د افغانستان د فوټبال فدراسیون له لوري ازبکستان ته د ۱۷کلنو فوټبال ملي لوبډلې تر لېږلو وروسته، د ۲۰۲۶کال کافا جام سیالیو لپاره د لوبغاړو رسمي نوملړ اعلان شو. په دې نوملړ کې د ۲۰ لوبغاړو نومونه شامل دي، چې ټاکل شوې له دوو ورځو وروسته خپلې سیالۍ پیل کړي.
د افغانستان د ۱۷ کلنو فوټبال ملي لوبډله به په خپلې لومړۍ لوبه کې د قرغزستان له لوبډلې سره مخ شي.
د لوبغاړو او تخنیکي ټیم بشپړ نوملړ:
ګول ساتونکي:
محمدمصطفی صدیقي، عليرضا محمدي، احمد عمران نورزي.
لوبغاړي:
سید حسیب سادات، فردین صادقي، مجیب امیري، حسیبالله عثماني، مصطفی سخيزاده، جاوید صادقي، ضمیر شجاع، یاسین نورزهي، حسیبالله امیري، مهران عليخاني، سیدحارث عاشوري، رامش اکبري، سیدجواد رحیمي، مجتبی حیدري، طیب قادري، محمدفهیم حماس، محمد نورزي.
روزونکی:
علياحمد یارزاده
د سیالیو مهالوېش:
افغانستان – قرغزستان (دوشنبه، د ۱۴۰۵کال د وري۱۷مه)
افغانستان – ترکمنستان (سېشنبه، د ۱۴۰۵کال د وري ۱۸مه)
افغانستان – تاجکستان (پنجشنبه، د ۱۴۰۵کال د وري ۲۰مه)
افغانستان – ازبکستان (شنبه، د ۱۴۰۵کال د وري ۲۲مه)
دغه سیالۍ د پنځو لوبډلو په ګډون، د تاشکند ښار د «دوستلیک» په لوبغالي کې ترسره کېږي.
بدخشي د خپل هسپانوي سیال لهخوا په درېیم پړاو کې د «سبمېشن» تخنیک له لارې ماتې وخوړه. دغه لوبه د یاد سازمان د اتلولۍ کمربند ګټلو لپاره ترسره شوه. فابیان سېنټس وتوانېده، چې خپل د اتلولۍ کمربند وساتي.
۲۵ کلن افغان لوبغاړی عبدالکریم بدخشي په خپله ۱۴مه مسلکي لوبه کې څلورمه ماتې وخوړه. بل لوري ته ۳۱کلن سېنټس هم په خپله ۱۴مه مسلکي لوبه کې خپله ۱۱مه بریا ثبت کړه.
دغه لوبه د بادالونا ارینا المپیک لوبغالي کې ترسره شوه.
