په بلخ کې د معلولینو د بسکېټبال سیالۍ پای ته ورسېدې
په بلخ کې د معلولینو ترمنځ د بسکېټبال دوستانه سیالۍ، چې د طالبانو د بدني روزنې او سپورټ ادارې له لوري تنظیم شوې وې، پای ته ورسېدې.
دغه سیالۍ د بلخ او بامیان ولایتونو د څلورو لوبډلو په ګډون ترسره شوې چې موخه یې د معلولینو د وړتیاوو د څرګندولو او په ټولنه کې د هغوی د مثبت رول معرفي کول وو.
دا سیالۍ په داسې حال کې ترسره کېږي چې د معلولینو د ملاتړ اړتیا لا هم جدي ده، خو ورته ورزشي پروګرامونه کولای شي د هغوی د وړتیاوو د څرګندولو ترڅنګ، په ټولنه کې د برابرۍ او ګډون فرهنګ پیاوړی کړي.
