د پاکستان روغتیا وزیر مصطفی کمال د روانې اونۍ د سېشنبې په ورځ یوې خبري غونډې ته د وینا پرمهال ويلي، چې په پاکستان کې دامهال ۸۴زره کسان د ایډز په رنځ اخته دي. هغه زیاته کړه، چې په پاکستان کې د ایډز معاینې د مرکزونو شمېر ۹۸ ته لوړ شوی؛ دغه شمېر په ۲۰۲۰کال کې ۴۹ وو.
د فوټبال نړۍوال فدراسیون (فیفا) په خپلو مقرراتو کې داسې بدلون راوستی، چې رسمي نړۍوالو سیالیو ته د افغانستان د فوټبال ښځینهو لوبغاړو د ستنېدو لپاره لاره هواروي. د فیفا نوی اقدام به په جلاوطنۍ کې افغان ښځینه لوبغاړو ته اجازه ورکړي، چې د فیفا تر څار لاندې سیالیو کې برخه واخلي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، د سېشنبې په ورځ د هېواد له بېلابېلو لارو ۸۵۰ کډوالې کورنۍ چې ټولټال ۴زره او ۴۸۶ کسان کېږي؛ افغانستان ته ستنې شوې دي.
د پاکستان په بلوچستان ایالت کې د جلا، جلا پېښو له امله درې کسان وژل شوي او دوه نور ټپیان دي. په لومړۍ پېښه کې په کوټه کې د «سول لاینز» تاڼې د مشرې زرغونې منظور زوی او د هغه ساتونکو په یوه موټر ډزې کړې، چې له امله یې یو کس وژل شوی او د یوه اته کلن ماشوم په ګډون دوه نور ټپیان دي.
د طالبانو د ټولګټو چارو وزارت خبر ورکړی، چې په غور او سمنګان کې ځينې نښلېدونکې لارې د وروستیو ورښتونو او سېلابونو له امله د تګراتګ لپاره تړل شوې دي. یاد وزارت وایي، د دغه لارو د خلاصون لپاره یې هڅې روانې دي.
ټاکل شوې ده، چې د افغانستان د پاورلفټېنګ ملي لوبډله د «World Cup Series Belarus 2026» په نړۍوالو سیالیو کې برخه واخلي. دغه سیالۍ به د ۲۰۲۶کال د مئ له ۶مې تر ۱۰مې پورې د بېلاروس په پلازمېنې مېنسک ښار کې د «چیزهوفکا ارنا» په ورزشي کمپلېکس کې ترسره شي.
د برېتانیا دفاع وزارت ویلي، هغه زرګونه افغانان چې مخکې په دې هېواد د پناه ورکړې لپاره منل شوي وو، اوس باید پهخپله د طالبانو تر واک لاندې له افغانستان څخه د وتلو لارې پیدا کړي. د برېتانیا حکومت دا پرېکړه له پراخو نیوکو سره هم مخ شوې ده.
د کندهار لپاره د طالبانو د رسنیو دفتر وايي، په لومړي ځل له دغه ولایت څخه متحده عربي امارات ته د ۲۰ ټُنه الوچو صادرات پیل شول. د یاد دفتر په خبرپاڼه کې راغلي، تر اوسه ۲ ټُنه الوچې صادرې شوي او دغه بهیر همداراز دوام لري.
د خيبرپښتونخوا اعلی وزير سهیل اپريدي په مشرۍ د قبايلي ولسواليو حکومتي او اپوزيسيون پارلماني غړو ګډې جرګې په دې صوبه کې د ډرون بریدونو په کلکه مخالفت وکړ.
د نړۍ لوی میلیاردر، د ټېسلا او سپېساېکس بنسټاېښودونکي اېلان ماسک د اوپناېای د راتلونکې په اړه په یوې حساسې محکمه کې وویل، چې د دې شرکت د جوړېدو مفکوره د هغه وه، خو وروسته د شرکت مدیرانو یې لوری بدل کړی دی.
د طالبانو د لوړو زدهکړو وزیر ندا محمد ندیم په کونړ کې د یوې دیني جامعې اړوند غونډه کې پر کونړ د پاکستان وروستي بریدونه غندلي او ویلي یې دي، چې دغه ډول بریدونه د افغانانو روحیه نهشي خرابولی. پر کونړ د پاکستان په پروني بریدونو کې ۷ کسان وژل شوي او ۷۵ نور ټپیان شوي دي.
د عوامي نشنل ګوند د ايالتي پارلمان غړی نثارباز خان وايي، د پاکستان او افغانستان ترمنځ په نا اعلان شوې جګړه کې د ډېورند دواړو خواوو ته عام ولس په نښه کېږي. هغه خبرداری ورکړ، چې نور باید عام ولس د «نامعلومې جګړې» بیه پرې نهکړي او واضح تګلاره رامنځته شي.
طالبانو په وردګ پوهنتون کې د املاء، انشاء او لیک نښو تر سرلیک لاندې څلور ورځنی علمي سیمینار پیل کړی دی. د یاد پوهنتون په خبرپاڼه کې راغلي، چې دا پروګرام د طالبانو د لوړو زدهکړو وزارت د لارښوونې پر بنسټ جوړ شوی دی.
د مقاومت جبهې مشر احمد مسعود د غویي اتمې د نمانځنې په انلاین مراسمو کې ویلي، چې ښايي د طالبانو اکثریت غړي پښتانه وي، خو پر افغانستان دغه حاکمه ډله د پښتنو استازي نهدي. هغه زیاته کړې، چې پښتانه سیاستوال باید د طالبانو پر خلاف عامه پوهاوی وکړي.
سياېناېن د باخبره سرچينو له قوله راپور ورکړی، چې پاکستاني چارواکي تمه لري، چې په راتلونکو څو ورځو کې په منځني ختیځ کې د جګړې د پای ته رسولو لپاره له ايران څخه يو اصلاح شوی وړانديز ترلاسه کړي.
د طالبانو د کانونو او پټرولیم وزارت د کندهار د نېش ولسوالۍ د فلورایټ کان د شاوخوا ۱۴۵ میلیونه افغانیو په پانګونې سره یوه داخلي شرکت ته په قرارداد ورکړ. د دې قرارداد ۳۵ سلنه عواید طالبان اخلي.
د پاکستان له خوا د افغانستان پر خاوره د توغندیزو بريدونو له دوام سره سم د بشري حقونو څار بنسټ يو ځل بیا ټینګار کړی، چې اسلاماباد او طالبان باید د ملکي وګړو خوندیتوب ته پام وکړي. همدا تېره ورځ هم پاکستان پر کونړ توغندیز بریدونه کړي او ملکي وګړو ته یې مرګ ژوبله اړولې ده.
په ایران کې د طالبانو سفارت وايي، دیاد سفارت سرپرست سفیر فضلمحمد حقاني، د ایران د بهرنیو چارو وزارت د تشریفاتو له رییس علياکبر نظري سره لیدلي دي. دواړو لورو د افغانستان او ایران ترمنځ د دوهاړخیزو اړیکو پر پراختیا خبرې کړې دي.
د بشري حقونو د څار سازمان د ښځو حقونو مرستيالې هېدر بار په خپل نوي راپور کې خبرداری ورکړی، چې نړۍ په معاصره دوره کې د ښځو د حقونو له تر ټولو پراخو سرغړونو سره مخ ده. هغې زیاته کړې، چې د طالبانو له لوري د نجونو پر زدهکړو بندیز به دغه هېواد د ښځینه متخصصینو له جدي کمښت سره مخ کړي.
د افغانستان په چارو کې د ازبکستان د ولسمشر ځانګړي استازي، عصمت الله ارګاشف د بېلاروس له سفیر الکساندر اوګورودنیکوف سره د افغانستان په اړه د همکاریو پر راتلونکو امکاناتو خبرې اترې کړې دي.
په امریکا کې د یوې تازه نظر پوښتنې له مخې، د ولسمشر ډونالډ ټرمپ د تایید کچه د هغه د اوسنۍ دورې تر ټولو ټیټې کچې ته راټیټه شوې ده، ځکه چې د ژوند د لګښتونو لوړوالی او له ایران سره جګړې د امریکایانو اندېښنې زیاتې کړې دي.