په افغانستان کې د ملګرو ملتونو د بشري چارو د همغږۍ دفتر (اوچا) ویلي چې د وروستیو ورښتونو او سېلابونو له امله په افغانستان کې بشري وضعیت لا پسې کړکیچن شوی. اوچا وایي، سره له دې چې مرستې ډیرې شوې خو د څو هممهاله ناورینونو او اکمالاتي ستونزو له امله بشري مرستې محدودې شوې.
افغانستان انټرنشنل - پښتو ته رسېدلي اسناد ښيي چې د کابل طبي پوهنتون د عامې روغتیا پوهنځي طالب رییس ضیاءالرحمان عمر د طبي شورا د فعالیت د جواز (ایګزیټ ازموینه) کې ناکام شوی دی. نوموړی د طالبانو د رییس الوزرا په حکم په غیرقانوني ډول تېر کال لومړی استاد او بیا رییس ګومارل شوی.
روسیې د چهارشنبې په سهار د اوکراین پر سویل د اودیسه ښار پر ځینو برخو ډرون بریدونه کړي، چې له امله يې لږترلږه دوه کسان ټپيان شوي او دارنګه استوګنیزې ودانۍ او د روغتون یوه برخه ویجاړه شوې ده.
سرچینو افغانستان انټرنشنل ته ویلي، چې د طالبانو امربالمعروف په کندهار ښار کې د ځینو خصوصي شرکتونو لهخوا پر لګول شویو لویو سکرینونو د سوداګریزو اعلاناتو پر خپرولو بندیز ولګاوه. د یو شرکت مسوولان وايي، د امربالمعروف بندیز لسګونه زره ډالره زیان ور اړولی.
د طالبانو مشر ملاهبت الله اخوندزاده د یادې ډلې د مالیې وزارت مسوولانو، ولایتي مستوفیانو او یوشمېر نورو طالب چارواکو ته په یوه سیمنار کې ویلي، چې په ګمرکونو کې دې د بېځایه لګښتونو او فساد مخنیوی وکړي او لګښتونه دې د شخصي ګټو پرځای پر خلکو او عامه ګډو ګټو ولګوي.
د اروپايي کمېسیون مشرې اورسولا فون در لاین په منځني ختیځ کې روان وضعیت ته په اشارې ویلي، اروپايي ټولنه غواړي چې په ایران او لبنان کې اوربند دوام وکړي. هغې ټینګار کړی، چې «اوربند له ډیپلوماټیکو لارو د سولې او ټیکاو د بېرته راګرځولو لپاره بېړنۍ اړتیا ده».
د برېتانیا د بهرنیو چارو مشترک المنافع او پراختیا ادارې یو پلاوی په هرات کې د طالبانو له والي سره د راستنېدونکو کډوالو د اړتیاوو او د یاد بهیر د مدیریت پر همکارۍ خبرې کړې. د طالبانو والي ویلي، چې د خلکو لویه برخه د اقلیمي بدلون د منفي اغېزو له کبله کډوالۍ ته اړ کېږي.
د ملګرو ملتونو د کډوالو عالي کمېشنرۍ د هغو هېوادونو نوملړ خپور کړی، چې د جګړو او کډوالۍ له کبله یې خلک زیانمن او بېځایه شوي دي. یاد سازمان له نړۍواله مرستندویه سازمانونو غوښتنه کړې، د هغو کورنیو ترڅنګ ودرېږي چې هر څه یې له لاسه ورکړي دي.
د پاکستان د پنجاب ایالت د فیصلاباد ولسوالۍ اړوند په لونډیانواله سیمه کې د غنمو راټولولو پر سر لفظي شخړه په تاوتریخوالي واوښته او د ډزو له امله د غنمو راټولولو یوې ډلې درې غړي ووژل شول.
د طالبانو عدلیې وزارت اعلان کړی، چې د کابل ښار د ۱۶مې ناحیې په الوخېلو کلي کې یې ۸۴۱.۲۵۴ جریبه ځمکه د دولتي ملکیت په توګه ثبت کړې ده. یاد وزارت زیاته کړې، چې دغه ځمکه به د غصب شویو ځمکو د استرداد کمېسیون ته وسپاري.
پاکستاني پولیسو د پښتون ژغورنې غورځنګ پر مخکښ غړي علي وزير «د وسلې لېږد او غلا» قضیه ثبت کړې ده. د علي وزیر وکیل امداد حیدر سولنګي په دې اړه ويلي، چې د سند ایالت په شکاپور ولسوالۍ کې پر نوموړي «د وسلې لېږد او غلا» تورونه ناسم دي او دغه قضیه د دولتي ادارو په غوښتنه ثبت شوې ده.
د طالبانو د ریاستالوزرا اقتصادي معاونیت خبر ورکړی، د واخان دهلېز د پروژې د لومړي فاز کار ۶۰ سلنه او د دویم فاز ودانیزې چارې ۷۴ سلنه بشپړې شوې دي. طالبانو ویلي، چې یاده پروژه به په روان کال کې بشپړه شي.
د بلوچستان ایالت نصیراباد ولسوالۍ کې د سختو ورښتونو او تندر پرېوتو دوو جلا، جلا پېښو کې لږترلږه څلور کسان مړه شوي او شاوخوا ۲۰۰ څاروي لهمنځه تللي دي. د معلوماتو له مخې؛ دغه پېښې د سېشنبې په ورځ د سختو ورښتونو او تندر پرېوتو له امله په بېلابېلو سیمو کې رامنځته شوې.
د افغانستان لپاره د برېتانیا ځانګړي استازي ریچارډ لینډسي د طالبانو د رییسالوزرا د دفتر مشر ملاعبدالواسع سره په لیدنه کې د طالبانو او اسلاماباد ترمنځ د تاوتریخوالي پای ته رسېدو غوښتنه کړې. ملاعبدالواسع هم پر کونړ د پاکستان وروستي بریدونه غندلي.
د اسراییل پوځ د سېشنبې په ورځ د لبنان په سوېلي برخه کې د خپل برید په اړه تازه معلومات خپاره کړل. یاد پوځ ویلي، چې ځواکونو یې د حزبالله درې جنګیالي وژلي او په ټوله سیمه کې یې د یادې ډلې زېربناوې بمبار کړې دي.
د طالبانو د امربالمعروف، نهې عن المنکر او شکایتونو اورېدو وزارت خبر ورکړی، چې د دوی محتسبانو په بلخ او دایکنډي کې درې «مسلکي کوډګر» نیولي دي. د یاد وزارت په خبرپاڼه کې راغلي، چې نیول شوي کوډګر به عدلي او قضایي ارګانونو ته ور پېژندل شي.
په سریلانکا کې د افغانستان پخوانی سفیر او د بېځایه شویو نړۍوال سازمان مشر محمداشرف حیدري ویلي، چې په افغانستان کې د جبري بېځایه کېدو ناورین یوازې د بشري مرستو له لارې نهشي حل کېدی؛ ځکه سیاسي، بنسټیز او سیمهییز لاملونه لري.
د پاکستان روغتیا وزیر مصطفی کمال د روانې اونۍ د سېشنبې په ورځ یوې خبري غونډې ته د وینا پرمهال ويلي، چې په پاکستان کې دامهال ۸۴زره کسان د ایډز په رنځ اخته دي. هغه زیاته کړه، چې په پاکستان کې د ایډز معاینې د مرکزونو شمېر ۹۸ ته لوړ شوی؛ دغه شمېر په ۲۰۲۰کال کې ۴۹ وو.
د فوټبال نړۍوال فدراسیون (فیفا) په خپلو مقرراتو کې داسې بدلون راوستی، چې رسمي نړۍوالو سیالیو ته د افغانستان د فوټبال ښځینهو لوبغاړو د ستنېدو لپاره لاره هواروي. د فیفا نوی اقدام به په جلاوطنۍ کې افغان ښځینه لوبغاړو ته اجازه ورکړي، چې د فیفا تر څار لاندې سیالیو کې برخه واخلي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، د سېشنبې په ورځ د هېواد له بېلابېلو لارو ۸۵۰ کډوالې کورنۍ چې ټولټال ۴زره او ۴۸۶ کسان کېږي؛ افغانستان ته ستنې شوې دي.
د پاکستان په بلوچستان ایالت کې د جلا، جلا پېښو له امله درې کسان وژل شوي او دوه نور ټپیان دي. په لومړۍ پېښه کې په کوټه کې د «سول لاینز» تاڼې د مشرې زرغونې منظور زوی او د هغه ساتونکو په یوه موټر ډزې کړې، چې له امله یې یو کس وژل شوی او د یوه اته کلن ماشوم په ګډون دوه نور ټپیان دي.