په کلفورنیا کې مېشتو افغانانو د افغانستان په خاوره د پاکستان وروستي بریدونه غندلي دي

د امریکا د کلفورنیا ایالت په مرکز سکرمنټو ښار کې مېشتو افغانانو د افغانستان په خاوره د پاکستان وروستي بریدونه غندلي او له نړۍوالې ټولنې یې غوښتي، چې دغه پېښې وڅېړي.

د امریکا د کلفورنیا ایالت په مرکز سکرمنټو ښار کې مېشتو افغانانو د افغانستان په خاوره د پاکستان وروستي بریدونه غندلي او له نړۍوالې ټولنې یې غوښتي، چې دغه پېښې وڅېړي.
یاده غونډه چې په کلفورنیا کې د پښتون ژغورنې غورځنګ په نوښت د یکشنبې په ورځ (د وري ۱۶مه) جوړه شوې وه، پهکې د افغانانو بېلابېلو ټولنو، شوراګانو، قومي مشرانو، ښځو او ځوانانو برخه اخیستې وه.په دې غونډه کې د کلفورنیا د پښتون ژغورنې غورځنګ مشر بسملالله بسیم په خپله وینا کې وویل، چې پاکستان په خپلو بریدونو کې یوازې ملکي ځایونه او وګړي په نښه کړي دي او ښځو، ماشومانو او ناروغانو ته یې مرګژوبله اړولې ده. د هغه په وینا، پاکستان باید په دې تړاو وضاحت ورکړي.د بسیم په وینا، پاکستان تل د افغانستان د هر حکومت مخالفت کړی او نږدې پنځه لسیزې یې د افغانانو په وژنه کې لاس لرلی دی.په دې غونډه کې ګډونوالو یو لسمادهییز پرېکړهلیک وړاندې کړ، څو نړۍوالو خپلواکو ټولنو او بنسټونو ته واستول شي.په دغه پرېکړهلیک کې د کلفورنیا مېشتو افغانانو له نړۍوالې ټولنې او د امریکا له حکومته غوښتي، چې د پاکستان لهخوا پر افغانستان بریدونه رسماً وغندي، د حقیقت موندنې بېطرفه څېړنې پیل کړي او د نړۍوالو قوانینو د سرغړوونکو پر وړاندې لازم اقدامات وکړي.په پرېکړهلیک کې دا هم ویل شوي، چې پاکستان باید د نړۍوالو قوانینو لهمخې ځوابویونکی وګرځي او د دغو قوانینو پر وړاندې مسوول وپېژندل شي.