په لوګر کې د طالبانو رسنیز دفتر خبر ورکړی، چې د دغه ولایت په حصارک سیمه کې د یوې کورنۍ د ۴ غړو د وژنې په تور دوه کسان نیول شوي دي. تېره دوشنبه په یاده سیمه کې د یوې ښځې او دوو ماشومانو په ګډون د یوې کورنۍ ۴ غړي وژل شوي وو.
د وال سټریټ ژورنال د راپور له مخې؛ امریکا هڅه کوي چې د سمندري تګراتګ له خنډونو وروسته د هرمز تنګي له لارې د کښتیو د تېرېدو ډاډ ترلاسه کولو لپاره یوه نوې نړۍواله ټلواله جوړه کړي. دغه نوښت په سیمه کې د زیاتېدونکي تاوتریخوالي او د نړۍوالې انرژۍ امنیت په اړه د اندېښنو په لړ کې راځي.
د پاکستان لومړي وزیر شهباز شریف د چهارشنبې په ورځ د فدرالي کابینې غونډې ته ویلي، چې د منځني ختیځ جګړې له کبله د سون توکو نړۍوالې بیې لوړې شوې او د دغه هېواد د تېلو اونیز لګښت له شاوخوا ۳۰۰ مېلیون ډالرو نږدې ۸۰۰ مېلیون ډالرو ته لوړ شوی دی.
د طالبانو یو امنیتي مسوول خپلو سرتېرو ته په دغه غږیز پيغام کې وایي، ولسوالۍ، قوماندانۍ او پوستو ته نامسووله کسان مه پرېږدئ چې کومه پېښه رامنځ ته نهشي. نوموړي ویلي، چې د کابل په میربچه کوټ ولسوالۍ کې یو کس په یوه پوسته کې طالبانو ته زهرجن خواړه ورکړي دي.
د فوټبال نړۍوال فدراسیون (فیفا) لهخوا نړۍوالو سیالیو ته د افغان ښځینهو فوټبال لوبډلې د بېرته ستنېدو وروستۍ پرېکړې سره هممهاله، ورزشي شخصیتونو او په دې برخه کې ګڼو فعالینو دغه اقدام د مقاومت او په نړۍواله کچه د افغان مېرمنو د غږونو منعکس کولو لپاره یو مهم ګام بللی دی.
د بلوچستان د کوټې ښار په بېلابېلو برخو کې بېګاه شپه له نامعلوم ځایه راکټونه توغول شوي. دغه راکټونه په ګوال منډۍ څلور لارې، میر احمد خان سړک، نجم الدین سړک، سرکي سړک، قمبراني سړک او شانتي نګر سیمو کې لوېدلي چې له امله یې درې کسان ټپیان شوي دي.
د امریکا مرکزي قوماندانۍ پر اېکس پاڼه د «جیرالډ ار.فورډ» الوتکه وړونکې بېړۍ انځورونو په خپرولو سره لیکلي، چې دغه بېړۍ په سره سمندر کې خپلو عملیاتو ته دوام ورکوي. د رسمي اعلان له مخې؛ دغه بېړۍ په سره سمندر کې د الوتنې ماموریتونه ترسره کوي.
د طالبانو ویاند ذبیحالله مجاهد د روسیې د دفاع وزیر هغه څرګندونې چې ګواکې افغانستان لا هم د ترهګرۍ سرچینه ده، رد کړې او په دې تړاو یې اندېښنې «بېځایه» وبللې. هغه یو ځل بیا ډاډ څرګند کړ، چې افغانستان د هېڅ بل هېواد لپاره ګواښ نهدی.
د طالبانو د اطلاعاتو او کلتور وزارت وايي، د هلمند د مرکز لښکرګاه اړوند فرهنګي پارک کې د کتابونو دوه ورځنی نندارتون پرانېستل شو. دغه نندارتون په داسې حال کې جوړ شوی، چې په دې ورستیو کلونو کې په هېواد کې د مطالعې کلتور پیکه شوی دی.
د طالبانو د اطلاعاتو او کلتور وزارت وايي، په بادغیس کې د دغې ډلې د ولایت مقام د اسلامي دورې اړوند ۸ تاریخي اثار د دغه ولایت د اطلاعاتو او کلتور ریاست ته وسپارل. دغه وزارت د یادو تاریخي اثارو د ترلاسه کېدو د څرنګوالي په تړاو څه نهدي ویلي.
د ایران اسلامي شورا مجلس رییس، محمد باقر قالیباف د امریکا پر سیاستونو نیوکه کړې او ویلي یې دي چې د نفتو د بیو وروستی لوړوالی د «محاصرې نظریې» او ناسمو سپارښتنو پایله ده.
د امريکا د ويرجينيا ايالت په يوې فدرالي محکمه کې منصفه پلاوي شريفالله چې د داعش ډلې غړی بلل کېږي، د کابل د هوايي ډګر د خونړي بريد په قضيه کې مجرم وپېژانده. هغه د شلو کلونو اعظمي بند له سزا سره مخ دی او تور پرې لګېدلی و چې په دغه بريد کې يې «لوژېستيکي مرسته» کړې ده.
د اتریش حکومت هڅه کوي، چې د افغان پناهغوښتونکو د ایستلو لپاره له ازبکستان سره د نوې هوکړې له لارې یو نوی لېږدیز میکانیزم جوړ کړي.
د ننګرهار په سرهرود ولسوالۍ کې یوه کس یو تعویذګر په خپله کورنۍ کې یې د شخړو د رامنځته کولو په تور وژلی دی. دغه کس ادعا لري، چې یاد تعویذګر د تعویذونو په وسیله دده په کورنۍ کې د دښمنۍ فضا حاکمه کړې وه. طالبانو دغه کس د قتل په تور نیولی دی.
د امریکا د جګړې وزیر، پيټ هېګسټ ویلي، چې د ایران د میناب په یوه ابتدایي ښوونځي د مرګونې برید په اړه څېړنې لا هم روانې دي.
د تخار پوهنتون یو شمېر زدهکړیالان چې د بېلابېلو ولايتونو اوسېدونکي دي، د چهارشنبې په ورځ وويل چې په تېرو شپږو مياشتو کې يې د «بدل اعاشې» پيسې نه دي ترلاسه کړې. دوی وايي، چې د دې پيسو د نه ورکړې له امله د کور کرايې او د خوړو د برابرولو په برخه کې له سختو ستونزو سره مخ دي.
د جمهوري نظام پر مهال د کندوز پخواني والي عبدالجبار نعیمي ویلي، چې د کونړ پر مرکز اسعداباد، مرورې او سرکاڼو ولسوالیو د پاکستان د توغندیزو بریدونو په تړاو باید ملګري ملتونه بې پرې څېړنې وکړي. هغه زیاته کړې چې دغو بریدونو کې ملکي وګړي په نښه شوي دي.
د نوبل سولې جایزې ګټونکې او د بشري حقونو فعالې، ملالې یوسفزۍ د سکالینډ له لومړي وزیر سره تر لیدنې وروسته له نړیوالې ټولنې غوښتي، چې د افغانستان له ښځو او نجونو سره لا زیات ملاتړ او یوالی وښيي او د «جنسیتي اپارتاید» د رسمیت پېژندلو لپاره عملي ګامونه واخلي.
د ترکیې په استانبول ښار کې د بشري حقونو او ازادیو بنسټ په نوښت د طالب پلوه څېرو او پاکستان حکومت ته د نږدې استازو غیر رسمي خبرې روانې دي. خو د دغې غونډې عمومي بنر کې د پاکستان له نقشې دوه برخې په بشپړ ډول او د بلوچستان یوه برخه لرې کړای شوې دي.
د امریکا ولسمشر، ډونالډ ټرمپ د متحده عربي اماراتو له لوري د اوپک او اوپکپلس څخه د وتلو پرېکړه ستایلې ده.
د سوېل ختیځې اسیا هېوادونو ټولنې او اروپايي ټولنې د افغانستان لپاره د ټولشموله حکومت پر جوړېدو ټینګار کړی او د بشري حقونو د وضعیت او روان کړکېچ په اړه یې اندېښنې څرګندې کړې دي.