د طالبانو پخواني چارواکي د ملي بیرغ په ورځ د درې‌رنګه بیرغ ستاینه کړې

د طالبانو تر واک لاندې د ملي پراختیا شرکت ویاند نبي الله ارغندیوال ویلي، د غوري سمنټو د دوو فابریکو چارې روانې دي او دا مهال پکې ۷۵۰ کسان په مستقیم ډول پر کار بوخت دي.

نوموړي زیاته کړې، د درېیمې فابریکې د جوړولو چارې هم روانې دي او له بشپړېدو سره به یې د غوري سمنټو فابریکې ورځنی تولید له ۷۰۰ ټنو څخه نږدې ۶۰۰۰ ټنو ته لوړ شي او وروسره به د کارکوونکو شمېر نور هم زیات شي.

د بغلان د غوري سمنټو فابریکه د افغانستان له پخوانیو صنعتي فابریکو څخه ده چې په ۱۳۳۸ لمریز کال کې د پخوانۍ چکسلواکیا په همکارۍ جوړه او په فعالیت یې پیل وکړ. خو د کورنیو جګړو له امله، د نورو ګڼو صنعتي تاسیساتو په څېر، د دې فابریکې فعالیت هم کمزوری او محدود شوی و چې د طالبانو له بیا واکمنېدو وروسته، د فابریکې د مدیریت او بیا فعالولو چارې د ملي پراختیا شرکت ته وسپارل شوې.

د دغې کارخونې مسوولان وايي، په بازار کې د چرګوړو اړتیا زیاته شوې او دوی هم د اړتیا له مخې خپل تولید تنظیموي. د دوی په وینا، داسې چمتووالی نیول شوی چې د کارخونې تولید په اوونۍ کې ۲۰۰ زره چرګوړو ته لوړ شي.

په ورته مهال په بلخ کې د طالبانو د سوداګرۍ او پانګونې خونې مسوولان وايي، افغانستان د چرګانو د غوښې په تولید کې ځان‌بسیاینې ته رسېدلی، خو د چرګوړو اړتیا لا هم تر ډېره د بهرنیو وارداتو له لارې پوره کېږي.

دوی ویلي، هڅې روانې دي چې په دې برخه کې د سترو پانګونو زمینه برابره او پر وارداتو د افغانستان تکیه راکمه شي.

د طالبانو د کور او ښار جوړونې وزارت د چارشنبې په ورځ پر خپل ایکس پاڼه لیکلي چې د طالبانو د کور او ښار جوړولو وزیر د لیدني پرمهال ټینګار کړی، چې د چینايي شرکتونو تر کار لاندې پروژې دې پر ټاکلي وخت بشپړې شي.

طالبانو په کابل کې د چین د سفیر له قوله ویلي، د نیله‌باغ د پروژې چارې اوس مهال د ځینو ستونزو له امله درېدلې دي، خو دا ستونزې به ژر حل شي او پروژه به له بشپړېدو وروسته د کور او ښار جوړولو وزارت ته وسپارل شي.
د نیله‌باغ استوګنیزې پروژې د چارو ځنډیدو په اړه نور جزییات نه دې ورکړل شوي.

یادې ادارې د چارشنبې ورځ، د زمري ۷مه پر خپل اېکس پاڼه لیکلي چې ملا عبدالحق همکار په مشرۍ پلاوي ازبکستان ته د سفر په ترڅ کې د یاد هېواد د برېښنا ملي شرکت له مسولینو سره کتلي دي.

طالبانو د یادې ناستې پر مهال د افغانستان د انرژۍ په سکټور کې د ازبکستان د پانګونې هرکلی کړی.

د طالبانو تر واک لاندې د افغانستان برېښنا شرکت رییس ویلي:«افغانستان برېښنا ته جدي اړتیا لري او هیله لرو چې ازبکستان به په راتلونکي کې هم د افغانستان د انرژۍ د سکټور په پراختیا کې خپل رغنده رول ته دوام ورکړي».

په یاده ناسته کې د ازبکستان برېښنا ملي شرکت له لوري د سرخان ـ پلخمري ۲۲۰ کیلوولټ برېښنا لېږد پروژې، د ارغندې سبسټیشن او جلال اباد د برېښننا لېږد لین او سبسټییشن د چارو په اړه هم بحثونه شوي دي.

طالبانو ویلي، ازبکستان ژمنه کړې چې د افغانستان د انرژۍ په پروژو کې افغان تخنیکي کدرونو ته د کار او روزنې زمینه هم برابره کړي.

د طالبانو د حج او اوقافو وزیر نور محمد ثاقب ویلي، د سږني حج لپاره له حاجیانو ټولټال څه باندې ۷میلیارده او ۸۱۸ میلیونه افغانۍ راټولې شوې وې. د نوموړي په وینا، د هر حاجي لپاره د حج لګښت ۲۶۶ زره او ۴۰۰ افغانۍ ټاکل شوی و، خو د وزارت د محاسبې له مخې د حج ټولیز لګښت څه باندې ۷ میلیارده او ۷۲۳ میلیونه او ۷۰۰زره افغانۍ شوی دی.

نور محمد ثاقب ثاقب زیاته کړې چې د دغې محاسبې له مخې د هر حاجي عملي لګښت ۲۶۳ زره او ۱۷۷ افغانۍ شوی، چې په پایله کې ټولټال ۹۴ میلیونه، ۶۵ زره او ۶۱۶ افغانۍ پاتې شوې چې د پاتې شوې اندازې له مخې به هر حاجي ته ۳ زره او ۲۲۳ افغانۍ بېرته ورکړل شي.

سږ کال افغانستان ته د سعودي عربستان له لوري د ۳۰ زره حاجیانو د حج سهمیه ورکړل شوې وه.