د افغانستان په چارو کې د ازبکستان د ولسمشر ځانګړي استازي، عصمت الله ارګاشف د بېلاروس له سفیر الکساندر اوګورودنیکوف سره د افغانستان په اړه د همکاریو پر راتلونکو امکاناتو خبرې اترې کړې دي.
په امریکا کې د یوې تازه نظر پوښتنې له مخې، د ولسمشر ډونالډ ټرمپ د تایید کچه د هغه د اوسنۍ دورې تر ټولو ټیټې کچې ته راټیټه شوې ده، ځکه چې د ژوند د لګښتونو لوړوالی او له ایران سره جګړې د امریکایانو اندېښنې زیاتې کړې دي.
د اسټرالیا د لووي انسټیټیوټ تازه راپور ښيي، چې افغانستان په داسې بڼه خپله معدني شتمني له لاسه ورکوي چې نه یوازې د دې سرچینو اصلي ارزښت ساتل کېږي نه، بلکې د هېواد اقتصادي راتلونکی هم له جدي ګواښ سره مخ دی.
افغانستان لپاره د بریتانیا سفارت ویلي، اندېښمنوونکې نوې شمېرې ښيي چې د طالبانو تګلارې د افغانستان لپاره اوږدمهاله زیانونه لري. بل خوا یونیسف ویلي، که پر نجونو او ښځو محدودیتونه دوام وکړي، افغانستان به تر ۲۰۳۰ پورې د شاوخوا ۲۵ زره ښوونکو او روغتیايي کارکوونکو له کمښت سره مخ شي.
د ملګرو ملتونو د ماشومانو ملاتړ صندوق (یونېسف) وايي، چې د طالبانو له لوري د ښځو او نجونو پر زدهکړو او کار لګېدلی بندیز د افغانستان اقتصاد ته هر کال شاوخوا ۵،۳ میلیارد افغانۍ، چې نږدې ۸۴میلیونه امریکايي ډالرو ته رسېږي، زیان اړوي.
بریټانیا په لندن کې د ایران سفیر د سفارت پر ټولنیزو رسنیو د هغو څرګندونو له امله احضار کړی، چې لندن «ناسمې او تاوتریخوالي هڅوونکې» بللې دي.
د طالبانو د بهرنیو چارو وزارت ویلي، چې د دغه وزارت وزیر امیرخان متقي د افغانستان لپاره د بریتانیا له ځانګړي استازي سره په لیدنه کې د افغانستان او پاکستان ترمنځ د وروستي وضعیت، په دوحه کې د څو اړخیزو ناستو، د سیمې د حالاتو او یو شمېر نورو موضوعاتو په اړه خبرې کړې دي.
د طالبانو د کورنیو چارو وزارت وايي، چې ددغه وزارت وزیر سراجالدین حقاني د روسیې د ولسمشر له ځانګړي استازي ضمیر کابلوف سره په لیدنه کې د افغانستان او روسیې ترمنځ د همکاریو پر پیاوړتیا او دوه اړخيزو امنیتي، اقتصادي او سیاسي موضوعاتو خبرې کړې دي.
د بلوچستان ایالت د چمن ولسوالۍ اړوند د حاجي نورعلي سرپل کلي ټهیکدار سیمې اوسېدونکي وايي، د طالبانو او پاکستاني ځواکونو ترمنځ د وروستیو نښتو پر مهال د طالبانو د هاوان یوه مرمۍ د یوه ملکي وګړي پر کور لګېدلې، چې له امله یې یو کس وژل شوی او بل ټپي شوی دی.
د خیبرپښتونخوا د خیبر ولسوالۍ د لنډي کوتل په مرکزي بازار کې ځايي پولیسو د افغان کډوالو او سوداګرو پر ضد پراخ اقدامات پیل کړی، چې په ترڅ کې یې تر دې دمه له ۲۰ څخه زیات دوکانونه بند کړي دي.
د کونړ ځايي اوسېدونکو افغانستان انټرنشنل ته وویل، چې پاکستاني ځواکونو د کونړ په خاص کونړ ولسوالۍ کې د طالبانو پر نظامي مرکز برید کړی او برید لا هم روان دی. د سیمې اوسېدونکي وايي، د پاکستاني ځواکونو له برید وروسته طالبان له مرکزه وتلي دي. طالبانو تراوسه په دې اړه څه نه دي ویلي.
د غور ولایت یو شمېر اوسېدونکو افغانستان انټرنیشنل ته ویلي، چې د دوشنبې په ورځ (د غويي اوومه) مازدیګر د یاد ولایت الفاروق ولسوالۍ کې د سختو سېلابونو د بهیدو له امله دوی ته درانه زیانونه اوښتي او بیړنیو مرستو ته اړتیا لري.
یوه متقاعد کارکوونکي افغانستان انټرنشنل ته ویلي، چې له څو کلونو تېرېدو سره سره لا هم نه دی توانېدلی خپل د تقاعد معاش واخلي. هغه په خپل پیغام کې ویلي، چې «د تقاعد ریاست ځینو هغو کسانو ته معاشونه ورکوي چې مستحق نه دي».
د طالبانو د کانونو او پټرولیم وزارت وايي، چې د امو سیند نفتي حوزې اړوند د زمردسای سیمې له پنځو څاګانو څخه د نفتو استخراج پیل شوی. د طالبانو په وینا، د زمردسای سیمې له ۱۲ څاګانو څخه له پنځو هغو په ازمویښتي ډول استخراج پیل شوی چې په ورځني ډول ٥٠٠ ټنه نفت اېستل کېږي.
د عوامي نشنل ګوند مشر اېمل ولي خان له پاکستان او طالبانو دواړو غوښتي چې سولې ته لومړیتوب ورکړي او د جګړې د دوام پر ځای د خلکو د ستونزو د حل لپاره عملي ګامونه واخلي. هغه زیاته کړې چې د جګړې اصلي زیان د ډیورنډ په دواړو غاړو کې مېشتو پښتنو ته رسېږي.
متحده عربي اماراتو اعلان کړی چې له اوپیک او اوپیک پلس څخه وځي، چې دا د انرژۍ نړیوال کړکېچ په ورځو کې د تیلو د صادروونکو ډلو لپاره لوی ګوزار بلل شوی. دغه اعلان د ټرمپ لپاره یو بری بلل کیږي، چې مخکې یې پر اوپیک نیوکې کړې وې او ویلي یې وو چې یاد سازمان د تیلو بیې لوړوي.
په داسې حال کې چې د افغانستان لپاره د روسیې ځانګړی استازی ضمیر کابلوف کابل ته په سفر تللی، د افغانستان لپاره د پاکستان ځانګړي استازي محمد صادق په اسلاماباد کې د روسیې له سفیر البرټ خوریف سره لیدلي. مسکو له دې وړاندې د طالبانو او پاکستان ترمنځ منځګړتوب ته تیاری ښودلی و.
په دوحه کې د طالبانو سفارت ویلي چې د سهیل شاهین او په قطر کې د کویټ د سفیر ترمنځ د دوهاړخیزو دیپلوماتیکو اړیکو د پیاوړتیا، د روغتیايي سکټور د ودې، د پانګونې د فرصتونو او د بشري همکاریو د پراختیا پر موضوعاتو خبرې شوې دي.
په عراق کې مېشتو یو شمېر افغان ځوانانو افغانستان انټرنشنل ته خپل پیغامونه استولي او وايي، په دې وروستیو کې ګڼ شمېر افغانان د کار موندنې په موخه دغه هېواد ته تللي، خو ډېری یې د قانوني اسنادو د نشتوالي له امله په زندانونو کې په بد وضعیت کې شپې سبا کوي.
د طالبانو د اطلاعاتو او کلتور وزارت چارواکي وايي، چې د بغلان ولایت په «جلوگیر» سیمه کې یې یوه لرغونې کلا موندلې ده چې ددوی په وینا، شاوخوا دوه زره کاله تاریخي لرغونتوب لري.
د طالبانو د بهرنیو چارو وزیر مولوي امیر خان متقي د روسیې د ولسمشر له ځانګړي استازي ضمیر کابلوف سره کتلي. د طالبانو د بهرنیو چارو وزارت په وینا، کابلوف په دې لیدنه کې ویلي چې مسکو له کابل سره د اقتصادي همکاریو عملي بڼې ته چمتو دی.