آرشیف

تحريک طالبان پاکستان (ټي ټي پي) د ۲۰۲۶ کال په سپټمبر میاشت کې په پاکستان کې د ۳۳۴ بريدونو خبر ور کړی وی او ادعا کوي، چې« ۲۱۳ پاکستاني نظامیان یې وژلي او ۳۸۲ نور یې ټپيان کړي» دي.

رویټرز د شپږو سرچینو له قوله راپور ورکړی چې د سوریې د حکومت او د لبنان وسله والې ډلې استازو د خپلمنځي کړکېچ د کمولو لپاره په ترکیه کې پټې خبرې کړې دي. دا د دواړو پخوانیو رقیبانو ترمنځ لومړنۍ مخامخ ناسته ده چې تېره میاشت د ترکیې د امنیتي او استخباراتي ادارو په بلنه شوې ده.

د طالبانو د حکومت یوه لوړپوړي چارواکي عمار یاسر په اېکس کې د طالبانو پر مشر ملا هبت‌الله اخوندزاده او ادارې نیوکه کړې، چې غږ یې نه پورته کیږي او د پاکستان له بمونو او بمباریو سره یې عادت کړل.

د امریکا ولسمشر ډونالډ ټرمپ اعلان کړی چې سویلي کوریا به په امریکا کې تر ۲۰۰ میلیارد ډالرو پورې پانګونه وکړي، خو سیول ویلي چې په الاسکا کې د ګازو د ۵۴ میلیارد ډالري پایپ‌لاین په اړه لا وروستۍ پرېکړه نه ده شوې.

هند خپلو وګړو ته خبرداری ورکړی او له هغوی یې په کلکه غوښتي چې د روسیې په وسله‌وال پوځ کې له شاملېدو په کلکه ډډه وکړي. د هند د بهرنیو چارو وزارت په یوه اعلامیه کې ویلي، چې لا هم هندي اتباع د روسي پوځ په لیکو کې ګومارل کېږي.

د طالبانو د کرنې، اوبو لګولو او مالدارۍ وزیر عطاالله عمري وايي، افغانستان چمتو دی چې خپل کرنیز محصولات د نړیوالو معیارونو له مخې تولید او نړیوالو بازارونو ته صادر کړي، خو د دغو محصولاتو لپاره د نړیوال بازار نشتوالی یې یوه اساسي ننګونه بللې ده.

د طالبانو د مالیې وزارت د عوایدو لوی ریاست وايي، په برېښنایي بڼه د عوایدو د راټولولو او انتقال او د لا زیات شفافیت په موخه یې له یو شمېر بانکونو او مالي بنسټونو سره د همکارۍ هوکړې لاسلیک کړې دي.

په پاکستان کې د وسله‌والو بریدونو شمېر د ۲۰۲۶ کال په سپتمبر کې د تېرو ۱۲ کلونو په پرتله تر ټولو لوړې میاشتنۍ کچې ته رسېدلی دی. د پاکستان د شخړو او امنیتي مطالعاتو انسټیټیوټ د معلوماتو له مخې، د ۲۰۲۶ کال له جنورۍ تر سپتمبر پورې په پاکستان کې ټول ۱،۲۳۲وسله‌وال بریدونه ثبت شوي دي.

د ذبیح الله په نوم یوه ۱۵ کلن تنکي ځوان نن د پنجشنبې په ورځ د ارزګان په مرکز ترینکوټ کې ځان وژلی. ځايي د طالبانو سیمه ییزو مسوولانو ویلي چې یاد ځوان تر کورنۍ شخړې وروسته ځان وژنه کړې ده.

د هلمند د ګرمسیر ولسوالۍ په صفار سیمه کې د پاکستان تر هوايي برید وروسته، د سیمې اوسېدونکو د پاکستان پر ضد لاریون وکړ او د دغه هېواد د حکومت او پوځ پر ضد یې شعارونه ورکړل.

د افغانستان انټرنشنل - پښتو د خپرو شویو راپورونو پربنسټ، پاکستان د ۲۰۲۶کال د سپټمبر په میاشت کې پر افغانستان درې هوايي بریدونه کړي. دغه بریدونه پر کونړ، پکتیکا، کندهار، خوست او هلمند ولایتونو شوي، چې ۱۶ کسان په‌کې وژل شوي او شاوخوا ۱۵ نور ټپیان شوي‌ دي.

د سره صلیب نړۍوالې کمیټې په خپل وروستي راپور کې ویلي، چې د ۲۰۲۵کال د اګست میاشتې د زلزلې له امله د افغانستان په ختیځو ولایتونو کې ۶۷زره او ۴۸ اغېزمنو کسانو ته بشري مرستې رسېدلې دي.

د تېر جمهوري نظام د دفاع وزارت سرپرست وزیر شاه محمود میاخېل د طالبانو مشر ملا هبت‌الله اخوندزاده ته په خطاب کې ویلي: «ملا صاحب ته وایو، چې پر خره سرچپه مه سپرېږه او مه د اسلامي او دنیايي اصولو په مخالف لوري حرکت کوه، ځکه پایله یې د دنیا او اخرت زیان دی».

د ملګرو ملتونو د بشري مرستو د همغږۍ دفتر (اوچا) ویلي، د ۲۰۲۶کال د جنورۍ له لومړۍ نېټې د جولای تر ۳۱مې پورې په افغانستان کې ۸.۳ مېلیونه کسانو لږترلږه د بشري مرستو یوه کڅوړه ترلاسه کړې ده.

د هرات ولایت د ګذرې ولسوالۍ په «نشین» کلي کې درې وروڼه د اوبو یوې څاه ته د ننوتلو له امله د اکسیجن د کمښت او ساه بندۍ له کبله مړه شوي دي. طالب سیمه‌ییز مسوولان وایي، چې دغه درې کسان د کرنیزو چارو پرمهال د څښاک اوبو د را اېستلو هڅه کوله.

په بدخشان کې سیمه‌ییزو سرچینو د پنجشنبې په سهار (د تلې ۹مه) په فیض‌اباد ښار کې د یوې چاودنې خبر ورکړی دی. تر اوسه د چاودنې د څرنګوالي او تلفاتو په اړه کره معلومات نه‌دي خپاره شوي او طالب چارواکو هم په دې اړه څه نه‌دي ویلي.

د طالبانو د کډوالو د دایمي مېشتېدنې او د ځمکو د وېش کمېټې خبر ورکړی، چې تر دې مهاله په بېلابېلو ولایتونو کې ۷زره او ۱۰۲ ستنو شویو کډوالو کورنیو ته استوګنیزې نمرې وېشل شوې دي. یادې کمېټې ویلي، چې دغه لړۍ لاهم روانه ده.

د «یورېشیا نېټ» په یوه تحلیلي راپور کې راغلي، چې افغانستان او ایران په وروستیو میاشتو کې د ترانسپورټي او رېل پټلۍ پروژو په برخه کې خپله همکاري او همغږي پراخه کړې ده.

د طالبانو د صنعت او سوداګرۍ وزارت ویلي، چې بېلاروس ته د نورالدین عزيزي‌ په مشرۍ تللي‌ پلاوي د دغه هېواد د صنعت له وزیر سره د تولیدي فابریکو د جوړولو، د افغانستان–بېلاروس د سوداګریز فورم د جوړېدو او په اقتصادي کمېسیون کې د وړاندې شویو موضوعاتو د څار په اړه خبرې کړې دي.

په هرات کې د طالبانو امنیه قوماندانۍ خبر ورکړی، لومړنۍ موندنې ښيي چې په اسلام‌کلا بندر کې د تېرې شپې اورلګېدنې له کبله تر دې مهاله د نفتي توکو لېږدوونکي ۱۵ ټانکرونه په بشپړ او درې نور په جزوي ډول سوځېدلي دي.

د افغانستان د چارو لپاره د قزاقستان د ولسمشر ځانګړي استازي کابل ته د خپل سفر په ترڅ کې د طالبانو د بهرنیو چارو وزارت له مرستیال سره د افغانستان او قزاقستان ترمنځ د مستقیمو الوتنو د پیل په اړه خبرې کړې.