په کابل کې د پاورلېفټینګ یا د درنو وزنونو د پورته کولو د ټاکنیزو سیالیو لسم پړاو، چې د هېواد له ۱۳ ولایتونو څخه ۱۴۰ ورزشکارانو پکې ګډون کړی و، له څلورو ورځنیو سیالیو وروسته پای ته ورسېد.
د امریکا ولسمشر ډونالډ ټرمپ اعلان وکړ چې د ایران پر اسلام جمهوریت د واشنګټن نوي پوځي عملیات به ډېر وخت دوام ونه کړي. نوموړي په سپینه ماڼۍ کې خبریالانو ته وویل چې امریکایي ځواکونو په هُرمز تنګي کې د ایران نوي دفاعي او هجومي تجهیزات په بشپړه توګه له منځه وړي دي.
د اسراییل لومړي وزیر بنیامین نتنیاهو ویلي چې په ایران کې د اسلامي جمهوریت نسکورول د اسراییل «اصلي او وروستۍ موخه» ده. دا د تهران د حکومت په اړه د یوه لوړپوړي اسراییلي چارواکي تر ټولو تند او څرګند دریځ بلل کېږي.
د جمهوري نظام پر مهال د پوهنې وزارت د سواد زدهکړې مرستیال سردار محمد رحیمي وایي، د طالبانو له خوا د خصوصي پوهنتونونو له نصاب څخه د حقوقو، سیاسي علومو او نړیوالو اړیکو د څانګو حذفول به هېواد له سخت فکري، کلتوري او سیاسي بحران سره مخ کړي.
په مسکو کې د طالبانو سفیر د ختیځ اقتصادي فورم د غونډې په څنډه کې د روسیې د ولسمشر د ځانګړي استازي او نورو چارواکو سره پر دوه اړخیزو اړیکو خبرې کړې. روسیه طالبان په رسمېت پېژني خو بیا هم د طالبانو تر واک لاندې افغانستان څخه د ترهګریزو ګواښونو په تړاو یې په ځلونو اندېښنې ښودلې دي.
د ایران ولسمشر مسعود پزشکیان وایي، د اسلاماباد په هوکړه کې ایران «اصلي ګټونکی» دی. هغه دا هوکړه د خپل هېواد د ملي امنیت په عالي شورا کې ترلاسه شوې «لویه او استثنايي لاستهراوړنه» بللې ده.
د کډوالو په چارو کې د ملګرو ملتونو عالي کمېشنري وايي، له درېیو کلونو په کمه موده کې شاوخوا شپږ میلیونه افغانان افغانستان ته ستانه شوي دي.
د کاپیسا لوبډلې د هېواد د اتو ولایتونو د ۱۲۰ ورزشکارانو ترمنځ د یونیفایټ رزمي سیالیو اتلولي وګټله. کابل دویم او پروان درېیم مقام خپل کړ. د یونيفایټ رزمي سیالۍ د هېواد د اتو ولایتونو د ۱۲۰ ورزشکارانو په ګډون په کاپیسا کې ترسره شوې.
د طالبانو د امر بالمعروف او نهي عن المنکر وزیر محمد خالد حنفي نورستان ولایت ته د خپل سفر په ترڅ کې ویلي، د اسلامي نظام په شتون کې د قوم، ژبې، سیمې او نورو تعصباتو او تبعیضونو لپاره هیڅ ځای نشته. نوموړي له ولسونو وغوښتل چې د ورورولۍ او یووالي فضا لا پیاوړې کړي.
د امریکا یوې استیناف محکمې حکم کړی چې فدرالي قاضي د پخواني امریکايي سرتېري بو برګډال د پوځي محکومیت د لغوه کولو واک نه درلود. برګډال په ۲۰۰۹ کال کې د پکتیکا د یحییخېلو ولسوالۍ د «مېستـلالک» پوځي پوسته له اجازې پرته پرېښې وه او وروسته د حقاني شبکې لهخوا ونیول شو.
د لوګر د یوه اوسېدونکي کورنۍ وايي، د دوی د کورنۍ یو غړی د کابل په پغمان ولسوالۍ کې د ناپېژاندو کسانو له خوا په چړو وهل شوی او وژل شوی دی. دوی له طالبانو څخه د عاملانو د نیولو غوښتنه کوي.
د طالبانو د ټرانسپورټ او هوايي چلند وزارت د هوا پېژندنې ادارې سبا پنجشنبه په پکتیا، خوست، لوګر، ننګرهار، لغمان، کونړ او نورستان ولایتونو کې د سختو بارانونو، تېزو بادونو، تالندې او برېښنا او سېلابونو د راوتلو اټکل کړی دی.
د طالبانو د لوړو زده کړو وزير ندا محمد نديم د کاپيسا په البيروني پوهنتون کې محصلانو ته د وینا پر مهال ویلي، چې یاده ډله سیاسي فعالیتونو ته اجازه نه ورکوي او محصلان دې له سیاسي فعالیتونو ډډه وکړي.
د پخواني جمهوري دولت د چارو ادارې د پخواني مشر فضل محمود فضلي په غړیتوب د «افغانستان اکثریت ګوند» په نوم یوه نوي سیاسي جریان خپل موجودیت اعلان کړ. ښاغلي فضلي افغانستان انټرنشنل ته وویل چې دغه ګوند د یو شمېر ځوانانو او ښځو په ګډون د سیاسي او مدني فعالانو په نوښت جوړ شوی دی.
د ایران د پارلمان رییس محمد باقر قالیباف ویلي، د هرمز تنګی هغه وخت پرانیزو چې امریکا خپلې ژمنې عملي کړي. نوموړی وایي، واشنګټن باید لومړی خپلې ژمنې عملي کړي، څو ایران د تنګي د پرانیستلو لپاره اقدام وکړي.
د امریکا متحده ایالاتو د طالبانو هغه وړاندیز رد کړ چې له مخې یې واشنګټن کولای شي د افغانستان د کانونو او سوداګرۍ په برخو کې پانګونه وکړي. د امریکا د بهرنیو چارو وزارت یوه ویاند ویلي چې واشنګټن د طالبانو په مشرۍ د افغانستان د مهمو معدني سرچینو د پراختیا په اړه هېڅ پلان نه لري.
د طالبانو د کانونو او پټرولیم وزارت وايي، د زلزلو د خطرونو په اړه د څېړنې او معلوماتو راټولولو لپاره یې د ناروې کمېټې په همکارۍ د زلزله پېژندنې مرکزي ډیټاسنټر فعال کړ. طالبان وايي، د دغه مرکز معلومات به په علمي څېړنو او د زلزلو د خطرونو په کمولو کې وکارول شي.
د ملګرو ملتونو د ښځو څانګه وايي، په افغانستان کې مېرمنو او نجونو ته د مرستو رسولو او د هغوی د ملاتړ لپاره ښځینه مرستندویانو رول خورا اړین دی. یادې ادارې ویلي چې پر ښځینه بشري کارکوونکي لګول شوي ټول محدودیتونه دې لرې کړل شي.
د ایران سرې میاشتې ریاست وايي، د زرنج د روغتیايي مرکز کې یې د خوارځواکۍ په ناروغۍ د اخته ماشومانو د درمنلې او تغذيي د ملاتړ لړۍ دوامداره ساتلې ده. یادې ادارې ویلي چې په خوارځواکۍ اخته ماشومانو ته دوامداره اړین خواړه ورکوي.
د «افغان سیکولرانو ملي جرګه» په نوم یوې فکري، سیاسي ډلې د افغانستان د راتلونکي نظام لپاره خپل ۲۰ مادیز مانیفیست خپور کړی چې پکې د دین او دولت د بېلتون، د قانون، تعلیم، اقتصاد، ښځو د حقونو، مذهبي ازادیو او بیان ازادۍ په اړه پراخې غوښتنې مطرح شوې دي.
د یوه هېواد خپلواکي د ګټلو له اعلان سره پای نهمومي، بلکې راپیلیږي. خپلواکي د یوه ملت لپاره هدف نه، بلکې داسې یو امکان دی، چې د هغه له برکته یو ولس د خپل انساني ژوند شرایط ښه کړای شي.