په ملګرو ملتونو کې د ایران استازې وویل، چې له زدهکړو محرومیت، د ټولنیز او پرمختیایي وروسته پاتې والي لړۍ لا پسې ژوروي او پایلې به یې نه یوازې افغانستان، بلکې ټوله سیمه اغېزمنه کړي.
په ملګرو ملتونو کې د بلجیم استازي ویلي، چې د طالبانو له بیا واکمنېدو پنځه کاله وروسته دې ډلې افغانستان د خپل ایډیولوژیک لیدلوري له مخې جوړ کړی او د خلکو حقونه او ازادۍ یې محدود کړي دي. نوموړي د ښځو او نجونو وضعیت تیاره او ناوړه بللی او وايي، هغوی له سیستماتیک تبعیض سره مخ دي.
د پاکستان استازي د ملګرو ملتونو د بشري حقونو شورا غونډه کې وویل چې اسلاماباد داسې افغانستان غواړي، چې له خپل ملت او ګاونډیانو سره په سوله او ثبات کې ژوند وکړي. هغه له طالبانو وغوښتل چې په افغانستان کې د ټولو ترهګرو ډلو پر وړاندې اقدام وکړي.
په ملګرو ملتونو کې د قطر استازي وویل، چې افغانستان له «ستر بشري بحران» سره مخ دی او ۴۵ سلنه نفوس یې بشري مرستو ته اړتیا لري. د قطر استازي وویل، چې ناامني، اقتصادي ستونزو، د وګړو بېځایه کېدو او د افغانستان د شتمنیو کنګل کېدا د ناامنۍ او بېثباتۍ خطر زیات کړی دی.
په ملګرو ملتونو کې د ایټالیا استازي ویلي، چې د طالبانو قوانین او سیاستونه به په افغانستان کې ښځې لا پسې حاشیې ته بوځي. نوموړي زیاته کړې، چې د ماشومانو لپاره د حمایوي سیستمونو له منځه تلل به ښځې له لا ډېر تاوتریخوالي سره مخ کړي.
د ناروې د کډوالو شورا مشر یان ایګلنډ د طالبانو د اقتصاد له وزیر دین محمد حنیف سره په لیدنه کې ویلي، چې دې شورا په تېرو ۱۸ میاشتو کې ۷۵ زره اړو کسانو ته د سرپناه او شاوخوا ۹۰ زرو کسانو ته د حفظ الصحې خدمتونه وړاندې کړي دي.
په ملګرو ملتونو کې د پاکستان یوه استازي د اسلامي هېوادونو کنفرانس په استازیتوب د افغانستان د ټولنیز او اقتصادي وضعیت په اړه اندېښنه وښوده او له طالبانو یې وغوښتل چې د نجونو پر زدهکړو لګول شوي محدودیتونه لغوه کړي.
په جنیوا کې د ملګرو ملتونو په دفتر کې د افغانستان دایمي استازي نصیر احمد اندېشه د بشریت ضد جنایت په توګه په افغانستان کې د «جنسیتي اپارتاید» د رسمیت پېژندلو غوښتنه وکړه.
د افغانستان لپاره د ملګرو ملتونو ځانګړي راپور ورکوونکي ریچارد بېنېټ د یاد سازمان د بشري حقونو شورا ته وویل،چې پر ښځو او نجونو د طالبانو محدودیتونه د افغانستان ټولنیز جوړښت بدلوي او د نړیوالې ټولنې زغم کچه ارزوي.
د ملګرو ملتونو د بشري حقونو شورا په جنیوا کې د افغانستان د بشري حقونو د وضعیت په اړه غونډه پیل کړه. د افغانستان لپاره د ملګرو ملتونو ځانګړی راپور ورکوونکي ریچارډ بېنېټ په دې غونډه کې خپل تازه راپور وړاندې کړ.
روسیې اعلان وکړ، چې په سن پترزبورګ کې د جرمني کونسلګري تړي. مسکو دغه پرېکړه د برلین د ورته یوې پرېکړې په غبرګون کې کړې ده. جرمني په روانه میاشت کې په په بن کې د روسیې کونسلګرۍ او په برلین کې ددغه هېواد د کلتوري مرکز د تړلو اعلان کړی و.
د طالبانو د عدلیې وزارت اړوندو ځواکونو د دوشنبې په ورځ په کابل کې د پخواني شیعه دیني عالم او د خاتمالنبیین حوزې د بنسټګر محمد اصف محسني مشر زوی محمد حسن محسني نیولی او نامعلوم ځای ته یې انتقال کړی دی.
د متحده عربي اماراتو د ولسمشر سلاکار وویل، چې هېواد یې د انرژۍ د صادراتو او سوداګرۍ لپاره پر بدیلو لارو کار کوي. د متحده عربي اماراتو چارواکو تر اوسه د دغو بدیلو لارو د جزییاتو او د هغو د جوړولو د لګښت په اړه معلومات نه دي ورکړي.
د روغتیا نړیوال سازمان وايي، چې په کابل کې د رابعه بلخي او په کندهار کې د میرویس روغتون له لارې ښځو ته د فستولا ناروغۍ وړیا تخصصي درملنه وړاندې کوي، چې مشورې، درملنه، جراحي، د تګ راتګ لګښت او له درملنې وروسته تعقیبي پاملرنه پکې شامل دي.
د جمعیت اسلامي مشر عطا محمد نور وايي، د افغانستان شیعه د دوی وروڼه دي او طالبان له دغو خلکو سره په «ظلم او حسادت کې له تعصب او جنایتونو» هم اوښتي دي. نوموړي د «خاتمالنبیین» مدرسه د علم، پوهې، منطق او اخلاقو مرکز بللی او وايي، طالبان په «ناپوهۍ او ګمراهۍ» کې ډوب دي.
په بدخشان کې ځايي سرچینو د دوشنبې په ورځ، د وږي په ۱۶مه افغانستان انټرنشنل ته وویل، چې په زیباک ولسوالۍ کې د ازادۍ جبهې د جنګیالیو او طالبانو ترمنځ نښته شوې ده.
په کابل کې د شیعه مذهب اړوند د «خاتم النبیین» دیني مدرسې مسوولان وايي، د طالبانو اړوند ځواکونو دغه مرکز د دوو ورځو له محاصرې وروسته د دوشنبې په ورځ تخلیه کړی او ودانۍ یې «نیولې» ده. طالبانو تر اوسه په دې اړه څه نه دي ویلي.
د افغانستان د مخکیني ولسمشر لومړی مرستیال امرالله صالح وايي، چې د خیبر پښتونخوا او پېښور ډېری سوداګر د پاکستان حکومت ته مالیه او تحریک طالبان پاکستان ته باج ورکوي. د هغه په وینا، د ټي ټي پي پر وړاندې د اسلاماباد د مبارزې ستراتیژي ناکامه شوې ده.
د کندهار یو شمېر اوسېدونکي وايي، د وچکالۍ او د ځمکې لاندې اوبو د بې درېغه استخراج له امله یې څاه ګانې او کاریزونه وچ شوي او په ځینو سیمو کې د اوبو کچه تر «شاوخوا ۲۰۰ مترو» هم ښکته شوې ده. دوی وايي، ګڼې کورنۍ د اوبو د نشتوالي له امله د خپلو مېنو پریښودو ته اړې شوې دي.
باخبره سرچینو افغانستان انټرنشنل ته وویل، چې د طالبانو د عدلیې وزیر د دوشنبې په ورځ ددې ډلې د اقتصاد د وزیر د دفتر رییس مولوي عبدالباري نیولی دی. د سرچینو په وینا، عبدالحکیم شرعي لومړی عبدالباري خپل دفتر ته ورغوښتی و او وروسته یې د هغه د بندي کولو امر کړی دی.
عادله مصمم چې یوه ورځ یې د انجینرۍ له لارې د افغانستان د ښارونو د ابادۍ خوب درلود، د طالبانو له واکمنېدو وروسته خپله دنده له لاسه ورکړې ده. نوموړې اوس په سمنګان کې د روميانو د روب جوړولو کاروبار پیل کړی. خو د هغې ستره هیله لا هم دا ده چې یوه ورځ بېرته د انجینرۍ مسلک ته ستنه شي.