د کونړ یو شمېر قومي مشران د باجوړ له قومي مشرانو سره د اوربند په خبرو بوخت دي

اوچا په خپل تازه راپور کې ویلي، چې د افغانستان او پاکستان ترمنځ سرحدي نښتو، سختو سېلابونو او په بشري پروګرامونو کې د طالبانو د لاسوهنې له امله مرستندویه فعالیتونه له ځنډ او خنډ سره مخ دي.

په راپور کې راغلي، چې د طالبانو د امر بالمعروف ادارې په ګډون د سازمانونو په بشري فعالیتونو کې لاسوهنه یوه لویه ننګونه ده.

په راپور کې راغلي، چې په تېره مارچ میاشت کې د یاد سازمان د سیمه‌ییزو کارکوونکو په ګومارنه، د مستحقینو په ټاکلو، د هوکړه لیکونو په لاسلیک کې د ځنډ او پر ښځینه کارکوونکو د محدودیتونو لګولو په ګډون ۲۴ پیښې ثبت شوې دي. د اوچا د معلوماتو له‌مخې، دا پېښې په تېر کې ۴۹ وي ، خو په مارچ میاشت کې ۲۴ ته را کمې شوې دي.

همدارنګه اوچا په خپل راپور کې ویلي، چې د افغانستان او پاکستان ترمنځ نښتې او سېلابونه بیا دوه نور هغه کړکېچونه دي، چې د یاد ساز مرستندویه فعالیتونه یې له ځنډ او خنډ سره مخ کړي دي.

د راپور له مخې، په مارچ میاشت کې د افغانستان او پاکستان ترمنځ پر ډیورنډ کرښه نښتو د خوست، کونړ، ننګرهار، نورستان او پکتیا په ګډون یو شمېر ولایتونه اغېزمن کړي وو. په نورستان ولایت کې د برګمټال او کامدېش ولسوالیو شاوخوا ۱۷ زره کورنۍ د اکمالاتي لارو د تړل کېدو له امله د خوراکي توکو او درملو له سخت کمښت سره مخ وې.

ملګرو ملتونو له دې وړاندې هم د بشري سازمانونو په چارو کې د طالبانو له لاسوهنې رپوټ ور کړی و.

د یاد وزارت ویاند همایون افغان نن یکشنبه (د غويي ۶مه) پر خپله اېکس پاڼه لیکلي چې دغه پروژه به سبا رسما پرانیستل شي. د هغه په وینا، د فابریکې ټول لګښت شاوخوا ۱۶۰ میلیونه ډالره دی او په ورځ کې د ۳۰۰۰ټنه سمنټو د تولید وړتیا لري.

چارواکي زیاتوي چې د دې پروژې په پلي کېدو سره به شاوخوا ۵۰۰۰ کسانو ته د کار زمینه برابره شي.

افغانستان کې اوس مهال د سیمنټو سترې فابریکې په هرات، کندهار بغلان، کندز او ځینو نورو ولایتونو کې فعالیت لري. د دې تر څنګ افغانستان د خپلې اړتیا وړ سمنټ له ایران او پاکستان څخه هم واردوي. له بل پلوه ایراني چارواکي وایي، د دوغارون او اسلام‌کلا له لارې هر کال شاوخوا ۴زره ټنه د تربت‌جام سمنټ افغانستان ته صادرېږي.

دغه وزارت په یوه خبرپاڼه کې ویلي، د یادو ولایتونو محتسبینو د مېرمنو د حقونو د خوندي کولو په موخه دغه پنځه مېرمنې له بېلابېلو ستونزو ژغورلې دي.

د وزارت په وینا، په دغو قضیو کې د کورني تاوتریخوالي، کورني بند، نفقې او میراث اړوند ستونزې شاملې وې، چې مېرمنې ترې د ناوړه دودونو له امله محرومې شوې وې.

خبرپاڼه زیاتوي چې د تېرې حمل میاشتې په ترڅ کې په ټول هېواد کې د مېرمنو اړوند له ۴۰۱څخه ډېرو قضیو ته رسېدنه شوې، چې پکې د میراث، ولور، نفقې، کورني بند، په بدو کې ورکړې او غیر شرعي نکاح قضیې شاملې دي.

نوري دغه غونډه کې د طالبانو د نظام څخه د ملاتړ ترڅنګ، په ملي یووالي او د خلکو د ستونزو د اورېدو پر اهمیت ټینګار کړې او ویلي دي چې « افغانان د دین او خاورې د دفاع لپاره یو موټی دي.»

دا په داسې حال کې ده چې یوه ورځ وړاندې د طالبانو د بهرنیو چارو وزیر امیر خان متقي په یوه غونډه کې ادعا کړې وه چې د دوی پر وړاندې هېڅ مخالفت نشته او ټول ولس ورسره ولاړ دی.

له واکمنېدو راهیسې طالبان د ټول‌ګډونه حکومت د نه جوړولو او د لږکیو د حقونو د نقض له امله له نیوکو سره مخ دي. په دې وروستیو کې داسې راپورونه خپاره شوي چې ګواکې پر خلکو فشار راوړل کېږي څو له طالبانو ملاتړ اعلان کړي.

یو شمېر شنونکي په دې باور دي چې د طالبانو له لوري د خلکو د ملاتړ پرله‌پسې غوښتنه د دې نښه ده چې دوی د خپل نظام پر ثبات بشپړ باور نه لري.

ورته مهال د بحران نړۍوالې ډلې په خپل وروستي راپور کې ویلي، چې طالبانو هڅه کړې له پاکستان سره د جګړې څخه په ګټې اخیستنې په کور دننه د ځان په ګټه عامه ملاتړ خپل کړي.

د یاد ریاست د اړیکو او عامه پوهاوي مدیر حامد الهام ویلي چې په خوشې شویو مرغانو کې ۱۵ زرکې، ۸ میناوې، ۱۲ جل مرغان او یو شاهین شامل دي.

هغه زیاته کړې چې دا اقدام د ژوو د بیلابیلو نسلونو د ساتنې او د وحشي ژوو د ناقانونه ښکار او ساتنې د مخنیوي په موخه ترسره شوی دی.

د هرات د چاپېریال ساتنې ریاست ټینګار کوي چې د مرغانو د راټولولو بهیر به دوام ولري او له سرغړوونکو سره به قانوني چلند وشي.

دغه مرغان د هرات ښار د تخته صفر تفریحي پارک په شنه طبیعت کې خوشې شوي او بېرته خپل طبیعي چاپېریال ته ستانه شوي دي.