د طالبانو له پېښو سره د مبارزې ادارې مشر ملانورالدین ترابي ادعا کړې، چې د هېواد ۹۶سلنه وګړي له طالبانو څخه خوښ دي. د هغه په وینا،افغانستان تر طالبانو نور زیات خواخوږي نه لري. په داسې حال کې چې د ښځو پر زدهکړو بندیزونو او اقتصادي زوال پر دغه ډلې د خلکو نیوکې خورا لوړې کړې دي.
د طالبانو مخالفو وسلهوالو ډلو سره د پيل کړو رسنیزو ناندریو په دوام، د بلخ پخواني والي عطا محمد نور ګواښ کړی، چې که اړ شي د دغو ډلو د « پردي نیابتيتوب» استخباراتي رازونه به په بشپړ ډول رسوا کړي.
جینوا کې د افغانستان استازي نصیر احمد اندیشه ویلي، د طالب واکمنۍ ۵ کاله وروسته ان د بحران نړیوالې ډلې چې له طالبانو سره د مثبت تعامل لپاره یې اوږد مهال د شک پر ځای د فرصت لیدل غوره کړي وو، اوس وضعیت په «روښانه او جدي» ډول ارزوي او داسې ښکاري چې د نړیوالې ټولنې صبر پای ته رسېدلی.
د لویدیځ مېشتو افغانانو خلاف د تبلیغاتو په دوام، د طالبانو یوه پخواني وزیر عبدالغیاث قانع تور پورې کړی، چې بهرنیو هېوادونو؛ په ځانګړي ډول امریکا او اروپا ته تلونکي افغانان هلته «بې دینه» کیږي او خرابیږي.
د ملي جمهوري غورځنګ ایالتي مشرې بشرا ګوهر د خیبر ولسوالۍ په ملاګوري سیمه کې د پولیسو په توقیف کې د دوو ځوانانو پر وژل کېدو سخته اندېښنه ښودلې ده. هغې ویلي چې په پښتونخوا کې د دولت واکمني له منځه تللې او په سیمه کې پیل شوې د «طالبانو پروژه» باید په بشپړه توګه پای ته ورسېږي.
د ملي جنبش ګوند مشر عبدالرشید دوستم، د طالبانو پر وړاندې د وسلهوالو مخالفینو د مبارزې په ملاتړ ویلي، هغه کسان چې د طالبانو پر وړاندې د درېدو یا اعتراض توان نه لري، لږ تر لږه باید چوپ پاتې شي او د دغې ډلې پر ضد په جګړه کوونکو ځوانانو نیوکه ونه کړي.
د تېر جمهوري نظام لومړي مرستیال امرالله صالح له پاکستاني چارواکو پوښتلي، چې طالبانو سره په نږدې ملګرتیا د اعتراف له امله، د پاکستان د ملي امنیت پخوانی سلاکار سرتاج عزیز هم د هندوستان جاسوس ګڼي کنه؟. سرتاج عزیز په ۲۰۱۴ کال کې طالبان د پاکستان نږدې ملګري بللي و.
د طالبانو د ۲۰۱ خالد بن ولید قول اردو ویاند ادعا کوي چې د نورستان په کامدېش ولسوالۍ کې یې د پاکستان له لوري د وراوښتې شاوخوا ۴۰۰ کسیزې ډلې پر وړاندې په نښته کې له ۳۰ ډېر کسان وژلي او ۵۸ نور یې نیولي دي.
سرچینو افغانستان انټرنشنل ته ویلي چې طالبانو د کابل په لودېدیځ کې د «تبیان» په نوم د فرهنګي او ټولنیزو فعالیتونو مرکز او د «افغان غږ» (اوا) خبري اژانس دفتر تړلی او د دغو ادارو یو شمېر مسوولان او کارکوونکي یې هم نیولي دي.
د خیبر پښتونخوا د اطلاعاتو وزیر شفیع جان وايي، دغه ایالت د ترهګرۍ پر وړاندې په جګړه کې د ۸۰ زرو کسانو قربانۍ ورکړې دي خو له دې سره هم پښتونخوا ته پېغورونه ورکول کېږي او د ترهګرۍ پر وړاندې جګړه کې خپله حقه برخه نه ورکول کېږي.
د «نجیب تلاش جام» په نوم د بډمنټون ټاکنیزې سیالۍ، چې د افغانستان له اتوو ولایتونو څخه د ۱۵۰ ورزشکارانو ترمنځ د شپږو ورځو لپاره ترسره شوې، د ۴۰ لوبغاړو په ټاکلو سره پای ته ورسېدې.
ناروې د افغانستان لپاره د ملګرو ملتونو ځانګړي وجهي صندوق سره شاوخوا ۲،۶ میلیونه امریکايي ډالر مرسته کړې ده. د دغه صندوق لهخوا د مرستې هرکلی شوی او ویل شوي چې د ناروې دوامدار ملاتړ به د ملګرو ملتونو ادارو ته د افغان ټولنو د اړتیاوو د پوره کولو لپاره د ګډو هڅو زمینه برابره کړي.
په جینوا کې د افغانستان دایمي استازولۍ د ملګرو ملتونو د بشري حقونو شورا په ۶۳مه غونډه کې ویلي چې د طالبانو اقداماتو په افغانستان کې د قانون حاکمیت له منځه وړی او وګړي یې د عدالت له ترلاسه کولو بېبرخې کړي دي.
د پاکستان د اپوزیسیون اتحاد (د اساسي قانون د ساتنې غورځنګ) وايي چې د تحریک انصاف ګوند له خوا د اکتوبر پر څلورمه د اعلان شوي اعتراض او د اسلاماباد پر لور په لاریون کې به په پراخه کچه ګډون وکړي.
د افغانستان اکثریت ګوند د پخواني ولسمشر نجیب الله د وژل کېدو د ۳۰م تلین په مناسبت د تېرو پنځوسو کلونو د سیاسي او بشري جنایتونو د بېپرې څېړلو غوښتنه کړې او ویلي یې دي چې د دغه بهیر موخه باید د غچ اخیستنې پر ځای د حقیقت موندنه، د قربانیانو د حقونو اعاده او انتقالي عدالت وي.
په افغانستان کې د ملګرو ملتونو د سیاسي استازولۍ (یوناما) مرستیال بروتو لیمرکویس وايي، هڅه کوي چې په نړیوالو چاپېریالي کنفرانسونو کې د طالب پلاوي د ګډون زمینه برابره کړي، څو د افغانستان چاپېریالي ستونزې او غوښتنې له نړیوالې ټولنې سره شریکې شي.
د ژمي راتګ او د بشري ناورین د شدت له اندېښنو سره هممهاله،د ملګرو ملتونو د خوړو نړیوال پروګرام د تر ټولو زیاتو زیانمنو افغانانو د ژغورلو لپاره طالب چارواکو سره تخنیکي ناسته کړې. دوی وایي چې ۱۴۰ زره اړمنو کورنیو ته به ژمنۍ مرستې برابرې کړي.
د ایلن ماسک د سپېس اېکس شرکت «سټارشېپ» فضايي بېړۍ د دوشنبې په ورځ د لومړي ځل لپاره مدار ته ورسېده او ۲۶ نوي «سټارلنک» سپوږمکۍ یې مدار ته ولېږدولې، خو د الوتنې پر مهال د یوه انجن له ناڅاپي درېدلو وروسته یې ماموریت له ټاکلي وخت څو ساعته مخکې پای ته ورسېد.
د اروپا لپاره د ناټو ستر قوماندان الکسس ګرینکویچ وايي، اروپايي هېوادونه باید په هغه صورت کې، چې روسیه د تخریبي او بېثباته کوونکو فعالیتونو مسووله وي، ښکاره اعلان وکړي او د اوکراین ملاتړ وکړي.
د بریتانیا پولیس په دې اړه څیړنه کوي، چې ایا د امریکا له لوري پر کارېدونکې هوايي اډې د احتمالي برید په پلان کې د یوه بهرني دولت لاس ښکیل دی او که نه.
قطري منځګړي ښايي د دوشنبې یا سېشنبې په ورځ په نیویارک کې د ایران د بهرنیو چارو له وزیر عباس عراقچي او د امریکا له لوري سره جلا جلا خبرې وکړي.