د طالبانو مشر د امیرخان متقي ورور په هرات کې د اطلاعاتو او کلتور ریاست له دندې ګوښه کړ

د بادغیس د برېښنا ریاست د پنجشنبې په ورځ (د زمري لومړۍ) د یوې خبرتیا په خپرولو سره ویلي، ترکمنستان یوازې د سبا لپاره د ترکمنستان- بادغیس د ۱۱۰ کیلو ولټه د برېښنا پر مزي د کار له امله برېښنا قطع کوي.

په خبرتیا کې راغلي، چې د بادغیس برېښنا به د سبا (جمعه د زمري ۲مه) له سهار پنځو بجو د غرمې تر ۱۲ بحو د لنډ مهال لپاره قطع وي.

د طالبانو د برېښنا شرکت د معلوماتو له‌مخې، دمګړۍ افغانستان شاوخوا ۴ زره مېګاواټه برېښنا ته اړتیا لري، خو په کور دننه یوازې تر ۷۵۰ مېګاواټه برېښنا تولیديږي.

د افغانستان نږدې ۸۰ سلنه برېښنا وارداتي ده او دغه وارداتي برېښنا هم له ازبکستان، تاجکستان، ترکمنستان او ایران څخه راواردېږي.

له دې سره سم، په دې ګرمۍ موسم کې د هېواد په بېلابېلو سیمو کې خلک له دوامداره پرچاویو شکایت لري او د چارو شنونکي هم د وارداتي برېښنا پر ځای په کور دننه د برېښنا پر تولیدي چارو پر پانګونې ټینګار لري.

د یادونې وړ ده، چې تر دې مخکې د ملګرو ملتونو پراختیايي پروګرام او نړۍوال بانک راپور ورکړی وو، چې د طالبانو له واکمنېدو وروسته په افغانستان کې سیاسي کړکېچ د انرژۍ په برخه کې پانګونه په پراخه کچه کمه کړې او په پایله کې یې په افغانستان کې د برېښنا د برابرولو ستونزې نورې هم ډېرې شوې دي.

د سرچینو په وینا، په لومړیو ساعتونو کې د دواړو لورو ترمنځ درنې ډزې تبادله شوې، خو د زیان په اړه کره معلومات نه شته.

د معلوماتو له مخې، د طالبانو د ځواکونو مشري ملا جمیل کوي، چې د طالبانو د پوځ د لوی درستیز قاري فصیح‌الدین فطرت سره کورنۍ اړیکه لري.

تر دې دمه د نښتو د تلفاتو کره شمېر نه دی څرګند شوی، خو سرچینې ټینګار کوي چې جګړه لا پای ته نه ده رسېدلې او وضعیت لا هم ترینګلی دی.

طالبانو تر اوسه په رسمي ډول د دغو نښتو په اړه څه نه دي ویلي.

نداء محمد ندیم په خپله وینا کې فارغ شویو محصلینو او د هغوی کورنیو ته مبارکي وویله او زیاته یې کړه چې اوس مهال په هېواد کې د علم ترلاسه کولو لپاره ښه زمینه برابره شوې ده. نوموړي د جمهوریت او د طالبانو د نظام ترمنځ پر توپیر رڼا واچوله او ویې ویل چې په دغه نظام کې ټولې پرېکړې او کارونه د الله تعالی د کتاب پر بنسټ ترسره کېږي.

د طالبانو د لوړو زده کړو وزیر د خپل مشر د اوامرو پر اطاعت ټینګار وکړ او ویې ویل چې هر مسوول باید خپله دنده د عبادت په نیت ترسره کړي او له بې‌اطاعتۍ څخه ډډه وکړي. هغه له فارغانو څخه وغوښتل چې په خپل مسلک کې په صداقت، ایماندارۍ او اخلاص سره خدمت وکړي او خپلو عقیدو، ایمان او عباداتو ته پام وکړي.

له بلې خوا، د خوست والي مولوي عبدالرحمن حقاني په دې غونډه کې د ځوانانو پر فراغت خوښي وښوده او ویې ویل چې دیني او عصري زده کړې له یو بل سره لازم او ملزوم دي. د هغه په وینا، طالبان عصري زده کړو ته ډېر اهمیت ورکوي. په دغه فراغتغونډه کې د شیخ زاید پوهنتون د ۱۱ پوهنځیو له بېلابېلو څانګو څخه ۹۲۵ تنه محصلین فارغ او ټولنې ته وړاندې شول.

دا په داسې حال کې ده چې طالبانو په خپلو اداري جوړښتونو کې ګڼ بدلونونه راوستي او په رسمي ادارو کې یې د ملي کلمې پر ځای د عمومي کلمې کارول پیل کړي دي. د دغو بدلونونو په لړ کې، د کورنیو چارو وزارت د ښوونې او روزنې مسوولیت یوه پخواني انتحاري بریدګر ته سپارل شوی او د ورزش په اداره کې هم نږدې ۹۵ سلنه مشران یوې ځانګړې قومي ډلې ته ورکړل شوي دي.

په نورستان کې له خونړیو سېلابونو وروسته، نن د ورځې او تېره شپه هم د هېواد په یو شمېر ولایتونو کې له سختو بارانونو وروسته سېلابونه راوتلي دي.

په پنجشیر کې د طالبانو د والي رسنیز دفتر ویلي، چې د پنجشنبې په ورځ له سختو بارانونو وروسته په حصارک، رخه او دره ولسوالیو کې سېلابونه راوتلي او خلکو ته یې مالي زیانونه اړولي دي.

تېره شپه د پکتیکا په مرکز ښرنه کې هم سېلابونو خلکو ته مالي زیانونه اړولي دي او د خوست ښار او ګربزو ولسوالۍ ترمنخ د شمل پل یوې برخې زیانمیدو ترڅنګ یو شمېر استوګنیز کورونه هم زیانمن شوي دي.

همدارنګه د لوګر ولایت د محمد اغې ولسوالۍ په ذاهد اباد سیمه کې هم سېلابونه راوتلي او ځینې کورونه یې زیانمن کړي دي.

طالبانو ویلي چې د میدان وردګ د نرخ ولسوالۍ په ځینو سیمو کې سېلابونو ۱۷ کورونه زیانمن کړي دي.

د راپورونو له‌مخې، نن له غرمي وروسته په کابل کې له باران وروسته په برچي سیمه کې هم لارو او کوڅو ته سېلابې اوبه راوتلي او ځینې کورونه یې زیانمن کړي دي. دغه راز د پروان په غوربند ولسوالۍ کې هم سیلابونو خلکو ته مالي زیانونه اړولي او کرنیزې ځمکې یې لاندې کړې دي.

طالبانو تر اوسه د یادو تازه سېلابونو له امله د اوښتو زیانونو په اړه څه نه دي ویلي.

د یاد ولایت د پولیسو ویاند فضل رحیم مسکینیار د پنجشنبې په ورځ ویلي، پېښه د چهارشنبې ماښام له چاریکار ښار څخه بهر شوې ده.

د نوموړي په وینا، د موټرچلوونکي بې‌احتیاطي د دې ترافیکي پېښې لامل شوې، چې له امله یې بایسکل‌چلوونکی ځای پر ځای مړ شوی او درې نور کسان ټپیان شوي دي.

هغه زیاته کړې چې د ټپیانو له ډلې د یوه کس روغتیايي وضعیت نازک دی.

د پروان د پولیسو ویاند د پېښې په اړه نور جزئیات نه دي ورکړي، خو له موټرچلوونکو یې غوښتي چې د ترافیکي قوانینو او مقرراتو درناوی وکړي، چې د ورته پېښو مخه ونیول شي او د خلکو ژوند خوندي وساتل شي.