ټاکل شوې ده، سبا د ایران په امیرکبیر صنعتي پوهنتون کې د افغانستان په ګډون د اوو هېوادونو د روباټیک او مصنوعي ځیرکتیا ټیمونو ترمنځ سیالۍ پیل شي. په دغو اووه ورځنیو سیالیو کې به ۳۹۲ ټیمونه او له زرو ډېر ګډونوال برخه واخلي.
د ایران د ایرنا اژانس د خبر له مخې، د دغو سیالیو په دې پړاو کې د روسیې، تاجکستان، افغانستان، عمان، قبرس، ترکیې او ایران ټیمونه په حضوري او مجازي بڼه ګډون کوي.
همدارنګه، د ایران د ۱۶ ولایتونو زده کوونکي او د پوهنتون محصلان هم په دغو سیالیو کې برخه اخلي.
د جوړ شوي پروګرام له مخې، سیالۍ به په ۲۱ لیګونو کې، د زده کوونکو او محصلانو په دوو برخو کې ترسره شي.
ګډونوال به د الوتونکو روباټونو، ورزشي روباټونو، ننګوونکو روباټونو او د زده کوونکو د روباټونو په څلورو تخصصي برخو کې خپلې وړتیاوې د روباټیکي سیسټمونو د طرحې او د مصنوعي ځیرکتیا د الګوریتمونو د پراختیا په برخه کې نندارې ته وړاندې کړي.
د افغانستان د روباټیک ټیم چې د «افغان ډریمرز» په نوم هم پېژندل کېږي، په ۲۰۱۷ کال کې د افغانې متشبثې رویا محبوب په نوښت جوړ شوی.
دا ټیم د نجونو او ځوانانو له غړو جوړ دی او د نړۍ په بېلابېلو نړیوالو روباټیکو سیالیو کې یې برخه اخېستې.
