افغانستان انټرنشنل د طالبانو د ۲۰۷ الفاروق قول اردو د مسوولانو یو غږیږ پیغام ترلاسه کړی، چې خپلو ټولو وسلهوالو ته یې امر کړی، چې نور به په نظامي مرکزونو کې ځیرک مبایلونه نه کاروي او د اړیکې ساتلو لپاره دې ساده مبایلونه وکاروي.
د اوکراین ولسمشر ولادیمیر زېلېنسکي ویلي، چې د سلواکیا له لومړي وزیر روبرټ فیکو سره یې په ټلیفوني اړیکه کې په اروپايي ټولنه کې د اوکراین د شاملېدو په تړاو خبرې کړې دي. په دې خبرو کې سلواکیا له اروپايي ټولنې سره د اوکراین د یوځای کېدو له پروسې خپل ملاتړ څرګند کړی دی.
د پښتونخوا ملي عوامي ګوند مشر محمود خان اڅکزی له افغانستان سره د سوداګرۍ بندښت او د پاکستان ناسمو پالیسیو ته په اشاره ویلي، چې حکومت په لوی لاس دغه هېواد په کورنۍ جګړه اخته کوي.
د کونړ یو شمېر قومي مشرانو افغانستان انټرنشنل ته ویلي، چې د کونړ او باجوړ د قومي مشرانو ترمنځ د پاکستان له پوځ سره د دایمي اوربند پر سر پیل شوې خبرې د پاکستان د وروستیو بریدونو امله له ناکامۍ سره مخ شوې دي. دوی ویلي، پرېکړه شوې وه چې راتلونکې ناسته به په باجوړ کې ترسره شي.
طالبانو د عامې روغتیا وزیر نور جلال جلالي وایي، د یادې ډلې مشر ملا هبت الله اخوندزاده یاد وزارت ته په ولسوالیو کې د روغتونونو د جوړولو په موخه له داخلي بودیجي څخه ۷ میلیارده افغانۍ ورکړې دي.
د طالبانو د عامې روغتیا وزارت ویلي، چې په پروان ولایت کې یې شاوخوا ۱۲ ټنه تاریخ تېر او بېکیفیته درمل او همداراز خوراکي او طبي توکي سوځلي دي.
د جرمني د دفاع وزیر بوریس پیستوریوس اعلان وکړ، چې له جرمني څخه د ۵۰۰۰ امریکایي سرتېرو وتل باید د دې لامل شي چې اروپایان خپله دفاع نوره هم پیاوړې کړي.
د طالبانو عدلیې وزارت وایي چې په خوست ولایت کې یې د یوې اختصاصي محکمې د شرعي حکم پر بنسټ ۱۲ زره او ۵۰۰ جریبه ځمکه دولتي اعلان کړې ده.
د طالبانو تر واک د دولتي شرکتونو لوی ریاست وايي چې د ننګرهار وادي کرنیز شرکت ننګرهار کې پر ۲۲ زره او ۵۰۰ جریبه ځمکه د مالټو بڼونه جوړ کړي دي.
د طالبانو د لوړو زده کړو وزارت سرچینو افغانستان انټرنشنل ته ویلي، چې ندا محمد ندیم له ټولو دولتي پوهنتونونو غوښتي چې له دې وروسته بهرنیو هېوادونو او بنسټونو ته د نارینه او ښځینه محصلینو نمرې او تعلیمي سندونه تایید نه کړي. دغه پرېکړه د وزارت په رهبري شورا کې شوې.
د طالبانو د معیار او کیفیت ادارې د شنبې په ورځ خبر ورکړی، چې د اسلامکلا بندر له لارې یې ۷۰ ټنه بېکیفیته ودانیز توکي چې له کورنیو معیارونو سره یې سمون نه لورد، بېرته ایران ته ګرځولي دي.
بلوڅ یوالي کمیټۍ مشرې ماهرنګ بلوڅ د ملګرو ملتونو د شکنجې ضد کمېټې د تازه راپور هرکلی کړی او ویلي یې دي چې په پاکستان کې باید د بشري حقونو روانې سرغړونې سمدستي پای ته ورسېږي.
خیبرپښتونخوا کې د ناامنیو او وسلهوالو بریدونو په تازه پېښو کې شمالي وزیرستان او باجوړ سیمو کې د ۵وسله والو په ګډون ۸تنه وژل شوي او ۱۱ نور ټپیان دي.
د پاکستان د شخړو او امنیتي څېړنو انسټیټیوټ وایي چې د ۲۰۲۶ کال د اپرېل په میاشت کې په دغه هېواد کې امنیتي وضعیت ښه شوی او د وسلوالو بریدونو او تلفاتو شمېر د تېرې میاشتې په پرتله د پام وړ کم شوی دی.
د اوکراین ولسمشر ولادیمیر زیلنسکي وایي په تېره یوه اوونۍ کې مسکو پر اوکراین شاوخوا ۱۶۰۰ بریدیز ډرونونه، سلګونه هدایتشوې بمونه او توغندي کارولي دي.نوموړی زیاتوي چې دغه بریدونو کې ملکي وګړي وژل شوي او ټپیان دي.
په افغانستان کې د یونیسف استازی ډاکټر تاجالدین اویوال وایي چې په استانبول کې د افغانستان د مرستهکوونکو د همغږۍ ډلې په غونډه کې نړیوالو مرستهکوونکو او نړیوالو مالي بنسټونو د افغانانو د اساسي اړتیاوو د ملاتړ پروګرام ته خپله ژمنتیا بیا تایید کړې ده.
د پاکستان د بلوچستان ایالت په ګوادر ولسوالۍ کې یوه چینايي شرکت د خرو قصاب خانه تړلې او وایي چې د تګلارو خنډونه، اداري بېباوري او دوامدارې کاري ستونزې یې د فعالیت د درولو اصلي لاملونه دي.
د افغانستان د پارلمان پخوانۍ غړې فوزیه کوفي وایي چې طالبانو د هغې پر شخصي استوګنځایونو بریدونه کړي چې د چاپې پر مهال یې څو خپلوان او د بدخشان یو شمېر اوسېدونکي نیولي دي. نوموړې وایي، د نیول شویو کسانو د برخلیک په اړه هېڅ معلومات نه لري.
د ۲۰۰۱ کال د ډسمبر په ۳مه، د ننګرهار د څلورمې زغرهوالې لوا قوماندان معلم اول ګل ته امر وشو چې خپل ټانکونه تورې بوړې ته ننباسي او هلته پر میشتو جنګیالیو مرمۍ ووروي. دا د اول ګل لپاره تر ټولو سخته شیبه وه، چې د امریکا تر محاصرې لاندې خپل پخواني ملګري د ټانک په مرمیو وولي.
د طالبانو کرنې، اوبو لګولو او مالدارۍ وزارت خبر ورکړی چې د میدان وردګ ولایت د سیداباد ولسوالۍ په بېلابېلو سیمو کې ۱۳ شنې خونې مستحقو بزګرانو ته سپارل شوې دي.
د بښنې نړیوال سازمان له پاکستاني حکومت څخه غوښتي چې د بشري حقونو وکیلې ایمان مزاري او د هغې مېړه وکیل هادي علي چټهه سمدستي او بې له شرطه خوشې کړي او د هغوی پر ضد صادرې شوې سزاوې لغوه کړي.