ههنګاو: په عراق کې د ایراني کردستان د ګوندونو کمپونه لږترلږه ۱۶۰ ځله په نښه شوي دي
د ههنګاو د بشري حقونو سازمان په خپل یوه راپور کې ویلي، د امریکا ـ اسراییل او ایران ترمنځ د جګړې له پیل راهیسې د عراق د کردستان اقلیم کې د ایران د کردستان د ګوندونو مرکزونه او کمپونه لږ تر لږه ۱۶۰ ځله د سپاه پاسداران او د هغوی د نیابتي ډلو لهخوا هدف ګرځېدلي دي.
د دغه راپور لهمخې، د ایران د کردستان ډیموکراتیک ګوند مرکزونه او کمپونه لږترلږه ۹۳ ځله، د کردستان د ازادۍ ګوند (پاک) او د ایران د کردستان کومله ګوند مرکزونه هر یو ۲۱ ځله، د کردستان د زحمتکښانو کومله ګوند مرکزونه ۱۸ ځله، د ایران د کردستان خبات سازمان ۵ ځله او د ایران د کمونیست کومله ګوند مرکزونه ۳ ځله د توغندیزو او ډرون بریدونو هدف ګرځېدلي دي.
ههنګاو اشاره کړې، چې په دغو بریدونو کې لږترلږه ۵ تنه وژل شوي او شاوخوا ۳۰ نور ټپیان شوي دي.
