عراق له ایران سره خپله سوېلي سرحدي لاره وتړله
عراق د ایران په خاوره کې په یوه هوايي برید کې د یوه عراقي وګړي له وژل کېدو وروسته له دغه هېواد سره خپله سوېلي سرحدي لاره تړلې ده.
رویټرز د شنبې په ورځ، د وري ۱۵مه د امنیتي سرچینو له قوله راپور ورکړی، چې عراق له ایران سره د شلمچي لاره د خپل یوه وګړي د وژل کېدو په اعتراض کې تړلې ده. دا عراقي وګړی د ایران په خاوره کې د یوه هوايي برید په ترڅ کې وژل شوی دی.
سرچینو تر اوسه د یاد برید د موخې او د پېښې د کره جزییاتو په اړه نور معلومات نهدي ورکړي.
د شلمچي لاره د عراق او ایران ترمنځ یو له مهمو سوداګریزو او ټرانزیټي لارو څخه شمېرل کېږي، چې د دواړو هېوادونو په اقتصادي راکړه ورکړه کې بنسټیز رول لري.
