ایراني چارواکی: د پلونو او برېښناکوټونو د ګواښ په ځواب کې به سخت غبرګون وښودل شي
د ایران د بهرنیو چارو وزارت مرستیال کاظم غریبابادي د دوشنبې په ورځ وویل: «د برېښناکوټونو او پلونو پر ضد د برید ګواښ جنګي جنایت بلل کېږي او ایران به د ملګرو ملتونو د منشور د ۵۱مې مادې پر بنسټ هر ډول تېري یا نږدې ګواښ ته پرېکنده، ژر او پښېمانوونکی ځواب ورکړي».
نوموړي زیاته کړې: «سپارښتنه کېږي چې مخکې له دې چې د امریکا د ولسمشر نوم د جګړې د ستر جنایتکار په توګه په تاریخ کې ثبت شي، له دغو ګواښونو دې لاس واخلي، ځکه چې پایلې به یې یوازې ایران پورې محدودې نه وي».
