د روسیې د بهرنیو چارو وزارت اعلان کړی، چې د افغانستان په اړه د مسکو فارمټ مشورتي غونډو ۸مه ناسته به د دوشنبې په ورځ (د تلې ۱۳مه) په روسیه کې جوړه شي. د یاد وزارت په وینا، په دغه ناسته کې به د طالبانو د پلاوي مشري د یادې ډلې د بهرنیو چارو وزیر امیرخان متقي کوي.
پر کونړ او هلمند ولایتونو د پاکستان تر هوایي بریدونو وروسته د ملګرو ملتونو د سرمنشي ویاند سټیفن دوجارېک د طالبانو او اسلاماباد ترمنځ د تاوتریخوالي د کمښت او خبرو اترو پر اړتیا ټینګار وکړ او د ملکي وګړو د خوندیتوب غوښتنه یې وکړه.
د افغانستان د جوجیتسو ملي لوبغاړی محمد سرور حسیني د ۲۰۲۶کال ناګویا اسیایي لوبو پر دوام په خپله دویمه لوبه کې د ۲۱ کلن قرغزي لوبغاړي ارګان عبدیماناپوف په وړاندې ماتې وخوړه او له سیالیو بهر شو.
پاکستان د پنجشنبې په سهار وختي پر هلمند او کونړ ولایتونو هوايي بریدونه وکړل. په دغو بریدونو کې د ملګرو ملتونو په وینا، لږ تر لږه ۱۰ ولسي وګړي چې ډېری یې ماشومان دي وژل شوي، خو له بریدونو د څه باندې ۲۴ ساعتونو په تېرېدو سره هېڅ هېواد د پاکستان دغه بریدونه نهدي غندلي.
د امریکا د خزانې وزارت وايي، د ایران د اقتصادي انزوا د پراخولو په لړ کې یې د دغه هېواد د صنعتي بنسټونو پر مهمو برخو نوي بندیزونه لګولي او د موټرو او رېلپټلۍ په ګډون یې یو شمېر شرکتونه او بنسټونه په نښه کړي دي.
دیني بنسټ الازهر الشریف د مکې د سپېڅلي ښار د هدف ګرځولو هڅه «ستر جنایت» بللې او ویلي یې دي چې د دغه ښار امنیت له سیاسي او سیمهییزو شخړو پورته موضوع ده چې د ټولې اسلامي نړۍ له عقیدې او احساساتو سره تړاو لري.
د افغانستان کرېکټ بورډ وايي، افغان اتلان د پنجشنبې په ماښام د بنګلهدېش پر وړاندې د یوازېنۍ ټېسټ لوبې لپاره د چمتووالي او په تمریناتي کمپ کې د ګډون په موخه د امارات په لوري روان شول. افغان لوبډله به د اکتوبر په ۹مه به د بنګلهدېش پر وړاندې د سیالۍ ډګر ته ښکته شي.
د کانونو او پټرولیم پخوانۍ وزیرې نرګس نهان ویلي، د طالبانو د اوسنیو تبعیضي سیاستونو په دوام سره به په نړیوالو جوړښتونو کې د افغانستان ادغام او ورګډېدل ناشوني وي. هغې خبرداری ورکړی چې د دې تګلارو له امله د هېواد د منزوي کېدو تر ټولو درنه بیه عام خلک پرې کوي.
د پاکستان پوځ ادعا کوي چې د طالبانو د کندهار والي ملا شیرین شاوخوا یوه میاشت مخکې په کندهار کې د بلوچ وسلهوالو، تحریک طالبان پاکستان (ټيټيپي) او القـ. ـاعدې د استازو د یوې ګډې غونډې کوربهتوب کړی دی.
په افغانستان کې د رسنیو د ازاد فعالیت د مخ په زیاتېدونکو محدودیتونو او د خبریالانو د نیول کېدو او سانسور په دوام کې، په کابل کې د «حقیق» په نوم یوې نوې راډیو خپل رسمي نشرات پیل کړي دي، د دغې راډیو مسوولین وايي چې هڅه کوي اورېدونکو ته کره او پر وخت معلومات وړاندې کړي.
د امریکا د ټېنېسي ایالت کې په اعدام محکومه شوې مېرمن کریسټا پایک د اعدام د ډلې له خوا د وژونکې مادې له دوو پېچکاریو وروسته هم ژوندۍ پاتې شوه او په خراب روغتیايي وضعیت کې روغتون ته ولېږدول شوه.
د بېلاروس د بهرنیو چارو وزیر ماکسیم ریژېنکوف د طالبانو د صنعت او سوداګرۍ له وزیر نورالدین عزیزي سره په کتنه کې له افغانستان سره د همکاریو په تړاو د چمتووالي له ښودنې سربېره وویل، ډېر ژر به افغانستان ته سفر وکړي. دواړو لورو د سوداګریزو چارو پر پراختیا هم ټینګار کړی دی.
۴۶هېوادونو د ملګرو ملتونو د بشري حقونو شورا ته په یوه ګډه اعلامیه کې په ایران کې د اعدامونو د زیاتېدو او په ځانګړي ډول د اعتراضونو په تړاو د اعدامونو د حکمونو د صادرېدو په اړه اندېښنه ښودلې ده.
د بشري حقونو د څار بنسټ وايي، د طالبانو د مشرۍ له خوا د سختدریځو سیاستونو له پلي کېدو سره سره، د دې ډلې چارواکي د فرمانونو په اجرا کې یو شان چلند نه کوي او د ځینو سیاستونو په اړه د طالبانو ترمنځ اختلافات هم شته.
د طالبانو د حج او اوقافو وزارت د جوماتونو له امامانو غوښتي چې د جمعې د لمانځه په خطبو کې د ټولنیزو شبکو د ناسمې کارونې د جسمي او ټولنیزو زیانونو په اړه خبرې وکړي. دغه وزارت لیکلي چې د ټولنیزو شبکو ناسمه کارونه کولی شي د ملا او غاړې د درد، چاغښت او د انسان د قامت د کږېدو لامل شي.
د طالبانو د بهرنیو چارو وزارت د رسنیو دفتر مسوولین وايي، امیر خان متقي به د مسکو فارمټ مشورتي غونډه کې د ګډون په موخه د راتلونکې دوشنبې په ورځ روسیې ته په یوه رسمي سفر لاړ شي. د یادو مسوولینو په وینا، متقي به په یاده غونډه کې له ګډون سربېره نورې دوه اړخیزې لیدنې هم ولري.
د طالبانو مخالفې وسلهوالې ډلې، متحدې جبهې ادعا کړې چې ځواکونو یې د زابل ولایت د سیوري ولسوالۍ په مربوطاتو کې د طالبانو اړوند یو کس چې د ملا عمر د قبر د ساتنې مسوول وو په یوه عملیاتو کې وژلی دی.
د طالبانو تر ادارې لاندې د افغانستان برېښنا شرکت عمومي اجراییوي رییس ملا عبدالحق همکار د یوه پلاوي په مشرۍ د تاجکستان د انرژۍ او اوبو له وزیر دلیر جمعه سره کتلي او د برېښنا د وارداتو پر زیاتوالي یې خبرې کړې دي.
په وروستیو میاشتو کې بېلاروس ته د طالبانو د چارواکو تګ راتګ زیات شوی دی. د تېرې دوشنبې په ورځ د تلې په شپږمه د طالبانو د عامې روغتیا وزیر نورجلال جلالي او د سهشنبې په ورځ د تلې په ۷مه د صنعت او سوداګرۍ وزیر نورالدین عزیزي مینسک ته تللي دي.
د جمهوریت پر مهال د ولسمشر لومړي مرستیال په مشرۍ د «زرغونې قطعې» په نوم یوې وسلوالې ډلې ادعا کړې چې د بدخشان ولایت په مرکز فیضاباد ښار کې یې د طالبانو پر یوه لوړپوړي چارواکي (والي) عملیات کړي، خو وايي خپل ټاکلی هدف یې نه دی تر لاسه کړی.
د خېبر پښتونخوا والي فیصل کریم کنډي د طالبانو د سرحدونو وزیر نورالله نوري هغه څرګندونې «احمقانه او پاروونکې» بللې دي چې ویلي یې وو، طالبان کولای شي په پېښور کې خپل بیرغ پورته کړي.