د اسراییل پوځ: په تېرو ۲۴ ساعتونو کې مو په ایران کې تر ۱۲۰ ډېرې پوځي موخې په نښه کړې دي
د اسراییل پوځ د یکشنبې په سهار اعلان کړی، چې د دغه هېواد هوايي ځواک په تېرو ۲۴ ساعتونو کې د ایران حکومت اړوند د توغندیزو سیسټمونو او هوايي دفاعي شبکو پورې تړلي تر ۱۲۰ زیات هدفونه په نښه کړي دي.
د اسراییل پوځ په وینا؛ د دغه هېواد جنګي الوتکو په دې موده کې د ایران په مرکزي او لوېدیځو سیمو کې ځینې پوځي ځایونه بمبار کړي دي. په دغه هدفونو کې د سپاه پاسداران پورې تړلي د بالستیک توغندیو اډې، د بېپیلوټه الوتکو (ډرون) د تولید او توغولو مرکزونه او دارنګه د هوايي دفاع سیسټمونه شامل دي.
د ورکړل شویو معلوماتو له مخې؛ د دغه دفاعي سیسټمونو لهمنځه وړل چې د اسراییلي جنګي الوتکو لپاره ګواښ بلل کېده د دې لامل شوی، چې اسراییل د ایران په فضا کې خپل هوايي ځواک وساتي.
