په بلوچستان کې د وسلهوالو او امنیتي ځواکونو ترمنځ جګړه روانه ده
د بلوچستان د مستونګ ولسوالۍ د مرستیال دفتر افغانستان انټنرنشنل ـ پښتو ته ویلي، چې د یادي ولسوالۍ په ګردګاپ سیمه کې د وسلهوالو او امنیتي ځواکونو ترمنځ نښته روانه ده. نوموړي زیاته کړې، چې سیمې ته نور ځواکونه هم رسېدلي دي.
د مستونګ ولسوالۍ مرستیال کمېشنر زیاته کړې، چې جګړه له نن سهاره پیل شوې او لا هم روانه ده. د یاد دفتر د معلوماتو لهمخې، وسلهوال سړکونو ته راوتلي او لارې یې هم د ترافیکو پر مخ تړلې دي.
د پاکستان امنیتي ادارو تر اوسه په دې جګړه کې د تلفاتو په اړه معلومات نه دي ورکړي، خو وایي چې سیمې ته یې نور ځواکونه لېږلي.
مستونګ ولسوالۍ د بلوچستان له ناامنو سیمو یادېږي او زیات مهال له دې ولسوالۍ څخه د جګړې راپورونه ورکول کېږي.
