سپینې ماڼۍ د ۲۰۲۷ کال بودجې کې د ۱،۵ ټریلیون ډالرو دفاعي لګښت غوښتنه کړې
سپینې ماڼۍ د ۲۰۲۷ مالي کال لپاره په خپلې نوې بودجوي غوښتنه کې له کانګرس څخه د شاوخوا ۱،۵ ټریلیون ډالرو دفاعي بودجې د تصویب غوښتنه کړې او دا به د امریکا په تاریخ کې تر ټولو لوړه پوځي بودجه وي.
د راپور لهمخې، دا اندازه د ۲۰۲۶ کال د دفاعي لګښتونو پر تله شاوخوا ۴۴۵ میلیارد ډالره یا نږدې ۴۲ سلنه زیاتوالی ښيي. په ورته وخت کې، سپینې ماڼۍ وړاندیز کړی، چې غیر دفاعي لګښتونه دې ۷۳ میلیارد ډالره یا شاوخوا ۱۰ سلنه راکم شي.
دا بودجوي غوښتنه په داسې حال کې وړاندې کېږي، چې امریکا له ایران سره د جګړې په پنځمه اونۍ کې ده او حکومت هڅه کوي خپل دفاعي ظرفیتونه نور هم پیاوړي کړي.
د یادونې وړ ده، چې دا بودجه لا تر اوسه نهايي شوې نهده او د عملي کېدو لپاره باید د کانګرس له خوا تصویب شي.
