په بغلان کې د ترافیکي پېښې له امله رامنځته شوې اورلګېدنه کې پنځه تنه مړه شوي
د سیمهییزو رسنیو د راپور لهمخې، د بغلان ولایت د دوشي ولسوالۍ په زردسنګ سیمه کې د دوو بار وړونکو (ټېلر) موټرو ترمنځ ټکر شوی، چې له امله یې ترافیکي پېښه او ورسره اورلګېدنه رامنځته شوې ده او پنځه تنه پهکې مړه شوي دي.
دغه پېښه تېره شپه شاوخوا د شپې لس نیمې بجې رامنځته شوې ده. په پېښه کې د اورلګېدنې له امله دوه هینو ډوله موټر هم زیانمن شوي دي.
همداراز، ویل کېږي، چې دغه پنځه تنه په یوه کرولا موټر کې سپاره وو چې د اور لګیدنې له امله یې ژوند بایللی.
