د ازبکستان د احصايي ادارې د شمېرو لهمخې، د روان کال په لومړیو شپږو میاشتو کې د نورو هېوادونو د وګړو په پرتله افغانانو دغه هېواد ته ډېر سوداګریز سفرونه کړي دي. د شمېرو لهمخې، یوازې په تېرو شپږو میاشتو کې له ۲۰۵ زره ډېرو افغانانو ازبکستان ته سوداګریز سفرونه کړي دي.
د دغه هېواد د احصايي ادارې ویلي، د روان کال په لومړیو شپږو میاشتو کې ۲۲۸ زره او ۶۰۰ بهرني وګړي د سوداګریزو موخو لپاره دغه هېواد ته ورغلي چې تر ټولو ډیر هغه یې افغانان دي.
د خپرو شویو شمېرو لهمخې، په دې موده کې ۲۰۵ زره او ۹۳۷ افغانانو ازبکستان ته سوداګریز سفرونه کړي دي.
په دویم قدم کې د ترکمنستان، تاجکستان، قرغیزستان، قزاقستان، روسیې او ترکيې وګړو ازبکستان ته ډېر سوداګریز سفرونه کړي دي.
له پاکستان سره د طالبانو له کړکېچ اوږدېدو او سوداګریزو لارو تړل کېدو وروسته، ګڼو افغانانو د سوداګرۍ لپاره د مرکزي اسیا هېوادونو، قزاقستان، قرغیزستان، تاجکستان، ترکمنستان او ازبکستان ته مخه کړې ده.
