د طالبانو د بهرنیو چارو وزارت د رسنیو دفتر مسوولین وايي، امیر خان متقي به د مسکو فارمټ مشورتي غونډه کې د ګډون په موخه د راتلونکې دوشنبې په ورځ روسیې ته په یوه رسمي سفر لاړ شي. د یادو مسوولینو په وینا، متقي به په یاده غونډه کې له ګډون سربېره نورې دوه اړخیزې لیدنې هم ولري.
د طالبانو مخالفې وسلهوالې ډلې، متحدې جبهې ادعا کړې چې ځواکونو یې د زابل ولایت د سیوري ولسوالۍ په مربوطاتو کې د طالبانو اړوند یو کس چې د ملا عمر د قبر د ساتنې مسوول وو په یوه عملیاتو کې وژلی دی.
د طالبانو تر ادارې لاندې د افغانستان برېښنا شرکت عمومي اجراییوي رییس ملا عبدالحق همکار د یوه پلاوي په مشرۍ د تاجکستان د انرژۍ او اوبو له وزیر دلیر جمعه سره کتلي او د برېښنا د وارداتو پر زیاتوالي یې خبرې کړې دي.
په وروستیو میاشتو کې بېلاروس ته د طالبانو د چارواکو تګ راتګ زیات شوی دی. د تېرې دوشنبې په ورځ د تلې په شپږمه د طالبانو د عامې روغتیا وزیر نورجلال جلالي او د سهشنبې په ورځ د تلې په ۷مه د صنعت او سوداګرۍ وزیر نورالدین عزیزي مینسک ته تللي دي.
د جمهوریت پر مهال د ولسمشر لومړي مرستیال په مشرۍ د «زرغونې قطعې» په نوم یوې وسلوالې ډلې ادعا کړې چې د بدخشان ولایت په مرکز فیضاباد ښار کې یې د طالبانو پر یوه لوړپوړي چارواکي (والي) عملیات کړي، خو وايي خپل ټاکلی هدف یې نه دی تر لاسه کړی.
د خېبر پښتونخوا والي فیصل کریم کنډي د طالبانو د سرحدونو وزیر نورالله نوري هغه څرګندونې «احمقانه او پاروونکې» بللې دي چې ویلي یې وو، طالبان کولای شي په پېښور کې خپل بیرغ پورته کړي.
د طالبانو مخالفې وسلهوالې ډلې، مقاومت جبهې ادعا کړې چې ځواکونو یې د بغلان ولایت د فرنګ ولسوالۍ پر مرکز د شپې په یوه برید کې د طالبانو درې غړي وژلي او دوه نور ټپیان کړي دي.
سعودي رسنۍ «سعودي ګزیټ» د مدینې منورې په یوه برېښنا وېش مرکز د یمني یاغیانو د ډرون برید له امله د اوښتو زیانونو انځورونه خپاره کړي دي.
متحدې جبهې د سپټمبر په میاشت کې د افغانستان په ۱۹ ولايتونو کې د طالبانو پر ضد په ۶۸ بېلابېلو عملیاتو کې د ۱۰۲ طالبانو د وژلو ادعا کړې ده. يادې جبهې د طالبانو پر ضد د عملياتو د ادامې اعلان هم کړی دی.
د ۲۰۲۶ کال په سپټمبر کې، د ملګرو ملتونو د عمومي اسامبلې د ۸۱مې غونډې له پیل سره هممهاله، افغانستان د عمومي اسامبلې د ریاست د یوه مرستیال په توګه خپل کار پیل کړ. د سپټمبر په ۱۶مه امنیت شورا د افغانستان په اړه غونډه وکړه او ۴۲ هېوادونو له افغان ښځو او نجونو ملاتړ وښود.
د طالبانو د دولتي شرکتونو ریاست ویاند محمد نبي بهار خبر ورکړی چې د هرات ـ کابل پر لاره په یوه ترافکي پېښه کې د تورغونډۍ د استراس دولتي شرکت رییس او دوه نور کارکوونکي مړه شوي دي.
له پېښو سره د طالبانو د مبارزې ادارې رییس ملا نورالدین ترابي په افغانستان کې د ملګرو ملتونو د بشري مرستو د همغږۍ ادارې له رییسې اېمي مارټن سره په لیدنه کې ویلي، چې د پروژو پلې کوونکې موسسې او ادارې باید د پروژو له طرحې او پلي کولو وړاندې له دوی سره مشوره وکړي.
کله چې د دوو اټومي قدرتونو ترمنځ له اوو لسیزو راهیسې روانه سیالي د یوه کمزوري او جګړهځپلي ګاونډي تر دروازو رسېږي، پوښتنه یوازې دا نه وي چې څوک پر حقه دی؛ اصلي پوښتنه دا وي چې د دې سیالۍ بیه به څوک ورکوي؟ ښکاره ده، د هند او پاکستان د کړکېچ بیه افغانان پرېکوي او ګټه طالبان وړي.
د پاکستان د پوځ ویاند جنرال احمد شریف چودري په یوه خبري ناسته کې طالبان د وسلهوالو ډلو په ملاتړ تورن کړل او ویې ویل: «له طالبانو سره چې څه کوو، دغه لاره طالبانو پخپله خوښه کړې ده».
د طالبانو د مرکزي زون والیانو او امنیتي چارواکو په کابل کې د یادې ډلې د والي امین الله عبید په مشرۍ د همغږۍ ناسته کړې ده. د طالبانو د کابل د والي دفتر ویلي چې په دې ناسته کې د امنیت او په ولایتونو کې د اوبو د کمېدو په اړه خبرې شوې دي.
د تخار لپاره د طالبانو د والي مطبوعاتي دفتر وايي چې په چاهاب ولسوالۍ کې د سرو زرو په یوه کان کې تر خاورو لاندې بند پاتې لس کسان ژوندي راایستل شوي دي.
د طالبانو یوه لوړ پوړي چارواکي افغانستان انټرنشنل - پښتو ته ویلي، چې د پاکستان د لومړي برید پر مهال د کابل یو شمېر طالب مشرانو پرېکړه کړې وه چې باید د برید ځواب ورکړل شي، خو د طالبانو مشر ملا هبت الله د ځواب ورکولو له پرېکړې سره مخالفت کړی او د برید اجازه یې نه ده ورکړې.
تحريک طالبان پاکستان (ټي ټي پي) د ۲۰۲۶ کال په سپټمبر میاشت کې په پاکستان کې د ۳۳۴ بريدونو خبر ور کړی وی او ادعا کوي، چې« ۲۱۳ پاکستاني نظامیان یې وژلي او ۳۸۲ نور یې ټپيان کړي» دي.
رویټرز د شپږو سرچینو له قوله راپور ورکړی چې د سوریې د حکومت او د لبنان وسله والې ډلې استازو د خپلمنځي کړکېچ د کمولو لپاره په ترکیه کې پټې خبرې کړې دي. دا د دواړو پخوانیو رقیبانو ترمنځ لومړنۍ مخامخ ناسته ده چې تېره میاشت د ترکیې د امنیتي او استخباراتي ادارو په بلنه شوې ده.
د طالبانو د حکومت یوه لوړپوړي چارواکي عمار یاسر په اېکس کې د طالبانو پر مشر ملا هبتالله اخوندزاده او ادارې نیوکه کړې، چې غږ یې نه پورته کیږي او د پاکستان له بمونو او بمباریو سره یې عادت کړل.
د امریکا ولسمشر ډونالډ ټرمپ اعلان کړی چې سویلي کوریا به په امریکا کې تر ۲۰۰ میلیارد ډالرو پورې پانګونه وکړي، خو سیول ویلي چې په الاسکا کې د ګازو د ۵۴ میلیارد ډالري پایپلاین په اړه لا وروستۍ پرېکړه نه ده شوې.