زېلېنسکي له ارودغان سره د امنیتي همکاریو په تړاو خبرو لپاره استانبول ته ورسېد
د اوکراین ولسمشر ولادیمیر زېلېنسکي د ترکیې له ولسمشر رجب طیب اردوغان سره د امنیتي مسایلو په اړه د خبرو اترو په موخه استانبول ته رسېدلی دی. زېلېنکسي ویلي چې په دغه لېدنه کې به پر سیمهییز ثبات او له منځني ختیځ سره د امنیتي همکاریو پر پراختیا خبرې وشي.
د اوکراین ولسمشر له عربي هېوادونو څخه تر سفر وروسته ترکیې ته په رسمي سفر تللی دی.
نوموړي د شنبې په ورځ پر خپل اېکسپاڼه لیکلي:« موږ د خپلې دوه اړخیزې ملګرتیا پر پیاوړتیا کار کوو، تر څو په اروپا او منځني ختیځ کې ثبات او امنیت تضمین شي».
زېلېنسکي له اردوغان سره د لېدنې په تړاو د خبرو د جزییاتو په اړه ډېر څه دي ویلي، خو ټینګار یې کړی چې دا لېدنه به د امنیتي ننګونو پر وړاندې د ګډو حللارو پر موندلو تمرکز ولري.
اوکراین په دې وروستیو کې له سعودي عربستان، متحده عربي اماراتو او قطر سره د امنیتي همکاریو تړونونه لاسلیک کړي او اوسمهال له څو نورو منځني ختیځ هېوادونو سره هم په ورته ترتیباتو بوخت دی.
