متحده عربي امارات: د ایران سلګونه توغندیز او ډرون بریدونه مو شنډ کړي دي
د متحده عربي اماراتو د دفاع وزارت ویلي، چې د دغه هېواد دفاعي سیستم د ایران له لوري توغول شوي سلګونه بالستیک او کروز توغندي او زرګونه ډرون په بریالیتوب سره شنډ کړي دي.
د متحده عربي اماراتو د دفاع وزارت د جمعې په ورځ د یوې خبرپاڼې په خپرولو سره ویلي، چې پر دغه هېواد د ایران د بریدونو له پیل راهیسې یې په ټولییزه توګه ۴۷۵ بالستیک توغندي، ۲۳ کروز توغندي او ۲۰۸۵ بېپیلوټه الوتکې د دفاعي سیسټمونو په واسطه شنډې کړي دي.
