د پاکستان جمعیت علمای اسلام د بلوچستان پر جومات او مدرسې ډزې د «افسوس» وړ بللي

د پاکستان د سایبري جرمونو د پلټنو ملي ادارې (اېن‌سي‌سي‌ای‌اې) له لوري د شنبې په ورځ (د چنګاښ ۲۷مه) په خپرې شوې خبرتيا کې نورين نیازۍ ته ويل شوي: «پر ټولنیزو رسنیو دې د ادارو پر ضد د دروغو او سپکاوي ډک بیان خپور شوی او که حاضره نه‌شې، داسې به وګڼل شي چې د خپل ځان د دفاع لپاره څه نه‌لري».

دغې ادارې نورین نیازۍ سبا (دوشنبه د چنګاښ ۲۹مه د جولای ۲۰مه) د غرمې په ۱۲ بجو اسلام‌اباد ته احضار کړې ده.

د تحريک انصاف ګوند پلويانو ويلي، حکومت پر عمران خان د فشار راوړلو لپاره د هغه خويندې ځوروي.

نورین نیازۍ په یوه ويډيويي پیغام کې چې په خواله رسنيو خپور شوی، د پاکستان او هند ترمنځ جګړه کې د پاکستان د پوځ په اړه ويلي: «دغه جګړه د پاکستان د وسله‌والو ځواکونو او نريندرا موډي ترمنځ په جوړ جاړي شوې او له موډي سره په ګډه دا ډرامه جوړه شوې، که موډي غوښتل نو په دوو دقیقو کې به یې دوی سم کړي وو».

هغې د پاکستان پوځ ته په اشارې سره ادعا کړې: «دوی غوښتل چې پاکستان، اسراییل په رسمیت وپېژني، ټرمپ هم ځکه د دوی ستاینه کوي».

بل لور ته د واکمن ګوند مسلم ليګ ن یوه پخواني وزير خواجه سعد رفيق ويلي، نه هر مخالف نیول کېدای شي او نه د هر چا خوله تړل کېدای شي. په غوسه کېدو او د مخالفینو د خرابولو پر ځای د هغوی د بیانیې مقابله په ځوابي بیانیې سره کول اصلي لاره ده.

هغه د شنبې په ورځ (د چنګاښ ۲۷مه) په خپله اېکس‌پاڼه د کوم مخالف د نوم له اخيستلو پرته څرګنده کړې: «د پېچلو سیاسي ستونزو حل د ریاست او ناراضه طبقو ترمنځ د منځنۍ لارې په موندلو او د شخړو د دایمي حل په لټولو کې نغښتی دی، له حده زیات د ځواک کارول په ریاستي یووالي کې درزونه رامنځته کوي».

لا تر وسه روښانه نه‌ده، چې نورین نیازۍ به یادې ادارې ته د سپیناوي لپاره حاضره شي او که نه.

معترضین وايي، د اصف بلوڅ په نوم یو زده‌کوونکو له شپږو ورځو راهیسې د کویټې په سمونګلي سړک له ایمان سټي سیمې څخه په جبري توګه لادرکه کړل شوی دی.

کورنۍ یې ويلي، د هغه له لادرکه کېدو راهیسې، دوی د لاریونونو او مطبوعاتي کنفرانسونو له لارې د هغه د خوندي راستنېدو لپاره خپل غږ پورته کولو ته دوام ورکړی، خو لا تر اوسه د دولت په ګډون هېڅ لوري څه اقدام نه‌دی کړی.

هغوی وویل، که اصف بلوڅ کوم جرم کړی وي، نو باید له قانوني پروسې سره سم محکمې ته وړاندې او کورنۍ ته یې باید خبر ورکړل شوی وای، خو هغه محکمې ته وړاندې شوی نه‌دی، بلکې پر ځای یې په جبري توګه لادرکه کړل شوی دی.

د زده کوونکي کورنۍ له ملګرو ملتونو، نړیوالې ټولنې او د بشري حقونو له سازمانونو څخه وغوښتل، چې په عاجله توګه مداخله وکړي او اصف بلوڅ د جبري لادرکه کېدو په اړه اقدام وکړي او د هغه د سمدستي او خوندي بېرته راګرځولو لپاره فشار راوړي.

په پاکستان او په ځانګړي ډول بلوچستان او خيبرپښتونخوا ایالتونو کې وخت په وخت د جبري لادرکيو راپورونه خپرېږي.

د بښنې نړيوال سازمان، د پښتون ژغورنې غورځنګ، پاکستان کې د بشري حقونو کمېسيون، بلوڅ يووالي کمېټې او نورو تېر کال په جبري توګه د لادرکه شویو قربانيانو په نړيواله ورځ په ګډه په یوې اعلامیه کې ويلي وو، چې پاکستان د جبري لادرکه کولو د پېښو په مخنيوي کې پاتې راغلی او د قربانیانو پر وړاندې بې عدالتي دوامداره پاتې شوې ده.

پاکستان کې د بشري حقونو فعالې ډلې وايي، زرګونه کسان په جبري توګه لادرکه کړای شوي او د ځينو بيا په داسې حال کې جسدونه موندل شوي، چې پېژندګلوي یې نه‌کيږي. په پاکستان کې مدني او بشري فعالان د دغو جبري لادرکه کېدو په تړاو د دغه هېواد دولتي امنیتي او استخباراتي ادارې تورنوي، خو حکومت او ادارو تل دغه تورونه رد کړي دي.

په پاکستان کې په جبري توګه د لادرکه کړای شویو د پېښو د پلټنې کمېسیون د ۲۰۲۵ کال په سپټمبر مياشت کې ويلي وو، چې د ۲۰۱۱م کال له مارچ څخه د ۲۰۲۵م کال تر سپټمبر پورې د ادعا شویو جبري لادرکیو د دوسیې د ترلاسه کولو او حل کولو احصایوي ارقام ښيي، چې کمېسیون ۱۰۶۳۶ دوسیې ترلاسه کړې دي.

د پاکستان د سترې محکمې د درې کسیزې جرګې له لوري به د دغې غوښتنې اورېدنه د قاضي محمد علي مظهر په مشرۍ ترسره شي.

په غوښتنه کې ادعا شوې چې د سترې محکمې د مارچ ۲۴مې حکم نه دی عملي شوی. محکمې په دغه حکم کې د اډیاله زندان چارواکو ته لارښوونه کړې وه چې عمران خان ته له خپلې کورنۍ او وکیلانو سره د ملاقات اجازه ورکړي.

د توهین عدالت غوښتنه په داسې حال کې مطرح شوې چې د عمران خان د ملاقاتونو په اړه د سترې محکمې د حکم د عملي کېدو څرنګوالی د محکمې د راتلونکې اورېدنې اصلي موضوع ده.

د لاهور پولیسو د ویاند په وینا، د نیول شویو افغانانو اسناد تر ارزونې وروسته، د ۲۸ کسانو قانوني اسناد سم وبلل شول او خوشې کړل شول.

د پولیسو په خبره، پاتې ۹۳ افغان وګړي چې د استوګنې قانوني اسناد یې نه لرل، د نورو قانوني اقداماتو لپاره د لاهور د «ټوکر نیاز بېګ» سیمې د لنډمهالي ساتنې مرکز ته لېږدول شوي دي.

د لاهور د عملیاتو مرستیال پولیس فیصل کامران ویلي، د ناقانونه بهرنیو وګړو پر ضد عملیات د قانون له مخې او له هر ډول تبعیض پرته ترسره کېږي.

هغه زیاته کړه، د نیول شویو کسانو ټول قانوني مراحل بشپړ شوي او وروسته اړوندو ادارو ته سپارل کېږي.

د نوموړي په وینا، د لاهور پولیس به د پاکستان د حکومت د پالیسۍ او نافذه قوانینو له مخې د ناقانونه بهرنیو وګړو پر ضد خپل عملیات دوامدار وساتي.

د لاهور ښار په یوه شخصي استوګنیزه سیمه کې د یوې ښځې او د هغې د درېیو ماشومانو مړي په خپل کور کې موندل شوي دي.

د ماډل ټاون د پولیسو مشر وايي، لومړنۍ پلټنې ښيي چې د دغو څلورو کسانو د مړینې لامل ښايي د زهري موادو خوړل وي.

د پولیسو د معلوماتو له مخې، د مړو شویو ماشومانو عمرونه د پنځو او ۱۵ کلونو ترمنځ وو.

د ماډل ټاون د پولیسو مشر ویلي چې لومړنۍ پلټنې ښيي، ښايي مور او ماشومانو ته زهرجن مواد ورکړل شوي وي. پولیسو د پېښې په تړاو د ماشومانو پلار په توقیف کې نیولی او له هغه څخه پلټنې روانې دي.

په ورته مهال، د اوکاړې د شوکت‌اباد په سیمه کې هم د زهري موادو د خوړلو په یوه جلا پېښه کې یو کس او د هغه دوه زامن مړه شوي دي.

پولیس وايي، عارف نومي کس ښايي د کورني اختلاف له امله زهرجنې ګولۍ په خوړو کې ګډې کړې وي، خپله یې هم خوړلې او خپلو دوو زامنو ته یې هم ورکړې دي.

پولیسو ویلي چې د دواړو پېښو په اړه نورې پلټنې روانې دي او د مړینې د لاملونو او د پېښو د څرنګوالي په اړه به د پلټنو له بشپړېدو وروسته نور جزیات څرګند شي.