د پاکستان په کراچۍ کې د نشهيي توکو پر وړاندې د مبارزې پولیسو او د فدرالي استخباراتو ادارې په ګډو عملیاتو کې د نشهيي توکو د قاچاق شبکې د افغانالاصله ډاکټر او یوه پولیس سرتېري په ګډون اته غړي نیول شوي دي.
د خیبر پښتونخوا حکومت وایي، د تورخم ـ پېښور پر لویه لار د بند پاتې افغان کډوالو او نورو اړمنو کسانو لپاره یې د لنډي کوتل په مرکزي روغتون کې لنډمهاله ۲۰ بستریز استوګنیز مرکز جوړ کړی دی.
په افغانستان کې د امریکايي ځواکونو پخواني قوماندان او د سيایاې پخواني مشر ډېوېډ پټریوس ویلي، امریکا او متحدان یې اړ نه وو چې په ۲۰۲۱ کال کې له افغانستان څخه ووځي. هغه وویل، دې پرېکړې د افغانستان امنیتي ځواکونه کمزوري کړل او د دغه هېواد د پوځ د نړېدو بهیر یې چټک کړ.
د ایران اسلامي جمهوریت پوځ ادعا کړې چې په بحرین کې یې د امریکا د شیخ عیسی په پوځي اډه کې د رادار تاسیسات او د امریکايي ځواکونو د راټولېدو مرکزونه د بېپیلوټه الوتکو په پراخو بریدونو په نښه کړي دي.
د خېبر پښتونخوا اعلی وزیر سهیل اپریدی وایي، دغه ایالت د برېښنا، تېلو او اوبلنو ګازو په ګډون د طبیعي سرچینو له لارې د پاکستان د انرژۍ په اړتیاوو کې مهم رول لري. هغه زیاته کړې چې د خپلو سرچینو له تولید سره د ایالت خلکو ته د هغوی حق نه ورکول نور د منلو وړ نه دي.
د ایران د زرغون ګوند عمومي منشي حسین کنعانيمقدم وايي چې د طالبانو تګلارې د شانګهای د همکارۍ سازمان د غړو هېوادونو له لوري د منلو وړ نه دي او د افغانستان د اوسني وضعیت دوام کولی شي په سیمه کې ناامني نوره هم زیاته او د کډوالۍ څپه پراخه کړي.
د امریکا د هډسن څېړنیز بنسټ مشر څېړونکی لوک کافي په یوه مقاله کې ویلي چې نړیواله ټولنه باید له طالبانو سره د اړیکو تر څنګ، د دې ډلې له مخالفو ډلو، په ځانګړي ډول د مقاومت او ازادۍ جبهو سره هم اړیکې ولري.
د کوز سویلي وزیرستان د اعظم ورسک په سیمه کې پر ملکي وګړو د ډرون څرخکې برید له امله یو ۶ کلن ماشوم وژل شوی او د هغه د ۹ کلنې خور په ګډون دوه نور ماشومان سخت ټپیان شوي دي.
د جرمني حکومت د سېشنبې په ورځ اعلان وکړ چې د پولیسو څېړنې او استخباراتي موندنې ښيي چې روسیه د لایپزیګ پر هوايي ډګر د بېپیلوټه الوتکې د برید مسووله ده. د جرمني د کورنیو چارو وزیر وویل، د شته شواهدو له مخې، د دې برید عاملانو د روسیې د دولتي ادارو په استازیتوب فعالیت کاوه.
په افغانستان کې د ملګرو ملتونو د مرستندویه پلاوي (یوناما) دفتر وايي، د دغه هېواد د څو لسیزو وسلهوالو جګړو قربانیان لا هم له ژورو جسمي، رواني، ټولنیزو او اقتصادي اغېزو سره مخ دي او ډېری یې عدالت او کافي ملاتړ ته لاسرسی نه لري.
سرچینو افغانستان انټرنشنل – پښتو ته ویلي، د سهشنبې په ورځ د وږي ۱۰مه نېټه د هلمند په دېشو ولسوالۍ کې طالبانو یو موټر چلوونکی په ډزو وژلی دی. سرچینه وایي، د حجت الله په نوم دغه کس په ورځ مزدورۍ پردی موټر چلاوه او موټر کې یې پاکستاني درمل لېږدول.
د روسیې ولسمشر ولادیمیر پوتین وايي، مسکو د افغانستان د وضعیت په اړه د تاجکستان له اندېښنو خبر دی او دواړه هېوادونه د افغانستان اړوند امنیتي مسایلو په اړه نږدې اړیکې لري.
د برېټانیا پخوانی د بهرنیو چارو وزیر او د ژغورنې نړیوالې کمېټې مشر ډېوېډ میلیبنډ وايي، په افغانستان کې د اقتصادي وضعیت خرابېدو، د نړیوالو مرستو د پام وړ کمېدو، د طالبانو د محدودیتونو او د اقلیمي کړکېچ له امله خلکو ته د بشري مرستو رسول لا ستونزمن شوي دي.
د بلوچستان په بېلابېلو سیمو کې د پاکستان امنیتي ځواکونو او وسله والو ترمنځ په نښتو کې ۲۱ وسلهوال او د دوو پوځي افسرانو او د ګمرک ادارې د یوه کارکوونکي په ګډون شپږ امنیتي او دولتي کسان وژل شوي دي.
د ملګرو ملتونو امنیت شورا به د سپټمبر په میاشت کې د افغانستان په اړه خپله درېمیاشتنۍ غونډه جوړه کړي. تمه ده چې د ملګرو ملتونو د سرمنشي نوې استازې او د یوناما مشرې رباب فاطمه به په دې غونډه کې د افغانستان د وضعیت په اړه راپور وړاندې کړي.
د پاکستان د ملي دفاع پوهنتون کې د طالبانو سفیر د ویډیوي کلېپونو تر خپرېدو څو ساعته وروسته په اسلاماباد کې د طالبانو د سفارت اېکس پاڼه تړل شوې ده. د افغانستان انټرنشنل – خبریالانو څو څو ځله د یاد سفارت اېکس پاڼه پلټلې، خو له تېرو دوو ساعتونو راهیسې په بشپړه توګه تړل شوې ده.
د طالبانو د المپیک، بدني روزنې او سپورټ ریاست اعلان کړی دی چې په کابل کې د ۱۷۰ تنو ورزشکارانو ترمنځ د رزمي لوبو د پارټ فایټ سبک دوستانه سیالۍ پیل شوې دي. دغې ادارې په یوه خبرپاڼه کې ویلي چې په یادو سیالیو کې د کابل ښار د ۲۰ بېلابېلو ورزشي کلبونو لوبغاړي برخه لري.
یو ۲۶ کلن افغان، چې په اتریش کې د درنو مالي جرمونو او له نشهيي موادو سره د تړلو جرمونو له امله محکوم شوی و، له دغه هېواده کابل ته شړل شوی دی.
د امریکا ولسمشر ډونالډ ټرمپ ګواښ کړې، که ایران د امریکا د بریدونو په غبرګون کې څو ځله ځوابي بریدونه وکړي، ښايي دغه هېواد «په بشپړه توګه د یوه هېواد په توګه له منځه ولاړ شي».
د پاکستان لومړي وزیر شهباز شریف د سېشنبې په ورځ د قرغزستان په پلازمېنه بشکېک کې د شانګهای د همکارۍ سازمان په غونډه کې وویل، تر هغو چې ترهګرې ډلې د افغانستان له خاورې څخه پر پاکستان او نورو ګاونډیو هېوادونو د بریدونو لپاره کار اخلي، په سیمه کې د تلپاتې سولې ټینګښت ناشونی دی.
د افغانستان د خبریالانو مرکز وایي، شکیب نظري چې د جاپان د «اېنټيوي» ټلوېزیون ځایي خبریال و، د طالبانو د بګرام په زندان او د استخباراتو په توقیفځایه کې تر شاوخوا یو کال او یوې میاشتې بند تېرولو وروسته خوشې شوی دی.