باخبره سرچینو افغانستان انټرنشنل ته وویل، چې د طالبانو د عدلیې وزیر د دوشنبې په ورځ ددې ډلې د اقتصاد د وزیر د دفتر رییس مولوي عبدالباري نیولی دی. د سرچینو په وینا، عبدالحکیم شرعي لومړی عبدالباري خپل دفتر ته ورغوښتی و او وروسته یې د هغه د بندي کولو امر کړی دی.
عادله مصمم چې یوه ورځ یې د انجینرۍ له لارې د افغانستان د ښارونو د ابادۍ خوب درلود، د طالبانو له واکمنېدو وروسته خپله دنده له لاسه ورکړې ده. نوموړې اوس په سمنګان کې د روميانو د روب جوړولو کاروبار پیل کړی. خو د هغې ستره هیله لا هم دا ده چې یوه ورځ بېرته د انجینرۍ مسلک ته ستنه شي.
د ملګرو ملتونو د پروژو د خدماتو ادارې اجرایوي رییس او د یاد سازمان د سرمنشي مرستیال ژورژه موریرا دا سیلوا له طالبانو غوښتي چې پر افغان ښځینه کارکوونکو لګېدلي محدودیتونه « له قید او شرط پرته» لغوه کړي او هغوی ته اجازه ورکړي چې د ملګرو ملتونو دفترونو ته بېرته ستنې شي.
د افغانستان د خبریالانو مرکز وايي، په کابل کې د طالبانو امنیتي ځواکونو د راه فردا خصوصي تلویزیون دفتر تړلی او د دې رسنۍ د امتیاز څښتن سلمان اخلاقي یې نیولی دی. یاد مرکز دغه اقدام غندلی او له طالبانو یې غوښتي، چې رسنیو ته د ازاد فعالیت اجازه ورکړي.
د ایران د دوغارون سرحدي ترمینل مدیر وايي، د ځینو اداري او عملیاتي بهیرونو په اصلاح سره به د افغانستان او ایران ترمنځ د اسلام کلا-دوغارون له لارې د ایراني او بهرنیو بار وړونکو موټرو د تګ راتګ ظرفیت په ورځ کې ۲۵۰۰ موټرو ته لوړ شي.
په لغمان کې د طالبانو د اقتصاد ریاست د پراختیایي چارو امر خلیل الرحمان صدیقي وایي، د بزګرو د اقتصادي او د سبزیجاتو او نورو کرنیزو محصولاتو د ودې په موخه سږکال په دغه ولایت کې ۷۰ شنې خونې جوړې شوې دي. نوموړي زیاته کړې، د یادو خونو پر جوړېدو ۶۳زره امریکايي ډالر لګښت راغلی دی.
د طالبانو د کانونو او پټرولیم وزارت د هرات د نفتي حوزې د نفتو او ګازو د اکتشاف او استخراج هوکړه لیک د زلمي خلیلزاد په حضور کې د سعودي عربستان له «دلتا انټرنشنل» شرکت سره لاسلیک کړ.
د ملګرو ملتونو د بشري حقونو شورا ۶۳مه عمومي غونډه نن دوشنبه (د وږي ۱۶مه) د سویس په جنیوا کې پیل شوه، چې د تلې میاشتې تر ۱۵مې نېټې به دوام وکړي. په افغانستان د بشري حقونو وضعیت به د یادې غونډې د لومړۍ ورځې د اجنډا له مهمو موضوعاتو وي.
په کندهار کې نوی ښوونیز کال داسې مهال پیلېږي، چې د جګړو پرمهال د ویجاړو شویو ښوونځیو یوشمېر ودانۍ لاهم نهدي رغول شوې او د زدهکوونکو د زیاتوالي ترڅنګ د ښوونکو کمښت هم د پوهنې پر وړاندې له جدي ستونزو بلل کېږي. په دوبي او ژمي کې زدهکوونکي په دغه ښوونځیو کې زدهکړې کوي.
د طالبانو ویاند ذبیحالله مجاهد وایي، تېر کال د حیرتان، اقینې، تورغونډۍ بندرونو او د خواف–هرات رېلپټلۍ له لارې په ټولیز ډول ۷ مېلیونه، ۶۰۲زره او ۴۱۹ مټریک ټنه انتقالات شوي دي.
د طالبانو د کورنیو چارو وزارت ویاند په هرات کې یوې غونډې ته د وینا پرمهال ویلي، چې د طالبانو له بیا واکمنېدو وروسته په هېواد کې د نشهيي توکو د کښت کچه ۹۵ سلنه راټېټه شوې او د انساني قاچاق پر وړاندې یې هم جدي اقدامات ترسره کړي دي.
د ایران د بهرنیو چارو وزارت ویاند اسماعیل بقایي هرمز تنګي ته نږدې د سویلي کوریا لهخوا د تجهیزاتو د لېږد احتمال په اړه ویلي: «په فارس خلیج او هرمز تنګي کې د کوم بل هېواد پوځي حضور یا په عملیاتو کې یې ګډون د دغه تیري د عاملینو مستقیم ملاتړ ګڼل کېږي او جدي پایلې به ولري».
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، د یکشنبې په ورځ (د وږي ۱۵مه) ۲۴۴ کډوالې کورنۍ چې ټولټال ۱۱۸۳ کسان کېږي، له ایران او پاکستان نه افغانستان ته ستنې شوې دي.
په هرات کې د عبدالقدير پهلوانزاده په نوم د یوه ځوان د وژنې په اړه په دغه ولایت کې د طالبانو د والي ویاند محمدیوسف سعیدي ویلي، چې یاد کس د شخصي دښمنۍ په غچ کې وژل شوی دی. د هغه په وینا، غچاخیستونکی او ملګري یې نیول شوي او محکمې ته سپارل شوي دي.
په نیمروز کې د طالبانو د امنیې قوماندانۍ ویاند ګل محمد قدرت وايي، یو ایرانی یې د ناقانونه تګ په تور نیولی دی. نوموړي زیاته کړې، چې دوه کسان یې بیا د وسلو، دوه نور د جعلي پیسو کارولو او پنځه نور د غلا، اخلاقي فساد او انساني قاچاق په تور نیولي دي.
په بنګلهدېش کې د ډینګي تبې پېښو زیاتوالي او د دغه هېواد د روغتیا وزارت د شمېرو له مخې، د روان کال له پیل راهیسې په دغه هېواد کې ۴۲زره او ۵۹۰ کسان په دغه ناروغۍ اخته او روغتون ته لېږدول شوي دي. په دې موده کې ۱۱۷ کسان مړه شوي هم دي.
د طالبانو د کانونو او پټرولیم وزارت وایي، د امو سیند د نفتي حوزې د څار او مشورتي خدمتونو د وړاندې کولو لپاره یې له یوه تاتارستاني شرکت سره د شاوخوا ۲.۸ مېلیونه امریکايي ډالرو په ارزښت تړون لاسلیک کړی دی.
په پروان کې د طالبانو تر واک لاندې د کرنې، اوبو لګولو او مالدارۍ رییس خان محمد حقمل وايي، چې په دغه ولایت کې پر ۶زره او ۳۷۵ هکټاره ځمکه د انګورو ونې کرل شوې دي. نوموړی زیاتوي، چې په دغه ولایت کې سږکال د انګورو په حاصلاتو کې ۵ سلنه زیاتوالی راغلی دی.
د طالبانو د صنعت او سوداګرۍ وزارت د عامه اړیکو مسوول محمد اصف الیاس وایي، چې له ازبکستان سره یې سوداګري پراخه شوې او په تېرو ۷ میاشتو کې ۱.۲ مېلیارډ ډالرو ته رسېدلې ده. نوموړي ویلي، په یاده موده کې دغه هېواد ته د ۱۵۱ مېلیون ډالرو په ارزښت صادرات شوي دي.
د طالبانو د معیار او کیفیت اداره وايي، چې د معیارونو د عملي کولو او د ودانیزو توکو د کیفیت د کنټرول په لړ کې یې په حیرتان بندر کې د ۶۹ ټنه نامعیاري سمنټو د واردېدو مخه نیولې او دغه جوپه یې بېرته د اصلي هېواد پر لور ګرځولې ده.
فایننشل ټایمز په یوه راپور کې لیکلي: «لکه څنګه چې امریکا او ایران په وروستیو میاشتو کې د هرمز تنګي لپاره یو پر بل غچ اخیستونکي بریدونه کړي، امریکا د دغه تنګي او ستراتیژیکې لارې په اوبو کې پر پټو عملیاتو بوخته ده».