د طالبانو لخوا له شپږم ټولګي پورته د نجونو پر زدهکړو د بندیز په دوام سره، د ترکیې د معارف بنسټ غواړي په افغانستان کې د خپلو زدهکوونکو شمېر له شپږ زرو څخه اته زرو ته لوړ کړي او په خوست او تخار ولایتونو کې هم نوي ښوونځي جوړ کړي.
د تېر جمهوري نظام د عدلیې وزیر فضل احمد معنوي نړۍوالې جنايي محکمې او قاضیانو ته د سولې نوبل او د ساخاروف جایزې ورکړې ته په اشارې ویلي، چې د نړۍ د فشارونو سره سره دغه محکمې په زړوتیا د عدالت دفاع کړې. د ده په خبره هیڅ ځواک د تل لپاره د عدلت پر وړاندې نه شي درېدای.
سوېلي کوریا یو ځل بیا له شمالي کوریا سره د پوځي خبرو وړاندیز کړی، څو د دواړو هېوادونو ترمنځ د ځمکنۍ پولې کره موقعیت روښانه او د نښتو د پېښېدو خطر کم شي.
د خیبر پښتونخوا ایالت په شانګله ولسوالۍ کې د خټو راایستلو پر مهال د ځمکې ښوېېدنې پنځه ښځې تر خاورو لاندې کړې، چې له ډلې یې یوه مړه شوې او څلور نورې ټپیانې دي.
د افغانستان لپاره د ملګرو ملتونو ځانګړي راپور ورکوونکي رېچارډ بېنېټ له اروپايي ټولنې او نورو هېوادونو غوښتي چې افغانان داسې ځایونو ته ونه لېږي چې له خطر سره مخ وي او د بشري حقونو نړیوال مکلفیتونه، په ځانګړي ډول د جبري ستنولو د منع اصل، رعایت کړي.
د ملګرو ملتونو د ماشومانو د ملاتړ صندوق (یونیسف) د ګوزڼ د نړیوالې ورځې په مناسبت د افغانستان د ګوزڼ پاکولو لپاره د ملي هڅو پر ارزښت ټینګار کړی او د هغو روغتیايي کارکوونکو هڅې یې ستایلې چې ماشومانو ته د دغې ناروغۍ ضد واکسین رسوي.
د بلومبرګ خبري اژانس د راپور له مخې، د ایلان ماسک شرکت سپېسایکس له هغو شرکتونو سره خبرې کوي چې په امریکا کې ګرځنده مخابراتو زیربناوې برابروي، څو د دغه هېواد په کچه شاوخوا ۸۰ زره مخابراتي سایټونو ته لاسرسی پیدا کړي.
د طالبانو د ټرانسپورټ او هوايي چلند وزارت د هوا پوهنې ادارې په ختیځ او سویلي ولایتونو کې د سختو بارانونو، تالندې او برېښنا، تېزو بادونو او ناڅاپي سېلابونو د راوتلو په اړه بیړنی خبرداری ورکړی دی. یادې ادارې د تېز باد د سرعت کچه له ۵۰ څخه تر ۷۰ کلیومتره په ساعت کې اټکل کړې ده.
د ننګرهار د حوزوي روغتون د عصبي جراحي برخې مسوول ډاکټر حامد شېر شېنواری وایي دغه روغتون ته هره میاشت شاوخوا پنځه ماشومان د «سپاینا بایفیدا» ناروغۍ، د درملنې لپاره راوړل کېږي.
ملګري ملتونه وايي، په افغانستان او د منځنۍ او سوېلي اسیا په ۱۱ نورو هېوادونو کې د واورین پړانګانو شمېر له ۳۵۰۰ تر ۷۵۰۰ پورې اټکل شوی، خو ناقانونه ښکار، د استوګنځایونو تخریب او د اقلیم بدلون یې ژوند ګواښي.
د چین د تبت سیمې په سوېل لوېدیځ کې د ۷ درجې زورورې زلزلې له کبله تر دې مهال ۱۶ تنه مړه او ۶۵ تنه نور ټپیان شوي دي. د چارواکو په خبره د ۲۰۲۴ کال له جنوري راهیسي په چین کې دا تر ټولو زوروره زلزله بلل شوې ده.
د افغانستان کرېکټ ملي لوبډله نن جمعه، د متحده عربي اماراتو په شارجه لوبغالي کې د درې اړخیزې یو ورځنۍ لوبلړۍ په پایلوبه کې له زمبابوې سره مخ کېږي. لوبه د افغانستان پر وخت د مازدیګر په ۴ بجو پیلېږي.
د ملګرو ملتونو علمي، ښوونیز او کلتوري سازمان (یونسکو) او د «ډېټا پاپ الاینس» بنسټ د هغو ښځینه ساینسپوهانو د رول او ستونزو ارزولو لپاره نړیواله سروې پیل کړې، چې په ناورینونو او بېړنیو حالاتو کې فعالیت کوي.
د افغانستان د ۱۹ کلنو کرېکټ ملي لوبډله نن د عمان په العامرات کرېکټ لوبغالي کې د بنګلهدېش د ۱۹ کلنو لوبډلې پر وړاندې د څلور لوبو د یو ورځنۍ لړۍ په وروستۍ سیالۍ کې لوبېږي. لوبه د افغانستان پر وخت د سهار په ۹:۳۰ بجو پیلېږي.
د بېځایه شویو نړیوال سازمان په یوه تازه مقاله کې ویل شوي، چې په ۱۸۶۴ کال کې د روسیې لهخوا د شمالي قفقاز د بومي قوم، چرکسانو، جبري ایستلو له ۱۶۰ کلونو ډېر وخت وروسته هم، د هغوی مورنۍ ژبه او کلتوري میراث د ورکېدو له ګواښ سره مخ دي.
لیډ: ملګرو ملتونو ویلي، د اوکراین پر بېلابېلو سیمو د روسیې د لیرې واټن بریدونو په پایله کې د پنجشنبې ورځې تر سهاره لږ تر لږه ۱۴ ملکي وګړي وژل شوي او ۷۸ نور ټپیان شوي دي، چې په ټپیانو کې اووه ماشومان هم شامل دي.
افغانستان انټرنشنل پښتو ته د یوناما سرچینو ویلي، چې په بامیان کې د ملګرو ملتونو د دغه ماموریت پر افغان کارکوونکي، ډاکټر کریم کریمي د ډزو پېښه ښايي یوه جلا او تصادفي پېښه وي، نه پر یوناما هدفي برید.
د عراق بهرنیو چارو وزیر فواد حسین له خپل سعودي سیال فیصل بن فرحان سره په ټیلیفوني خبرو کې پر سعودي د ایران په ملاتړ د حوثیانو وروستي بریدونه وغندل او ویې ویل، بغداد به اجازه ورنه کړي چې د عراق خاوره د سعودي عربستان یا د سیمې د نورو هېوادونو پر ضد د بریدونو لپاره وکارول شي.
د امریکا د فضايي ادارې (ناسا) ستورپوهان وايي، د دوو کهکشاني ټولګو ټکر او د یوه ستر تورسوري شدید فعالیت ښايي په فضا کې د موسیقۍ د نښې په څېر د یوه راډیويي جوړښت د رامنځته کېدو لامل شوي وي.
په ټایوان کې د «چامپي» په نوم له بارانونو سره مل د زورور توپان له امله په دغه هېواد کې د جمعې ورځې لپاره څه باندې ۵۰۰ کورنۍ او نړۍوالې الوتنې لغو شوې دي.
د طالبانو مخالفې وسلهوالې ډلې د ازادۍ او عدالت نهضت ادعا کړې چې د دوی چریکي ځواکونو د پروان ولایت د بګرام ولسوالۍ په مربوطاتو کې د طالبانو پر یوې امنیتي پوستې برید کړی دی. د دغې ډلې د اعلامیې له مخې، په دغه برید کې د طالبانو یو غړی وژل شوی او دوه تنه نور ټپیان دي.