د طالبانو او تاجکستان د بهرنیو چارو وزیرانو له افغانستان څخه د وسله والو په برید کې د تاجکستان سرحدي ساتونکو له وژل کېدو وروسته د تلیفون له لارې خبرې وکړې. امیر خان متقي وویل چې ځینې "بدنامې کړۍ" هڅه کوي چې تاجکستان سره د طالبانو اړیکې خرابې کړي.
ملګري ملتونه د یو راپور په خپرولو سره ویلي چې په روان کال کې د چاپېریالي اغېزو او د شنو خونو ګازونوپه کچه کې د پام وړ کموالی راغلی دی.
په متحده ایالاتو کې د سخت طوفان له امله تر زرو ډېرې الوتنې لغوه او ګڼ شمېر نورې ځنډېدلې دي. د «فلایټ اوایر» د معلوماتو له مخې، د جمعې تر مازیګر پورې ۱٬۸۰۲ الوتنې لغوه او له ۲۲ زرو ډېرې ځنډېدلې دي.
طالبان وایي چې د افغانستان د اوبو د مدیریت لپاره یې یو پنځه کلن پلان په پام کې نیولی، چې له مخې به یې د لویو بندونو، سربندونو او کانالونو د جوړولو چارې ترسره شي.
د طالبانو کورنیو چارو وزارت وايي، د نشهیي توکو پر وړاندې د مبارزې ځواکونو د کابل ښار په سوېلي دروازه کې له دوه زره ډېر نشهیي ټابلیټونه کشف او ضبط کړي او په تړاو یې یو کس نیولی دی.
د طالبانو د بهرنیو چارو وزارت د سوریې د حمص ښار پر یوه جومات د پروني خونړي برید سخته غندنه کړې او ویلي یې دي، چې دا ډول بریدونه د اسلامي اصولو، بشري ارزښتونو او نړیوالو اصولو خلاف عمل دی.
د «اکثریت» په نوم سیاسي ـ فکري بهیر د جدي ۶مې په تړاو وایي، هغه شاتګپاله او افراطي ډلې چې دا مهال افغانستان ورسره مخ دی، د بهرنیو استخباراتي نصابونو او مدرسو مستقیم محصول دي؛ داسې تګلارې چې د لوېدیځ، پاکستان او سعودي عربستان په ملاتړ پلې شوې او هېواد د بنسټونو د ړنګېدو لامل شوې.
د جمهوري نظام پر مهال د اطلاعاتو او کلتور پخوانی وزیر کریم خرم وایي، چې د نړۍ د متزلزل اقتصادي وضعیت او په نړیوال بازار کې د سرو زرو د بیو د بېساري لوړېدو سره سره، د افغانستان د شمال د سرو زرو زیرمې په خورا ټیټه بیه بهرنیو معاملګرو باندې پلورل کېږي.
د طالبانو احصایې او معلوماتو ملي اداره وایي چې د روان کال د لېندۍ میاشتې پر مهال افغانستان ته د نږدې ۲۵۰۰ بهرنیو وګړو تګ راتګ ثبت شوی دی. د دغې ادارې په وینا، دغه کسان د لرغونو او تاریخي سیمو د لیدنې او همداراز د کار په موخه هېواد ته راغلي دي.
د طالبانو تر واک لاندې د کډوالو ستونزو ته د رسېدنې عالي کمېسیون (د مرغومې ۶مه) خبر ورکړی، چې پرون له ایران او پاکستان نه ۵۰۱ کورنۍ چې ټول ۲۷۳۰ کسان کېږي، افغانستان ته جبري ستانه شوې دي.
د نورستان ولایت د لویې لارې د امنیت لپاره د طالبانو ټولي ټولو ځواکونو په نظام کې د فساد، تبعیض او قومي چلند له امله په ډله ییزه توګه دندې پرې ایښي. په دغه ډله کې د یاد ټولي قومندان او مرستیال قومندان هم شامل دي چې د طالبانو کورنیو چارو وزارت ته یې استعفاوې استولي دي.
ملګري ملتونه وايي چې وباګانې د خلکو ژوند او اقتصاد ته لوی ګواښونه جوړوي، او د دې لپاره باید روغتیایي سیستمونه پیاوړي شي، خلک پوهاوي ترلاسه کړي او نړیوالې همکارۍ وشي.
د ایران د بشري حقونو وېبپاڼه «هرانا» په خپل نوي کلني راپور کې ویلي چې په ۲۰۲۵ میلادي کال کې د ایران په زندانونو کې لږ تر لږه ۱،۹۲۲ کسان اعدام شوي چې دغه شمېر د تېر کال په پرتله ۱۰۶ سلنه زیاتوالی ښيي.
په ویتنام کې د شمالي ین بای ولایت په یوه غرني سړک کې د بس د چپه کېدو له امله لږ تر لږه ۷کسان مړه شوي او ۱۰نور ټپيان دي.
د ترکیې پولیس وایي چې د ارزوروم ښار د امنیتي پلټنو پر مهال یې ۲۳ افغان کډوال، چې د استوګنې قانوني اسناد یې نه لرل، د یوه باروړونکي موټر دننه پېژندلي او نیولي دي.
په ملګرو ملتونو کې د افغانستان پخواني استازي محمود صیقل په ایران کې د جنرال اکرام الدین سریع د ترور پېښې ته په غبرګون کې ویلي، ایران د طالبانو پر وړاندې د تېروتنو له منفي پایلو سره مخ دی.
روسیې نن شنبه سهار د اوکراین په پلازمینه کییف پراخه توغندیز بریدونه پېل کړي. خپاره شوي راپورونه وایي چې کییف کې د هوايي دفاع سیسټمونه فعال شوي او اوکرایني پوځ د میزایلو د کارونې خبر ورکړی.
د ملګرو ملتونو د ښځو څانګې (UN Women) ویلي، که څه هم سږکال په ټوله نړۍ کې د پارلماني څوکیو ته د ښځو د رسېدو کچه ۲۷سلنې ته لوړه شوې چې تر ټولو لوړه شمېره بلل کېږي، خو لا هم د ښځو د پراخ ګډون لپاره کافي نه ده.
د پاکستان عوامي نېشنل ګوند د خېبرپښتونخوا مشر میا افتخار حسین وایي، په افغانستان کې بند پاتې تر ۳۰۰۰ پورې پاکستاني زدهکوونکي له جدي ستونزو سره مخ دي. نوموړی له حکومت څخه غوښتي چې د هغوی د خوندي ستنولو لپاره سمدستي عملي ګامونه واخلي.
الجزیرې یوه راپور کې لیکلي، چې د تاجکستان او افغانستان د پولې په اوږدو کې وروستیو نښتو د چین پر ګټو او امنیت اغېز کړی او همداراز د مرکزي اسیا امنیتي وضعیت بېجینګ اندېښمن کړی دی.تاجکستان ویلي، په وروستیو میاشتو کې له افغانستان څخه د وسلهوالو بریدونو کې له ۱۲ ډېر کسان وژل شوي دي.
د خیبر پختونخوا د لکي مروت ولسوالۍ د سرای نورنګ تاڼې اړوند تختي خېل سیمه کې وسلهوالو ډرون ځايي پولیس په نښه کړي دي. د سیمه ییزو امنیتي مسوولینو په وینا، برید داسې مهال ترسره شو چې پولیس او ځايي خلک په سیمه کې سره راټول شوي و.