د ژمي راتګ او د بشري ناورین د شدت له اندېښنو سره هممهاله،د ملګرو ملتونو د خوړو نړیوال پروګرام د تر ټولو زیاتو زیانمنو افغانانو د ژغورلو لپاره طالب چارواکو سره تخنیکي ناسته کړې. دوی وایي چې ۱۴۰ زره اړمنو کورنیو ته به ژمنۍ مرستې برابرې کړي.
د ایلن ماسک د سپېس اېکس شرکت «سټارشېپ» فضايي بېړۍ د دوشنبې په ورځ د لومړي ځل لپاره مدار ته ورسېده او ۲۶ نوي «سټارلنک» سپوږمکۍ یې مدار ته ولېږدولې، خو د الوتنې پر مهال د یوه انجن له ناڅاپي درېدلو وروسته یې ماموریت له ټاکلي وخت څو ساعته مخکې پای ته ورسېد.
د اروپا لپاره د ناټو ستر قوماندان الکسس ګرینکویچ وايي، اروپايي هېوادونه باید په هغه صورت کې، چې روسیه د تخریبي او بېثباته کوونکو فعالیتونو مسووله وي، ښکاره اعلان وکړي او د اوکراین ملاتړ وکړي.
د بریتانیا پولیس په دې اړه څیړنه کوي، چې ایا د امریکا له لوري پر کارېدونکې هوايي اډې د احتمالي برید په پلان کې د یوه بهرني دولت لاس ښکیل دی او که نه.
قطري منځګړي ښايي د دوشنبې یا سېشنبې په ورځ په نیویارک کې د ایران د بهرنیو چارو له وزیر عباس عراقچي او د امریکا له لوري سره جلا جلا خبرې وکړي.
د سویلي افریقا جوهانسبرګ ښار ته څېرمه په یوه میخانه کې د شنبې شپې د ډزو له امله د وژل شویو کسانو شمېر ۱۸ ته لوړ شوی. پولیس وايي، بریدګرو پر میخانه د کلاشنکوف ډزې کړې دي او عاملان یې لا هم نه دي نیولي.
د اسټرالیا په اډېلیډ ښار کې مېشتو افغانانو د پښتون کلتور ورځ ونمانځله. په دغه کلتوري پروګرام کې پښتو شعرونه، ویناوې، دودیزې جامې او ملي موسیقي وړاندې شول. ګډونوالو ټینګار وکړ، چې په بهر کې د خپل کلتور ساتنه او راتلونکو نسلونو ته د ژبې لېږدول د هر افغان ګډ مسوولیت دی.
د پاکستان د پوځ د عامه اړیکو دفتر وايي، چې د امریکا د افغان جګړې د کمیسیون یو لوړپوړي پلاوي په راولپنډۍ کې د پاکستان د پوځ له مشر عاصم منیر سره په دې لیدنه کې د سیمې پر امنیتي وضعیت او د افغانستان پر وروستیو پرمختګونو بحث کړی دی.
په بریتانیا کې دوه افغان پناهغوښتونکي د ۱۸۱ میلیونه پونډو په ارزښت د غلا شویو ایفونونو د قاچاق شبکې په تنظیمولو او د ایفونونو په قاچاق کې مجرم پېژندل شوي او په ۹ او ۹نیم کاله بند محکوم شوي دي.
د طالبانو د اوسپنې پټلۍ ادارې ویلي، چې د هرات–خواف رېل پټلۍ د څلورمې قطعې لومړی فاز چې ۴۳ کیلومتره اوږدوالی لري، د ۵۸،۵ میلیونه ډالرو په لګښت بشپړ او ګټې اخیستنې ته وسپارل شو.
د طالبانو د بلخ والي ملا محمد یوسف وفا بامیان ته په سفر کې د دغه ولایت له والي ګلحیدر شفق او یو شمېر امنیتي چارواکو سره لیدلي او د شمال زون او ګاونډیو ولایتونو د امنیت په اړه یې خبرې کړې دي.
په ملګرو ملتونو کې د افغانستان استازي نصیراحمد فایق افغانستان انټرنشنل ته وویل چې سږ کال به هم د ملګرو ملتونو په عمومي غونډه کې وینا ونه کړي. فایق وویل چې د «تخنیکي» دلایلو له امله به په دې غونډه کې وینا ونه کړي ځکه چې په ورته وخت کې په یوه بله غونډه کې ګډون کوي.
دریو سرچینو افغانستان انټرنشنل ته وویل،چې د دوشنبې په غرمه، د تلې په ۶مه، په هرات ښار کې د طالبانو پر یوه امنیتي پوسته چاودنه شوې ده. دا پوسته د هرات ښار په اتمه ناحیه کې په جکان سیمه کې ده.
جرمني د دوشنبې په ورځ ژمنه وکړه چې د جرمونو نړیوالې محکمې ملاتړ ته به دوام ورکړي. د امریکا ولسمشر ډونالډ ټرمپ له اوږدې مودې راهیسې د یادې محکمې مخالف دی او په دې وروستیو کې یې له هېوادونو غوښتي چې سملاسي له دې محکمې ووځي.
د پاکستان د اطلاعاتو وزیر عطاالله تارړ پر تحریک انصاف ګوند غږ کړی، چې په هېواد کې د وسله والو بریدونو په تړاو دریځ روښانه کړي. نوموړي تور پورې کړی چې د خیبر پښتونخوا ایالتي حکومت د ترهګرۍ ضد مبارزه کې له همکارۍ ډډه کوي او د وسله والو ملاتړ کوي.
د افغانستان انټرنشنل د راپور له مخې، د جوزجان په قرقین ولسوالۍ کې د قابلو، امبولانس او روغتیايي امکاناتو د کموالي له امله بلقیس د څلورم زېږون پر مهال ماشوم له لاسه ورکړ او خپله د دېرې وینې بهېدو له امله تر مرګه ورسېده.
د طالبانو د ریاستالوزرا اقتصادي معاونیت په مشرۍ د افغانستان د سکټوري ادارو د لومړیتوبونو د شریکولو په دویمه ناسته کې ددې ډلې پوهنې وزارت د درسي نصابونو معیاري کول، د ښوونیزو مرکزونو جوړول او د ښوونکو ظرفیت لوړول د خپلو لومړیتوبونو په توګه اعلان کړي دي.
د طالبانو د عامې روغتیا وزیر مولوي نورجلال جلالي د روغتیايي همکاریو د پراختیا او تجربو د شریکولو په موخه بېلاروس ته تللی دی. د طالبانو د عامې روغتیا وزارت وايي چې د دغه سفر په ترڅ کې به د طالبانو پلاوی د بېلاروس د روغتیا وزارت له مشرتابه سره وګوري.
د افغانستان د رسنیو د ملاتړ سازمان په یوه اعلامیه کې ویلي، چې اطلاعاتو ته د خلکو لاسرسی په بشپړ ډول فلج شوی دی. یاد سازمان له ملګرو ملتونو وغوښتل، چې پر طالبانو فشارونه زیات کړي او د خبریالانو د ځورولو پېښې ثبت کړي.
ازادۍ جبهه وايي، چې د بدخشان ولایت په مرکز فیضاباد ښار کې یې د طالبانو کانونو ریاست ته نږدې د هغوی پر یوه موټر چاودنه کړې ده. د یادې جبهې په وینا، په دې چاودنه کې درې وسله وال طالبان وژل شوي او دوه نور ټپیان دي. طالبانو تراوسه د ازادۍ جبهې د دې ادعا په اړه څه نه دي ویلي.
د ایران د پوهنې وزارت د معلوماتو له مخې، له ۴۳ زرو او ۶۰۰ ډېرو افغان زده کوونکو د روغتیايي ارزونې بهیر بشپړ کړی او په لومړیو ټولګیو کې د نوملیکنې په حال کې دي.