د شانګهای د ترهګرۍ ضد بنسټ: په افغانستان کې د ترهګرو ډلو فعالیت مخ په زیاتېدو دی

د طالبانو د خوست او پکتیا ولایتونو والیانو رسنیز دفترونو نن جمعې ورځ، د وري پر ۱۴مه په اېکس پاڼو کې لیکلي، چې د یادو ولایتونو په یو شمیر سیمو کې وروستیو سختو اورښتونو او سېلابونو ځايي خلکو ته مالي او ځاني زیانونه اړولي دی.

په دغو ولایتونو کې د وروستیو سختو اورښتونو او سېلابونو له امله د دوو ښځو په ګډون ۵ کسانو ته مرګ‌ژوبله اوښتې ده.

د لومړنیو معلوماتو پر بنسټ، تر دې مهاله د یادو پېښو له امله د پکتیا ولایت په مرکز کې یو تن مړ شوی او په جاني‌خېلو او وزې ځدراڼ ولسوالیو کې دوه تنه ټپیان شوي دي.

همدارنګه په پکتیکا کې د طالبانو د والي رسنیز دفتر ویلي، چې اړوند ادارې په زیانمنو سیمو کې د متوجې ګواښونو د مخنیوي لپاره چمتو حالت کې دي او هڅې روانې دي، څو زیانمنو ته پر وخت لازمې اسانتیاوې برابرې شي.

د طالبانو د ټولګټو چارو وزارت د جمعې په ورځ پر خپلېاېک‌س پاڼې لیکلي، چې د کابل – جلال‌اباد لویه لاره د "تنګي غارو" په سیمه کې د خټو او تیږو د ښویېدو له امله بنده شوې،همدارنګه د پروان – بامیان لاره د سیاه‌ګرد په سیمه کې د سېلابونو د راوتلو له امله د تګ راتګ پر مخ تړل شوې ده.

د یاد وزارت د معلوماتو له‌مخې، د هرات – فراه لویه لاره هم د تېرو څو ساعتونو پرله پسې ورښتونو له امله زیانمنه شوې او ځینې برخې یې د موټرو د تګ راتګ لپاره خطرناکې بلل شوې دي، چې دا مهال یاده لاره هم بنده ده.

د ټولګټو وزارت له ټولو مسافرو او موټر چلوونکو څخه غوښتنه کړې چې د یادو لارو د بیا خلاصون تر رسمي اعلان پورې له سفره ډډه وکړي او یا هم له بدیلو مسیرونو څخه ګټه پورته کړي.

د چین د بهرنیو چارو وزارت ویاندې ویلي، چې بیجینګ د دواړو لوریو سره نږدې اړیکه لري او د خبرو اترو لپاره یې مناسب چاپېریال چمتو کړ دی.

ماو نینګ ټینګار کړی، چې درې واړه لوري به په مناسب وخت کې د خبرو اترو جزییات شریک کړي.

د چین د بهرنیو چارو وزارت ویاندې دا څرګندونې په داسې حال کې کړي، چې د پاکستان او طالبانو ترمنځ شخړه په تېر اکتوبر کې پیل شوې او لسګونه کسان پکې وژل شوي دي.

د یادې شخړې لامل ټي‌ټي‌پي ډله کڼل کېږي او اسلام اباد د طالبانو اداره د دغې ډلې په ملاتړ تورنوي.

طالبان دا تورونه ردوي او په پاکستان کې د وسله والو بریدونه "د پاکستان داخلي ستونزه" ګڼي.

چین تازه د کابل او اسلام‌اباد ترمنځ د شخړې هوارۍ لپاره رامخته شوی او دواړه لوري یې د پنجشنبې په ورځ په ارومچي کې د خبرو مېز ته کېنولي دي.

د راپورونو له‌مخې، د طالبانو او پاکستان ترمنځ د روانو خبرو اترو تمرکز پر دوامداره اوربند، د سوداګرۍ او تګ راتګ لپاره د دواړو هېوادونو ترمنځ د لارو په پرانېستلو دی.

د طالبانو ترواک لاندې دغې رسنۍ ویلي، چې د پنجشنبې په ورځ د نيمروز د ورېښمو پله له لارې ۱۰، د ننګرهار د تورخم له لارې ۲۱۲، د هرات د اسلام کلا له لارې ۲۴ او د کندهار د سپين بولدک له لارې ۶۳کورنۍ افغانستان ته ستنې شوې دي.

طالب چارواکو ویلي، چې د راستنو شويو کورنيو له ډلې څخه ۱۰۲ کورنۍ خپلو اصلي سيمو ته لېږدول شوې او همداراز سلګونو نورو کورنيو ته بېلابېلې بشري مرستې وېشل شوې دي.

تر دې مخکې، د طالبانو تر واک لاندې د کډوالو ستونزو ته د رسېدنې عالي کمېسیون ویلي و، چې د چهارشنبې په ورځ ۲۶۹ کورنۍ له ایران او پاکستان نه په جبري توګه افغانستان ته ستنې کړای شوې دي. یاد کمېسیون ویلي، چې په همدې ورځ ۵۴ نورې کورنۍ بیا خپلو سیمو ته لېږدول شوې دي.

له بل پلوه د طالبانو د کډوالو او بېرته راستنېدونکو چارو وزارت ویاند عبدالمطلب حقاني خبر ورکړی، چې د ۱۴۰۴کال په لړ کې له ایران او پاکستان نه ۳مېلیونه او ۱۱۴زره کډوال په خپله خوښه او جبري توګه افغانستان ته ستانه شوي دي.

د طالبانو د سرحدونو، قومونو او قبایلو چارو وزارت جمعې ورځ، د وري پر ۱۴مه د یوې خبرپاڼې په خپرولو سره ویلي، چې نورالله نوري د یوه پلاوي په مشري ننګرهار ته سفر کړی او د یاد ولایت له دیني عالمانو، قومي مشرانو، د پوهنتون استادانو او ځوانانو سره د طالبانو له نظام څخه د دفاع لپاره غونډه کې یې ګډون کړی دی.
په دې وروستیو اونیو کې ډیری راپورونه خپاره شوي، چې طالبانو عام خلک اړ کړې چې د دغې ډلې په ملاتړ اعلان کړي.

د طالبانو چارواکو په وروستیو اونیو کې په وار وار ادعا کړې چې یاده ډله له پاکستان سره د جګړې پرمهال د عامو خلکو له پراخ ملاتړ څخه برخمن وه.

په ورته مهال د بحران نړۍوالې ډلې په خپل وروستي راپور کې ویلي، چې طالبانو هڅه کړې چې له پاکستان سره د جګړې څخه په استفاده په کور دننه د ځان په ګټه عامه ملاتړ خپل کړي.

په همدې حال کې ځینې څارونکي په دې باور دي، چې د افغانستان په عصري تاریخ کې د لومړي ځل لپاره د پاکستان سره د تاوتریخوالي په اړه د خلکو په نظرونو کې یوالی راڅرګند شوی دی.

خو د طالبانو مخالف سیاسي حرکتونه بیا په دې باور دي، چې طالبانو د بهرنیو وسله والو په ملاتړ سره د افغانستان په خاوره کې د نفوذ او د هیواد د ملي حاکمیت د سرغړونې لپاره لاره هواره کړې ده.