخشي تر اوسه پورې ۱۳ مسلکي لوبې کړې، چې له دې ډلې ۱۰ بریاوې او ۳ ماتې لري. بل لوري ته ۳۱کلن فابیان سېنټس هم د دغه وزن په کټګورۍ کې په ۱۳ لوبو کې ۱۰ بریاوې او ۳ ماتې لري.
دغه لوبه به د اصلي سیالۍ په توګه ترسره شي او ځانګړی اهمیت لري؛ ځکه چې د دواړه لوبغاړي د اتلولۍ کمربند لپاره سره مخ کېږي. اوسمهال دغه لقب د فابیان سېنټس په لاس کې دی او بدخشي هڅه کوي، چې دغه اتلولي خپله کړي.
دغه لوبه د هسپانیا د بادالونا ښار د بادالونا ارینا المپیک په لوبغالي کې ترسره کېږي.
