په برېتانیا کې یو افغان پناهغوښتونکی عبدلخان په ۱۳ کلنې نجلۍ د جنسي تېري په تور په نهه کاله او شپږ میاشتې بند محکوم شو. د سکای نیوز په وینا؛ ۲۸ کلن عبدلخان په ۲۰۱۵کال کې په قاچاقي لارو برېتانیا ته تللی و.
یونان کې افغان سفیر میرویس صمدي افغانستان انترنشنل ته په یوې لیکلې مقاله وایي، د طالبانو کړنو په تېرو پنځو کلونو کې ښودلې چې دغه ډله د یو ټولشموله سیاسي نظام د جوړولو اراده نه لري، د ښځو او وګړو بنسټیز حقوق نه مني او نه ده چمتو شوې چې د واک جوړښت د خلکو پر وړاندې ځوابویونکی کړي.
د امریکا ولسمشر ډونالډ ټرمپ وايي، هېواد یې د هُرمز تنګي بشپړ کنټرول په لاس کې لري او هغو بېړیو ته به اجازه ور نه کړي چې ایران ته د تګ په موخه د دغه تنګي له لارې تېرېږي.
افغان ایواک وايي، د کابل له سقوط پنځه کاله وروسته، د افغان متحدینو د ساتنې لپاره تېره اوونۍ مهم پرمختګونه شوي. د افغانستان د لنډمهاله خونديتوب قانون د امریکا د مشرانو جرګې ملاتړ ترلاسه کړی او د افغان متحدینو اسنادو د خوندي کولو لپاره نوی دوهګونديز قانون هم وړاندې شوی دی.
د افغانستان د جمهوریت په نوم جبهې ادعا کړې چې د کابل ښار د اتلسمې امنیتي حوزې اړوند یې د طالبانو د استخباراتو د امر پر موټر برید کړی چې په پایله کې یې دوه طالبان وژل شوي او درې نور ټپیان شوي دي.
د افغانستان د برابرۍ لپاره د ښځو خوځښت، د ښځو د پیوستون خوځښت او د معترضو ښځو خودجوشه خوځښت وايي چې د اګست ۱۵مه، چې د زمري له ۲۴مې سره برابره ده، د افغانستان په معاصر تاریخ کې له تر ټولو تریخو ورځو څخه ده.
د امریکا په نیو مکسیکو کې یوې محکمې د «مېټا» شرکت ته د ځوانو کاروونکو د خوندیتوب نه مراعات او د ټولنیزو رسنیو د زیانونو له امله د ۵۷۶میلیونه ډالرو د جریمې ورکولو امر کړی او له دغه شرکت څخه یې غوښتي چې د انسټاګرام او فېسبوک پلاتفورمونو کې د ځوانانو د خوندیتوب لپاره بدلونونه راولي.
د طالبانو د صنعت او سوداګرۍ وزارت وايي، د تازه مېوو د صادرونکو د ستونزو د حل او د صادراتو د اسانتیاوو لپاره به د اړوندو ادارو له استازو یوه تخنیکي کمېټه جوړه شي او د صادراتو د ملاتړ جامع طرحه به د کابینې یوې غونډې ته وړاندې کړي.
د پاکستان په ملي پارلمان کې د اپوزېسیون مشر محمود خان اڅکزي او د خیبر پښتونخوا اعلی وزیر سهیل اپریدي د پاکستان او افغانستان ترمنځ د سوداګریزو لارو پر دوامداره توګه تړل کېدل په کله غندلي او د دغه لارې د سمدستي بېرته پرانیستلو غوښتنه یې کړې ده.
ملي ديموکراتيک ګوند د خيبرپښتونخوا په بنو ولسوالۍ کې د وسله والو فعاليتونو، د پاکستان پوځ او وسله والو ترمنځ جګړې ته په غبرګون کې ويلي، د پوځ او طالبانو د جګړې اصلي قربانیان عام خلک دي.
د طالبانو د ترانسپورټ او هوايي چلند وزارت د هوا پوهنې ادارې د هېواد په پنځو ولایتونو کې د سختو بارانونو، تالندې او برېښنا، تېزو بادونو او سېلابونو د پېښېدو احتمال ښودلی دی.
په پاکستان کې د افغانستان پخوانی سفیر نجیبالله عليخېل وايي، د جمهوریت د سقوط له پنځم کال باید د یو بل د ملامتولو پر ځای د تېرو تجربو د ارزونې او له تکراري تېروتنو څخه د زدهکړې لپاره ګټه واخیستل شي.
د تېر جمهوري نظام د عدلیې پخوانی وزیر فضل احمد معنوي وايي، په افغانستان کې د بېمحاکمې وژنو دوام د نړیوالې ټولنې د بېتفاوتۍ پایله ده او د دغو وژنو د مخنیوي لپاره باید عملي اقدامات وشي.
د پاکستان د بهرنیو چارو وزارت ويلي، اسحاق ډار د ايران د بهرنیو چارو له وزیر عباس عراقچي سره د پاکستان، سعودي عربستان او ترکیې ترمنځ د مکې د وروستي لاسلیک شوي ګډ دفاعي تړون او نورو موضوعاتو په اړه خبرې کړې دي.
د افغانستان جمهوري نظام پر مهال د ننګرهار والي ضیاءالحق امرخېل وايي، حکومتونه د بدلون او اصلاح لپاره محدود فرصتونه لري. نوموړي دا څرګندونې داسې مهال کړې چې په افغانستان کې د طالبانو پر ضد د یو شمېر ډلو وسلهوالو فعالیتونو زور اخیستی او د جګړو او بریدونو راپورونه ورکړل شوي دي.
د خیبر پښتونخوا اعلی وزیر سهیل اپریدي ویلي، که د تحریک انصاف ګوند بنسټګر عمران خان ته په زندان کې کوم زیان ورسېږي، مسوول به یې د پوځ مشر، لومړی وزیر او د سترې محکمې مشر قاضي وي.
د افغانستان لپاره د ملګرو ملتونو ځانګړي راپور ورکوونکي رېچارډ بېنېټ په کابل کې د امنیتي عملیاتو پر مهال د وژنو د راپورونو په اړه جدي اندېښنه څرګنده کړې او د دغو پېښو د سمدستي او بېطرفه څېړنې غوښتنه یې کړې ده.
افغانستان د ایرلنډ پر وړاندې په درېیمه یو ورځنۍ کرېکټ سیالۍ کې د درې ویکټو په توپیر بریا خپله کړه او د پنځو لوبو په لوبلړۍ کې یې ۲-۰ مخکېوالی خپل کړ. په دې سیالۍ کې راشد خان د درې ویکټو په اخیستو او ۳۷ ناسوځېدلو منډو جوړولو سره د لوبې غوره لوبغاړی ونومول شو.
د ملګرو ملتونو په سازمان کې د افغانستان د دایمي استازولۍ سرپرست نصیر احمد فایق د یوې نظرپوښتنې په خپرولو سره له افغانانو غوښتي چې د هېواد د اوسني وضعیت او راتلونکي په اړه په دغه خپلواکه او رضاکارانه سروې کې ګډون وکړي.
د افغانستان لپاره د امریکا ماموریت وايي، د محمود شاه حبیبي د ورکېدو له څلورو کلونو تېرېدو سره سره، واشنګټن لا هم د هغه د بېرته راستنولو لپاره ژمن دی او د حبیبي د ځای موندلو، ژغورلو او کور ته د ستنولو په اړه د معلوماتو لپاره تر پنځه میلیونه ډالرو پورې انعام ورکوي.
یوې سرچینې افغانستان انټرنشنل - پښتو ته ویلي چې د نورستان د مرکز پارون اړوند په پشکي کلي کې د طالبانو د استخباراتو د ولایتي مشر قاري ضیاءالحق یاسر، شخصي ساتونکو پر څو نورستاني نجونو د جنسي تېري هڅه کړې، خو د نجونو د مقاومت سره مخ شوي دي.