د طالبانو د المپیک، بدني روزنې او سپورت ادارې مشر احمدالله وثیق وايي، د قرغېزستان په زورخانهيي سیالیو کې افغان لوبغاړي ضمیرالدین حفیظي څلورم مقام وګاټه. دغه سیالۍ په بشکېک کې د ۱۰۶ هېوادونو د لوبغاړو په ګډون پیل شوې دي.
د امریکا د مرکزي استخباراتو ادارې پخوانۍ کارکوونکې سارا اډمز ویلي، چې د طالبانو مشر د دغې ډلې د دفاع وزارت دویم مرستیال ملا عبدالقیوم ذاکر د بدخشان او د افغانستان د شمال د پوځي عملیاتو د عمومي قوماندان په توګه ګومارلی، خو طالبان لا تراوسه په رسمي توګه په دې تړاو څه نهدي ویلي.
د پاکستان د جمعیت علمای اسلام مشر مولانا فضل الرحمان یو ځل بیا د پاکستان حکومت پر کړنو سختې نیوکې کړي او ویلي یې دي، چې پاکستان په تېرو ۸۰ کلونو کې نه رښتینې ډیموکراسي ترلاسه کړې، نه پهکې اسلامي نظام رامنځته شوی او نه هم اقتصادي پرمختګ ته رسېدلی دی.
د روسیې ولسمشر ولادیمیر پوتین د شنبې په ورځ (د وږي ۱۴مه) په کرملین ماڼۍ کې د امریکا د ولسمشر ډونالډ ټرمپ له ځانګړو استازو سټیو ویټکوف او جیرډ کوشنر سره شاوخوا درې ساعته لیدنه وکړه او په اوکراین کې یې روان وضعیت «ستونزمن» وباله.
د پاکستان د پنجاب اعلی وزیرې مریم نواز هغو څرګندونو ته چې ګواکې دغه صوبه د ګاونډیو صوبو له لوري له امنیتي ګواښونو سره مخ ده د عوامي نشنل ګوند مشر ایمل ولي خان او سهیل اپریدي توند غبرګون ښودلی او ویلي یې دي، چې ترهګرو لپاره کمپونه چا جوړ او بیا په افغانستان کې چا وکارول؟
د امریکا د استازو جرګې غړې نانسي مېس یو ځل بیا خبرداری ورکړی، چې طالبانو ته د مشروعیت ورکولو هر ډول هڅه «خطرناکه او بېپروا» ده. هغې طالبان «ترهګر» بللي او ویلي یې دي، چې امریکا باید هېڅکله دا ډله په رسمیت ونهپېژني.
د سمېع سادات په مشرۍ د افغانستان متحدې جبهې ادعا کړې، چې ځواکونو یې په غزني کې د طالبانو د استخباراتو یو غړی وژلی دی. د دغې جبهې په خبرپاڼه کې راغلي، چې دغه برید د شنبې ماښام د غزني په قرهباغ ولسوالۍ کې ترسره شوی دی.
د ایران د سپاه پاسداران سمندري ځواک وايي، چې د ایران پر درېیو تېلوړونکو بېړیو د امریکا د برید په ځواب کې یې د هرمز تنګي پر «غیرمجاز» لاره روانې درې تېلوړونکې بېړۍ او په نورو سیمو کې د امریکا اړوند درې نورې بېړۍ په نښه کړې دي.
په کابل کې یوې پېغلې متشبثې صدف افغان د «قاصد ډاټ اېف» په نوم د ټرانسپورټي ټکټونو د انلاین بوکېنګ او پېرلو لومړنی انلاین سیسټم جوړ کړی دی. هغه وايي، په دې کار سره غواړي مسافرو ته اسانتیاوې برابرې کړي.
د اسراییل لومړي وزیر بنیامین نتنیاهو وايي، ایران یو ځل بیا په سیمه کې د خپلو وړتیاوو او نیابتي ځواکونو د بیا رغولو هڅه پیل کړې او اسراییل هم اراده لري چې د هغوی خلاف خپلو عملیاتو ته دوام ورکړي. هغه وویل: «موږ باید هغه کار پای ته ورسوو چې پیل کړی مو دی».
په کابل کې د ښځو د یوه انلاین پوهنتون یوې زدهکړیالې د نوم نه خپرېدو په شرط له افغانستان انټرنشنل سره په مرکه کې ویلي، چې له انلاین پوهنتونونو څخه د افغان نجونو فراغت د طالبانو د افکارو او بندیزونو پر وړاندې د دوی د درېدنې او مقاومت یوه غوره بېلګه ده.
تمدن ټلویزیون له څو میاشتو ځنډ وروسته، د کابل په خاتمالنبیین علمي حوزه کې له دیني عالمانو او استادانو سره د طالبانو د عدلیې وزارت د مامورانو د چلند په غبرګون کې اعلان کړی، چې خپل نشرات به یو ځل بیا په ټولنیزو رسنیو کې پیل کړي.
د ګویانا حکومت اعلان کړی، چې د امریکا د یوه نوي پروګرام په چوکاټ کې د شپږو افغان او کیوبایي پناهغوښتونکو لومړنۍ ډله ګویانا ته لېږدول شوې ده.
حبیبالرحمان حکمتیار د جمعه خان همدرد د وروستیو څرګندونو په غبرګون کې ویلي، چې نوموړي په تېرو پنځو کلونو کې د ښځو د حقونو، د تعلیم د انګېزې د لهمنځه وړلو او د ملت پر اموالو د څارنې د نشتوالي په اړه هېڅ غږ پورته نهکړ، خو اوس د ګوند د انسجام لپاره د مشرتابه پر غوښتنو نیوکې کوي.
په هلمند کې د طالبانو رسنیز دفتر ویلي، د دغه ولایت په فرعي ګمرکونو کې یې ۱۷ زره او ۷۶۵ کیلو ګرامه خوراکي او غیر خوراکي قاچاقي توکي ترلاسه کړي دي. د دغه دفتر په وینا، دغه قاچاقي مواد په تېره یوه اونۍ کې ترلاسه شوي او د لېږد په تړاو یې ۱۸ کسان هم نیول شوي دي.
د طالبانو د بهرنیو چارو وزیر امیرخان متقي، د شنبې په ورځ د افغانستان لپاره د امریکا د پخواني ځانګړي استازي زلمي خلیلزاد سره په لیدنه کې د کابل او واشنګټن د اړیکو د پراختیا په اړه خبرې کړې دي. تر وړاندې هم متقي له امریکا سره د طالبانو د اړیکو پر عادي کولو ټینګار کړی و.
لسګونو شيعهګان د شنبې په ماښام د کابل په دارالامان سیمه کې د خاتمالنبیین دیني مدرسې په انګړ کې راټول شوي او د طالبانو د عدليې وزارت له لوري د دغې مدرسې د بېړنۍ تخلیې امر پر وړاندې یې اعتراض کړی دی.
د امریکا ځانګړي استازي سټیو ویټکوف او جېریډ کوشنر د شنبه په ورځ په اوکراین کې د روانې جګړې د پای ته رسولو او د سولې د خبرو اترو لپاره د روسیې پلازمېنې مسکو ته رسېدلي دي.
په پاکستان کې د نویو ایالتونو د جوړېدو په تړاو د سیاسي ګوندونو له مخالفت سره سره، د دغه هېواد د کورنیو چارو وزیر محسن نقوي یو ځل بیا ټینګار کړی، چې د نویو ایالتونو جوړول د اوسني نظام د له منځه وړلو په معنا نه دي.
د افغانستان د المپیک ملي کمېټې مسوولانو اخبر ورکړی، حفیظالله ولي رحیمي او محمد یونس پوپلزی له دندو ګوښه شوي دي او پر ځای یې باور هوتک د المپیک د ملي کمېټې سرپرست په توګه ګومارل شوی دی.
طالبانو ته نږدې رسنۍ حریت راډیو، د شنبې په ورځ د وږي په ۱۴مه راپور ورکړی، چې په بدخشان کې یو استرالیایي وګړی مړ شوی دی. خپلواکو سرچینو د دغه استرالیایي وګړي د مړینې د لامل په اړه څه نه دي ویلي، خو یادې رسنۍ لیکلي، چې استرالیايي وکړی د «زړه حملې» له امله خپل ژوند له لاسه ورکړی.