د «افغان سیکولرانو ملي جرګه» په نوم یوې فکري، سیاسي ډلې د افغانستان د راتلونکي نظام لپاره خپل ۲۰ مادیز مانیفیست خپور کړی چې پکې د دین او دولت د بېلتون، د قانون، تعلیم، اقتصاد، ښځو د حقونو، مذهبي ازادیو او بیان ازادۍ په اړه پراخې غوښتنې مطرح شوې دي.
د یوه هېواد خپلواکي د ګټلو له اعلان سره پای نهمومي، بلکې راپیلیږي. خپلواکي د یوه ملت لپاره هدف نه، بلکې داسې یو امکان دی، چې د هغه له برکته یو ولس د خپل انساني ژوند شرایط ښه کړای شي.
الیکزینډر مارک په نوم د یوه ایرلنډي وګړي مړی له څلورو ورځو لادرکۍ وروسته د خیبر پښتونخوا په مانسهره کې په یوې ژورې کندې کې وموندل شو. نوموړی څلور ورځې وړاندې په همدې سیمه کې له یوه غره څخه د کوزېدو پر مهال لادرکه شوی و.
د طالبانو ویاند ذبیح الله مجاهد ویلي ددغې ډلې دفاع وزارت په تېر یوه کال کې د بېلابېلو عملیاتو پر مهال ۸۰۴ قاچاقبران له ۲۳۲ موټرو، ۲۶ موټرسایکلونو سره نیولي دي. مجاهد زیاته کړې دفاع وزارت همداراز ۲۸۵۸ میله وسلې او نور پوځي تجهیزات یې کشف او ضبط کړي دي.
رویټرز اژانس راپور ورکړی چې د امریکا او ایران ترمنځ له تازه بریدونو وروسته، په نړۍوالو بازارونو کې یوځل بیا د تېلو بیې لوړې شوې دي. د تېلو دغه بیې د جولای له وروستیو راهیسې تر ټولو لوړې کچې ته رسېدلې دي.
ایراني رسنیو راپور ورکړی چې د روان کال له پیل راهیسې په دغه هېواد کې لږ تر لږه ۶۳ ښځې وژل شوې دي. د دغو شمېرو له مخې، په ایران کې په منځنۍ کچه په هرو څلورو ورځو کې یوه ښځه وژل شوې ده.
د ترکیې ولسمشر رجب طیب اردوغان د شانګهای همکارۍ سازمان د سرمشریزې په څنډه کې د روسیې له ولسمشر ولادیمیر پوتین سره وکتل. دا لیدنه د سېشنبې په ورځ، د سېپټمبر پر لومړۍ نېټه د قرغزستان په پلازمېنه بیشکک کې ترسره شوې ده.
د طالبانو د شهیدانو او معلولینو چارو وزارت ويلي، په روان مالي کال کې یې تر دې دمه د کونډو، یتیمانو او معلولینو سره اته میلیارده او ۴۷۱ میلیونه افغانۍ مرسته کړې ده.
په اندونیزیا کې د طالبانو سفیر سعدالله بلوچ د اندونیزیا د سوداګرۍ او صنایعو خونو د نړیوالو سوداګریزو او تړونونو دایمي کمېټې له رییس حمکا ست راجو باسا سره په لیدنه کې د دواړو هېوادونو ترمنځ د اقتصادي او سوداګریزو اړیکو پر پراختیا خبرې کړې دي.
د پاکستان د بهرنیو چارو وزارت ویاند طاهر اندرابي ویلي، د طالبانو د کورنیو چارو وزیر سراج الدین حقاني هغه وړاندیز چې باید اختلافي موضوعات د خبرونو له لارې حل کړي په پام کې نیولی. خو نوموړي ټینګار کړی چې د هرې تګلارې پایښت د ژمنو پر ځای په عملي ګامونو پورې تړلی دی.
د طالبانو ویاند ذبیح الله مجاهد د یوه خبرې کنفرانس پرمهال ویلي، چې د یادې ډلې کورنیو چارو وزارت د تېره یوه کال پرمهال په بېلابېلو عملیاتو کې ۱۳۳۲۶ شکمن کسان نیولي دي.
د طالبانو د ریاست الوزرا اقتصادي مرستیال ملا عبدالغني برادر وايي، کابل د استوګنیز ظرفیت په پرتله څو برابره ډېر نفوس لري، چې له امله یې د ښار نظم، د اوبو کمښت او عامه خدمتونو کې جدي ستونزې رامنځته کړې دي. نوموړي پر پانګوالو غږ وکړ چې د کور جوړونې په برخه کې پانګونه وکړي.
د طالبانو مشر هبت الله اخوندزاده په کندهار کې د مدرسو له علماوو او مدیرانو سره په یوه سیمینار کې ویلي، چې د ټولنې اصلاح د علماوو دنده ده. نوموړي ویلي:«د انبیاوو او صحابهوو پر ځای نن ورځ علما مقرر دي».
د طالبانو د سرحدونو، قومونو او قبایلو چارو وزیر نورالله نوري د مخالفو جبهو وروستیو فعالیتونو ته په اشاره ویلي، چې له مخالفینو هېڅ ډول تشویش نه لرو. د نوموړي په خبره په افغانستان کې د مخالفت لپاره هېڅ زمینه نه ده برابره.
کاناډایي رسنۍ سيبيسي په کندهار کې د «مدوسا» عملیاتو د پیل ۲۰مې کلیزې په مناسبت د یوه راپور په خپرولو لیکلي، هغه جګړه چې د کوریا له جګړې وروسته د کاناډا د پوځ په تاریخ کې تر ټولو لویه جګړه بلل کېږي؛ پهکې تر زرو ډېرو کاناډایي سرتېرو له افغان ځواکونو سره یوځای ګډون کړی و.
اروپايي ټولنې په افغانستان کې د خوړو د روان ناورين او اقلیمي ستونزو د اغېزو کمولو لپاره د ملګرو ملتونو د خوړو له نړۍوال پروګرام سره د ۱۷.۴ مېلیون ډالرو په ارزښت نوې مرسته اعلان کړې ده.
د امریکا ولسمشر ډونالډ ټرمپ په «ټروت» خواله رسنۍ لیکلي: «د هغه څه پر خلاف چې اېبيسي د (جعلي خبرونو) په نوم شبکې راپور ورکړی، زه د خبرو مېز ته د ایران د بېرته راګرځولو هڅه نهکوم».
په پاکستان کې د طالبانو سفارت رسمي اېکس پاڼه له پرون راهیسې دوه ځلې له لاسرسي ووته. د پاکستان د ملي دفاع پوهنتون کې د طالبانو د سفیر سردار احمد شکېب د ویډیويي کلېپونو تر خپرېدو څو ساعته وروسته په اسلاماباد کې د طالبانو د سفارت اېکس پاڼه وتړل شوه.
د طالبانو ویاند ذبیحالله مجاهد وايي، چې په تېر لمریز کال کې یې له ښارونو څخه ۳۱زره او ۴۹۸ سوالګر راټول کړي دي. نوموړي دغه څرګندونې د چهارشنبې په ورځ (د وږي ۱۱مه) د طالبانو د حکومت د لاسته راوړنو په اړه په یوې خبري ناسته کې کړې دي.
د ملګرو ملتونو ښوونیزې، علمي او کلتوري ادارې (یونسکو) ویلي، په افغانستان کې تر دوه مېلیونو ډېرې نجونې لاهم له منځنیو زدهکړو بېبرخې دي.
په خیبر پښتونخوا کې د ماشومانو پر وړاندې د جنسي تېري او تاوتریخوالي پېښې په بېساري ډول زیاتې شوې دي. د رسمي شمېرو له مخې، د روان کال په لومړیو اوو میاشتو کې په دغه ایالت کې لږترلږه ۳۷۰ داسې پېښې ثبت شوې، چې پهکې ۱۰ ماشومان تر تېري وروسته وژل شوي دي.