هند د افغانستان د سیلاب ځپلو د لاسنیوي په موخه کابل ته د بشري مرستو جوپه لېږلې

د طالبانو د طبیعي پېښو سره د مبارزې ادارې ویاند یوسف حماد د یکشنبې په ورځ، د وري پر ۱۶مه په یوه ویډیو کې وویل، چې په هېواد کې د درنو بارانونو او سېلابونو له امله په بشپړه توګه ۹۵۵ استوګنیز کورونه وېجاړ شوي او ۳۹۹۰ نور کورونه زیانمن شوي دی.

د یادې ادارې په وینا، سېلابونو ۳۵۵ کیلومتره سړکونه او نږدې ۱۴ زره هکتاره کرنیزه ځمکه هم زیانمنه کړې، چې شاوخوا ۸۰۰۰ کورنۍ یې اغیزمنې کړې دي.

په ورته وخت کې د طالبانو د ټولګټو وزارت اعلان وکړ، چې وروستیو بارانونو، سېلابونو او ځمکښویېدنې په هیواد کې یو شمیر لویې لارې او سړکونه په موقت ډول تړلي دي.

په افغانستان کې تیره اونۍ بې ساري بارانونه خو د زابل په څیر سیمو کې تر ۵۰ سانتي مترو پورې واوره ورېدلې ده.

سیلابونه په دوامداره توګه په افغانستان کې مرګونې طبیعي پېښې له ځان سره لري، چې هر کال سلګونه کسان پکې مري.

کارپوهان وايي چې پر اقلیم بدلون او دوامدارې وچکالۍ سربېره، غیر معیاري ودانیز کارونه هم د پېښو او د مرګ ژوبلې شمېر لوړوي.

د طالبانو تر واک لاندې ارګ په یوه خبرپاڼه کې ویلي، چې د رییس الوزرا اداري مرستیال عبدالسلام حنفي د ازبکستان د درملو ادارې له مسوول عبدالله عزیزوف سره کتلي او د درملو په برخه کې د پانګونې په تړاو یې خبرې کړې دي.

د ازبکستان د درملو ادارې مسوول د یادې لېدنې پرمهال ویلي، ازبکستاني پانګوال لېواله دي چې د افغانستان د درملو د وارداتو په برخه کې پانګونه وکړي.

په خبرپاڼه کې د عزیزوف له قوله لیکل شوي:«د باکیفیته درملو واردات، وېش او د خلکو د باور خپلول زموږ په کاري لومړیتوبو کې ځای لري او ژمن یو، همغه ډول باکیفیته درمل چې په خپل هېواد کې تولید او استفاده کوو، افغانستان ته یې هم وارد کړو».

یاد ازبکستاني چارواکي د طالبانو د رییس الوزرا له اداري مرسیتال سره په افغانستان کې د لوړ کیفیت لرونکو درملو په برخه کې د پانګونې پر وړاندې د شته خنډونو د حل په تړاو هم خبرې کړي دي.
په ورته مهال طالبانو په افغانستان کې د درملو په برخه کې د ازبکستاني پانګوالو د چمتووالي هرکلی کړی او د اسانتیاوو برابرولو ډاډ یې ورکړی دی.

وړاندې افغانستان ته ډېره برخه درمل له پاکستان او ایران څخه راوړل کېدل، خو د طالبانو او پاکستان ترمنځ له شخړې وروسته د دواړو هېوادونو ترمنځ سوداګري صفر کچي ته راټیټه شوې او په ایران کې د جګړې له امله د افغانستان په بازارونو کې د درملو بیې په بې‌ساري ډول لوړې شوې دي.

د طالبانو تر واک لاندې د افغانستان بانک د یوې خبرپاڼې په خپرولو سره ویلي، چې د یاد بانک د رییس نوراحمد اغا په مشرۍ د افغانستان بانک د عالي شورا غونډه کې د بانک رییس وویل، چې د تېرو دوو کلنو په پرتله په تېر کال کې د افغانستان د بانکونو شتمنۍ ۴،۶۹ سلنه لوړې شوې او همدارنګه افغانۍ د ډالرو او نورو اسعارو په پرتله خپل ثبات ساتلی دی.

نوراحمد اغا زیاته کړې چې «افغانۍ د تېر کال په اوږدو کې د سیمې او نړۍ د ډېرو اسعارو په پرتله خپل ثبات ساتلی او د ۱۴۰۴ لمریز کال په جریان کې د ډالرو پر وړاندې یې ارزښت د ۱۴۰۳ کال په پرتله ۱۰،۷۷ سلنه لوړ شوی دی».

په خبرپاڼه کې راغلي، چې د افغانستان بانک د عالي شورا په دې غونډه کې د پولي سیاستونو د عملي کېدو، د بانکي سکتور د پیاوړتیا، اسلامي بانکوالۍ د ودې، د اداینو سیستم د پرمختګ ترڅنګ د ۱۴۰۵ کال د پلانونو په اړه هم پریکړې وشوې.

د طالبانو تر کنټرول لاندې د افغانستان بانک رییس پر داسې مهال د ډالرو پر وړاندې د افغانۍ د ارزښت لوړېدو خبر ورکړی، چې یاده ډله لاهم له سختو نړۍوالو او بانکي بندیزونو سره مخ ده.

د طالبانو د کانونو او پټرولیم وزارت نن یکشنبه، د وري پر ۱۶مه وویل، چې په دې لیدنه کې دواړو لوریو د دوه اړخیزو اړیکو پر پیاوړتیا، د افغانستان د کاني زېرمو په برخه کې د پانګونې فرصتونو او نورو اړوندو موضوعاتو په تړاو بحث او نظرونه شریک کړل.

د وزارت په خبرپاڼه کې راغلي، چې د طالبانو د کانونو او پټرولیم وزارت وزیر هدایت الله بدري د ترکي شرکتونو د لېوالتیا هرکلی کړی او دغه راز دوی ته یې د افغانستان د کانونو په ځانګړې توګه د نفتو او ګازو زېرمو په برخه کې د پانګونې بلنه ورکړې ده.

تېر ۱۴۰۴ کال د غويي پر ۱۹مه د طالبانو د کانونو او پټرولیم وزارت سرپرست ملا هدایت الله بدري سره په ناسته کې د یوه ترکي شرکت مشر د افغانستان د سرو زرو، مسو، تیلو او ګازو د استخراج په برخه کې پانګونې ته لېوالتیا ښودلې وه .

د طالبانو وزیر دغه ترکي شرکت ته د همکارۍ ډاډ ورکړی و.

د طالبانو د پېښو پر وړاندې د مبارزې ادارې ویاند محمد یوسف حماد ویلي، چې طبیعي پېښو له امله یاده مرګ‌ژوبله په کابل، پروان، کاپیسا، دایکندي، پکتیا، پکتیکا، میدان وردګ، غزني، زابل، ارزګان، کندهار، هرات، نیمروز، غور، بادغیس، سمنکان، تخار، بدخشان، ننګرهار، لغمان او کونړ ولایتونو کې شوې ده.

نوموړي ویلي، چې د ځاني زیان ترڅنګ ۱۵۷ کورونه په بشپړ ډول، ۱۲۹۳ کورونه په نسبي ډول او ۱۸ کیلومتره سړکونه هم ویجاړ شوي دي.

طالبانو ویلي، چې په بېلابېلو ولایتونو کې په تېرو ۱۰ ورځو کې د بارانونو، سېلابونو، زلزلې او غره ښوېېدنې په پایله کې ۹۹ کسان مړه شوي او ۱۵۴ کسان ټپیان دي.