امریکا او چین په سپټمبر میاشت کې د مصنوعي ځیرکتیا په اړه رسمي خبرې کوي

څېړنې ښيي چې د انسان د پوستکي طبیعي کیمیاوي مواد او د بدن بوی هغه مهم عوامل دي چې غوماشي ځینو کسانو ته تر نورو ډېر جذبوي.

روغتیایي متخصصین وايي، د هر انسان پر پوستکي بېلابېل کیمیاوي مرکبات موجود وي چې د بدن ځانګړی بوی جوړوي او غوماشې د همدې بوی له مخې خپل هدف ټاکي.

همداراز هغه کسان چې د ساه ایستلو پر مهال ډېر کاربن ډای اکسایډ تولیدوي لکه لویان، امیندواره ښځې او هغه کسان چې تازه یې ورزش یا سخت فزیکي فعالیت کړی وي، ښايي غوماشو ته ژر ورمعلوم شي.

د روغتیايي کارپوهانو په وینا، د بدن لوړه تودوخه، خوله او په خوله کې موجود لاکتیک اسید هم د غوماشو د جذب سبب ګرځي. له همدې امله له ورزش وروسته د غوماشې د چیچلو امکان زیاتېږي.

که څه هم ځینې څېړنې ښيي چې د O وینې ګروپ لرونکي کسان ښايي لږ څه زیات د غوماشو ښکار شي خو ساینسپوهان وايي دا یوازې یو فرعي عامل دی او اصلي لامل نه ګڼل کېږي.

د جامو رنګ هم رول لري؛ ځکه غوماشي تیاره رنګونه لکه تور، تیاره شین او سور تر روښانه رنګونو ښه تشخیصوي.

د غوماشې له چیچلو وروسته سوروالی، پړسوب او خارښت د بدن د معافیتي غبرګون له امله رامنځته کېږي. غوماشې د چیچلو پر مهال داسې مواد پوستکي ته داخلوي چې د بدن دفاعي سیستم یې پردي ګڼي او د هسټامین د ازادېدو له امله خارښت او حساسیت پیدا کېږي.

روغتیايي متخصصین سپارښتنه کوي چې د غوماشو د مخنیوي لپاره دې د غوماشو ضد کریمونه او سپرې وکارول شي، اوږده او روښانه کالي دې واغوستل شي، ډنډونه دې له منځه یووړل شي او د ماښام او سهار پر مهال دې زیات احتیاط وشي.

د روغتیا نړیوال سازمان د معلوماتو له مخې، بوره په طبیعي ډول په مېوو، سبزیو او شیدو کې هم موندل کېږي، خو هغه بوره چې د خوړو او څښاک د تولید پر مهال ورزیاتېږي، د «ازادې بورې» په نوم یادیږي او د زیات مصرف په اړه یې خبرداری ورکړل شوی دی.

د راپور له مخې، د بورې مناسب مصرف د بدن او دماغ لپاره انرژي برابروي، خو دوامداره او ډېر استعمال یې د چاغښت، د دوهم ډول شکرې، د زړه او رګونو ناروغیو او د غاښونو د خرابېدو خطر زیاتوي.

د روغتیا نړیوال سازمان سپارښتنه کوي چې د ازادې بورې ورځنی مصرف باید د انسان د ټولې ورځې د انرژۍ له لس سلنې کم وي، او که تر پنځو سلنې پورې راکم شي، لا ډېرې روغتیايي ګټې لري.

د یوه عادي بالغ انسان لپاره دا شاوخوا ۲۵ تر ۵۰ ګرامه، یا نږدې ۶ تر ۱۲ کاچوغو پورې لازمه ده.

روغتیايي کارپوهان خلکو ته سپارښتنه کوي چې د خوږو مشروباتو او پروسس شویو خوړو پر ځای له مېوو، سبزیو او نورو طبیعي خوړو څخه ګټه واخلي، څو د بورې د زیات مصرف له زیانونو ځان وساتي.

د رویټرز د راپور له مخې، د سامسونګ الکترونیکس امریکا له لوري د کارکوونکو د کمولو موضوع د «کارکوونکو د تعدیل او بیا روزنې د خبرتیا» په رسمي خبرتیا کې څرګنده شوې ده.

د خبرتیا له مخې، د کارکوونکو د دندو کمول د نیوجرسي ایالت د انګلووډ کلفس په ښار کې ترسره کېږي. په دې ښار کې د سامسونګ الکترونیکس امریکا هغه څانګه فعالیت کوي چې په متحده ایالاتو کې د شرکت د نندارې وسایلو، ګرځنده ټیلیفونونو، تلویزیونونو او کورنیو برقي وسایلو د پلور او بازارموندنې چارې پر مخ وړي.

سامسونګ الکترونیکس د جنوبي کوریا له سترو ټکنالوژۍ شرکتونو څخه دی چې په نړیواله کچه د ځيرکو ټیلیفونونو، تلویزیونونو، حافظه‌يي چپونو، برېښنايي نندارو او کورنیو وسایلو په برخو کې فعالیت کوي. د شرکت امریکايي څانګه د دغو محصولاتو د پلور او بازارموندنې په برخه کې مهم رول لري.

تر دې دمه سامسونګ الکترونیکس امریکا د نیوجرسي په انګلووډ کلفس کې د ۷۳۹ دندو د کمېدو د دقیق لامل په اړه څرګندونې نه دي کړي.

د رویټرز د راپور له مخې، «ویکرم-۱» د شنبې په ورځ د هند د اندراپردېش ایالت په سریهاریکوټا کې له ساتیش دهاوان فضايي مرکز څخه وتوغول شو. دغه توغندي د خپلې لومړۍ فضايي دندې په ترڅ کې د مشتریانو توکي او فضايي تجربې له ځان سره لېږدولې.

د راپور له مخې، توغندي شاوخوا ۱۵دقیقې وروسته خپل توکي د ځمکې له سطحې ۴۵۰کیلومتره پورته مدار ته ورسول.

په دې سره هند درېیم هېواد شو چې خصوصي شرکت یې د فضايي توغندي د توغولو وړتیا ترلاسه کړه.

سکای‌روټ اېروسپېس ویلي چې د «اګمان ماموریت» موخه د توغندي د انجن، برېښنايي سیستمونو، مخابراتي وسایلو، لارښوونې او کنټرول سیستمونو ازموینه وه، څو د راتلونکو سوداګریزو فضايي توغونو لپاره معلومات راټول شي.

شرکت دغه ماموریت بریالی بللی، خو ویلي یې دي چې دا لا هم یوه ازمایښتي الوتنه ده او له منظمو سوداګریزو توغونو مخکې به څو نورې ازموینې هم وکړي.

ویکرم-۱ شاوخوا ۲۲ متره لوړوالی لري او کولای شي تر ۳۵۰کیلوګرامه توکي د ځمکې ټیټ مدارته ولېږدوي.

دغه توغندی درې جامد سون توکي پړاوونه او د مدار د تنظیم لپاره یو اوبلن سون توکي ماډل لري چې د درې‌بعدي انجن په وسیله چلېږي.

هند غواړي تر ۲۰۳۳ کال پورې خپل فضايي اقتصاد شاوخوا ۴۴میلیارده ډالرو ته ورسوي او دا پروژه د کوچنیو سپوږمکیو د نړیوال بازار د سیالۍ برخه بلل کېږي، چې د ایلان ماسک اېکس سپېس شرکت هم پکې مهم لوبغاړی دی.

قهوه د نړۍ له تر ټولو مشهور څښاکونو څخه ده او میلیونونه کسان هره ورځ د خپلې انرژۍ د زیاتولو لپاره ترې استفاده کوي.

روغتیايي څېړنې ښيي، په مناسب مقدار د قهوې څښل د ذهني تمرکز په ښه کېدو، د ستړیا په کمېدو او د حافظې په پیاوړتیا کې مرسته کوي.

همدارنګه، د زړه او ځیګر د ځینو ناروغیو او د دویم ډول شکر ناروغۍ د خطر په کمولو کې هم ګټوره بلل شوې ده.

قهوه د انټي‌اکسیدان موادو ښه سرچینه هم ده، چې د بدن د حجرو په ساتنه کې رول لري.

خو متخصصان خبرداری ورکوي چې د کافین ډېر استعمال د بې‌خوبۍ، اضطراب، د زړه د درزا د زیاتوالي او د وینې د فشار د لوړېدو لامل کېدای شي. د همدې لپاره سپارښتنه کېږي چې قهوه دې په مناسبه اندازه وڅښل شي او د ورځې ناوخته یې له څښلو ډډه وشي.