هغه الوتکه چې د امریکا د کورني امنیت وزیر مارک وین مولن یې لېږداوه، د واشنګټن په رونالډ رېګن ملي هوايي ډګر کې د تخنیکي ستونزې او د یوه انجن د خرابېدو له امله بېړنۍ ناستې کړې ده. دغه الوتکه له جورجیا نه د واشنګټن په لور روانه وه.
د بلوچستان د نوشکي ولسوالۍ د احمدوال په خاران کراس سیمه کې پر یوه موټر د ډزو له امله یو افغان وژل شوی او درې کسان ټپیان دي. د سرچینو په وینا، مړی او ټپیان د نوشکي ولسوالۍ تدریسي روغتون ته لېږدول شوي دي.
د افغانستان د کیوکوشین کراټې ملي لوبډلې پخوانی غړی عبدالله عزیزي په هرات ولایت کې په یوې ترافیکي پېښه کې مړ شوی. د افغانستان د کراټې فدراسیون د دغه ۲۵ کلن لوبغاړي مړینه تایید کړې او د خواخوږۍ پیغام یې هم خپور کړی دی.
د ایران له ملاتړ برخمن د عراق «نجباء غورځنګ» ګواښ کړی چې که امریکايي ځواکونه له سپټمبر ۳۰مې وروسته هم په عراق کې پاتې شي، د دغه هېواد په خاوره کې به یې په نښه کړي.
امریکایي چارواکي وایي، د مینیسوټا ایالت د مینیاپولیس ښار په مرکزي برخه کې د یوه اپارتمان په ودانۍ کې د ډزو له امله لږ تر لږه یو کس وژل شوی او شپږ نور ټپیان شوي دي. پولیسو تر دې مهال د پېښې د څرنګوالي په تړاو څه نه دي ویلي.
والسټریټ ژورنال په یوه تحلیلي راپور کې لیکلي چې د امریکا د ولسمشر ډونالډ ټرمپ د ادارې د چارواکو لیدلوری د ایران د اسلامي جمهوریت د دوام په اړه یو ځل بیا د بدلون په حال کې دی او په واشنګټن کې د ایران د حکومت د احتمالي سقوط بحث بیا مطرح شوی دی.
په سعودي کې طالب سفیر د دغه هېواد د استخباراتو پخواني مشر شهزاده ترکي الفیصل سره په کتنه کې د دوه اړخیزو اړیکو پر پیاوړتیا ټينګار کړی. الفیصل هغه څوک دی چې د طالبانو د لومړۍ دورې د حاکمیت پر مهال د اسامه بن لادن د موضوع پر سر د یادې ډلې بنسټګر ملا محمد عمر ته ګواښونه هم کړي و.
د پاکستان پخوانی سفیر او د امریکا د جورج ټاون پوهنتون استاد توقیر حسین وايي، د افغانستان په اړه د اسلاماباد تګلارې بنسټیز بدلون ته اړتیا لري او د دې هېواد په اړه د پاکستان تر اوسه امنیتمحوره چلند برعکس پایلې لرلې دي.
د طالبانو د امنیتي او تصفیوي چارو مرکزي کمېسیون غونډه کې د افغانستان ټولیز امنیت د ډاډ وړ بلل شوی دی. دغه غونډه د طالبانو د دفاع وزیر په مشرۍ جوړه شوې وه. دا ډاډ په داسې حال کې دی، چې له بدخشان سربېره د هېواد په یو شمېر نورو سیمو کې د طالبانو د مخالفو جبهو بریدونه پراخ شوي دي.
د فلسطین د روغتیا وزارت او سیمه ییزو چارواکو اعلان وکړ چې د اشغال شوې لوېدیځې غاړې په یوه کلي کې د اسراییلي مېشتو وسله والو او پوځیانو په برید کې دوه فلسطیني تنکي ځوانان وژل شوي دي. دا پېښه په داسې حال کې شوې چې په دغه سیمه کې د یهودي مېشتو وګړو لخوا تاوتریخوالی زیات شوی دی.
په تېرو څو کلونو کې د طالبانو یو شمېر څېرو د خپل ماشومتوب د ژوند ځینې خاطرې بیان کړې دي. په دغو خاطرو کې بېوزلي، جګړه، کډوالي، نیمګړې زدهکړې او د ماشومتوب وړې هیلې بیا بیا راڅرګندېږي. بایسکل هم له همدې هیلو څخه یوه ده.
طالبانو د هېڅ ډول رسمي اعلان او دلیل له وړاندې کولو پرته په کابل کې د جمهوریت روغتون نوم پر «الشفاء روغتون» بدل کړی دی. طالبان له څه باندې یونیم کال راهیسې په خپلو رسمي اعلامیو کې جمهوریت روغتون ته «الشفاء روغتون» وايي. کابل ښاريان او شنونکي د طالبانو پر دې کړنې سختې نیوکې لري.
د طالبانو د لغمان امنیې قوماندانۍ وایي، د دغه ولایت په قرغیو ولسوالۍ کې د دوو جلا ترافیکي پېښو له امله دوه کسان، چې یوه یې ښځه ده، مړه شوي او نهه نور ټپیان دي.
د طالبانو مشر هبتالله اخوندزاده امر کړی چې محکمې دې د ټرافيکي پېښو دوسیې تر نورو دوسیو مخکې وڅېړي او د دوسیو د ثبت، څېړنې، پرېکړې او حکم د صادرولو بهیر چټک کړي. د طالبانو د چارو ادارې د چهارشنبې په ورځ د وږي ۱۱مه، د ټرافيکي پېښو په اړه د هبتالله اخوندزاده درېمخیز حکم خپور کړ.
د طالبانو د صنعت او سوداګرۍ وزیر نورالدین عزیزي کابل کې د روسیې فدراسیون د چلیابینسک ولایت د نړیوالو او بینالمنطقوي همکاریو له وزیر نیکیتا کورنیینکو سره په لیدنه کې د سوداګریزو او اقتصادي اړیکو پر پراختیا خبرې کړې دي.
د امریکا ولسمشر ډونالډ ټرمپ وایي، هېواد یې پر ایران د بل برید لپاره چمتووالی لري او زیاته یې کړه چې«د ایران پر وړاندې د امریکا بیا پیل شوی پوځي کمپاین به ډېر دوام ونه کړي».
د افغان-امریکایي بنسټ د معلوماتو له مخې، هغه افغانان چې تر ۲۰۲۱ کال وروسته امریکا ته تللي، هلته یې نوی ژوند پیل کړی او په کارونو بوخت دي. یاد بنسټ اټکل کوي چې دا افغان کډوال به په ۲۰۲۶ کال کې د امریکا حکومت ته له ۳۹۰ څخه تر ۶۸۰ میلیونه ډالرو پورې مالیه ورکړي.
په داسې حال کې چې افغانستان کې د مصنوعي نشهيي توکو تولید خورا ډېر شوی په هرات کې د طالبانو ولایتي رسنیز دفتر اعلان کړی، چې په تېرو پنځو کلونو کې په دغه ولایت کې د شاوخوا ۴۵ زره هغو کسانو درملنه شوې چې پر نشهيي توکو روږدي وو.
د بشري حقونو څار سازمان د افغانستان د برخې څېړونکې فرشته عباسي، افغانستان ته د افغانانو د شړلو په تړاو د جرمني او طالب چارواکو ترمنځ د تعامل په اړه اندېښنه څرګنده کړې او وایي چې افغانستان ته د خلکو د شړلو په برخه کې له طالب چارواکو سره د جرمني تعامل د خواشینۍ وړ دی.
په کابل کې د پاورلېفټینګ یا د درنو وزنونو د پورته کولو د ټاکنیزو سیالیو لسم پړاو، چې د هېواد له ۱۳ ولایتونو څخه ۱۴۰ ورزشکارانو پکې ګډون کړی و، له څلورو ورځنیو سیالیو وروسته پای ته ورسېد.
د امریکا ولسمشر ډونالډ ټرمپ اعلان وکړ چې د ایران پر اسلام جمهوریت د واشنګټن نوي پوځي عملیات به ډېر وخت دوام ونه کړي. نوموړي په سپینه ماڼۍ کې خبریالانو ته وویل چې امریکایي ځواکونو په هُرمز تنګي کې د ایران نوي دفاعي او هجومي تجهیزات په بشپړه توګه له منځه وړي دي.