د طالبانو د معیار او کیفیت اداره وايي، چې د معیارونو د عملي کولو او د ودانیزو توکو د کیفیت د کنټرول په لړ کې یې په حیرتان بندر کې د ۶۹ ټنه نامعیاري سمنټو د واردېدو مخه نیولې او دغه جوپه یې بېرته د اصلي هېواد پر لور ګرځولې ده.
فایننشل ټایمز په یوه راپور کې لیکلي: «لکه څنګه چې امریکا او ایران په وروستیو میاشتو کې د هرمز تنګي لپاره یو پر بل غچ اخیستونکي بریدونه کړي، امریکا د دغه تنګي او ستراتیژیکې لارې په اوبو کې پر پټو عملیاتو بوخته ده».
د روسیې د بهرنیو چارو وزیر سرګي لاوروف د یکشنبې په ورځ وویل، د جرمني په لایپزیګ هوايي ډګر کې د بېپیلوټه الوتکې په پېښه کې د مسکو د لاس لرلو په اړه د لوېدیځ ادعاوې «په ټوله کې له لوېدیځ سره د یوې واقعي جګړې پیل» دی.
ډېری ښځې له میاشتني عادت څو ورځې مخکې احساس کوي، چې روان یې د معمول په څېر نهدی. حوصله یې کمېږي، ژر غوسه کېږي، کوچنۍ خبره ورته درنه تمامېږي او کله ناکله پرته له څرګند لامله خپه، اندېښمنې یا احساساتي کېږي.
په ایران کې د افغانانو د اعدامونو لړۍ په وروستیو کلونو کې په چټکۍ پراخه شوې ده. د افغانستان انټرنشنل د موندنو له مخې، یوازې د روان ۲۰۲۶کال له پیل راهیسې تر دې دمه ایران ۲۳ افغانان اعدام کړي دي.
د طالبانو تر واک لاندې د المپیک، بدني روزنې او ورزش ریاست وایي، د افغانستان د ناستې والیبال لوبډله د دغه لوبې په نړۍوالو سیالیو کې د ګډون لپاره روسیې ته ولاړه. افغان لوبډله به خپله لومړۍ سیالۍ د روسیې لوبډلې په وړاندې ترسره کړي.
د اوکراین ولسمشر ولادیمیر زېلېنسکي په کیف کې د ډونالډ ټرمپ له استازو سټیو وېټکاف او جېرډ کوشنر سره له څو ساعتونو خبرو وروسته ویلي، چې د اوسنیو شرایطو له مخې تمه لري له روسیې سره جګړه د روان کال تر ژمي دوام وکړي.
د افغانستان د فوټبال له ۲۰ کلونو کم عمره ملي لوبډلې د ۲۰۲۷کال د اسیا جام غوراوي سیالیو په درېیمه او وروستۍ لوبه کې بحرین ته چې د دغه سیالیو کوربه و، ۳-۱ ماتې ورکړه او دغه سیالۍ یې له درې امتیازونو او یوې زړه راښکونکې بریا سره پای ته ورسولې.
د کابل پر یوه سړک، د ښوونځي د عمر یو هلک پر سخته ځمکه او د یوه دېوال تر څنګ ناست دی. نه څوکۍ لري او نه توشکه. څو بورسونه، د بوټونو رنګ او د ښوونځي بکس یې د کار ټول وسایل دي.
د ګیانا حکومت اعلان کړی چې شپږ افغان او کیوبايي کډوال له امریکا څخه تر ایستلو وروسته دې هېواد ته لېږدول شوي دي.
د خیبر پښتونخوا اعلی وزیر سهیل اپریدي ویلي چې په پنجاب او سند ایالتونو کې د ځانګړو کورنیو حکومتونه جوړ شوي او دغه دوو کورنیو ټول پاکستان تر خپلې ولکې لاندې راوستی دی.
د عبدالقدیر پهلوانزاده کورنۍ ته نږدې سرچینې وايي، چې په هرات ښار کې د نوموړي له وژل کېدو درې ورځې تېرې شوې، خو طالبانو تر اوسه د هغه د وژنې په اړه وضاحت نه دی ورکړی.
د ملګرو ملتونو سرمنشي انتونیو ګوترېش له طالبانو غوښتي چې د افغان ښځینه کارکوونکو پر کار لګول شوی بندیز سمدستي لغوه کړي او د ملګرو ملتونو دفترونو ته د ښځینه کارکوونکو خوندي او له خنډ پرته د تګ راتګ زمینه برابره کړي.
د طالبانو په ولکه کې د افغانستان د سوداګرۍ او پانګونې خونه وايي، یوه میاشت وروسته د تلې پر ۱۵مه به په کابل کې د امام ابو حنیفه یو اونیز ملي او نړۍوال نندارتون پیل شي. د دغې خونې د مسوولینو په وینا، د روسیې او چین په ګډون د شلو هېوادونو شرکتونو په یاد نندارتون کې د ګډون ژمنه کړې.
د امریکا د دفاع پخواني وزیر لیون پانهټا خبرداری ورکړی چې د واشنګټن او تهران ترمنځ اوسنی کړکېچ ښايي لږ تر لږه شپږ میاشتې نور هم دوام وکړي او داسې ښکاري چې دا جګړه د عراق او افغانستان د جګړو په څېر پر یوې «بېپایه جګړې» بدله شي.
د طالبانو د پکتیا ولایتي مسوولین وایي، د زرمت ولسوالۍ لپاره د برېښنا د وېش د یوه نوي سبسټېشن د جوړېدو په موخه یې لومړنۍ تخنیکي او توپوګرافیکي سروې په دغه ولسوالۍ کې ترسره کړې ده.
د صلاحالدین رباني په مشرۍ جمعیت اسلامي ګوند د هزاره او شیعه ټولنې پر وړاندې د طالبانو وروستي «تبعیضي» اقدامات غندلي. دغه ګوند وايي، د طالبانو دغه چلند د دې ښکارندويي کوي، چې دغه ډله د شیعهوو له اړوندو بنسټونو او مرکزونو سره ښکاره دښمني لري.
د خیبر پښتونخوا د بنو ولسوالۍ پولیس وایي، د شنبې ورځې راپدیخو په ۲۴ ساعتونو کې په دغه ولسوالۍ کې د ډزو په بېلابېلو پېښو کې د ښځو او ماشومانو په ګډون ۹ کسان وژل شوي دي.
سرچینې وايي، د طالبانو د استخباراتو غړی عبدالصبور سیرت، چې په سمنګان ولایت کې د یوه قومي مشر حاجي اکبر نیازي، په وژنه تورن شوی و، له شاوخوا شپږ میاشتني بند وروسته له زندان څخه خوشې شوی دی.
د محمد محقق په مشرۍ اسلامي وحدت ګوند د شیعه مذهبو د فرهنګي مرکزونو د تړلو او پر شیعه مشرانو د طالبانو وروستي فشارونه «غیرقانوني او تبعیضي» بللي دي. دغه ګوند په یوه اعلامیه کې ویلي چې د طالبانو دا اقدامات د هغه څه نښه ده چې دوی یې د «استبدادي رژیم د بېوسۍ» په توګه یادوي.
په هېواد کې د ژبنیو اختلافونو د زیاتېدو په لړ کې یو شمېر افغان فرهنپالو د یوې اعلامیې په خپرولو سره له ټولو افغانانو غوښتي چې دغو «خوابدوونکو او ناعلمي شخړو» ته د پای ټکی کېږدي او په وینا یې تر دې زیات د افغانانو ملي یووالی زیانمن نهکړي.