د خیبر پښتونخوا د کوز جنوبي وزیرستان ولسوالۍ پولیس وايي، د هغې پاخه عمر ښځې د وژنې د پېښې پلټنې یې پیل کړې دي چې د ډبرو په ګوزارونو وژل شوې، خو تر اوسه د پېښې د اصلي حقیقت په موندلو کې نه دي بریالي شوي.
د طالبانو واک ته له بېرته ستنېدو پنځه کاله وروسته، د میلیونونو افغان ښځو او نجونو ژوند د زدهکړو، کار او عامه ژوند په برخو کې له پراخو محدودیتونو سره مخ شوی دی. پنځه ښځې خپلې کیسې بیانوي او وايي، هغه راتلونکی چې دوی یې تصور کړی و، په دې پنځو کلونو کې په یوه پړاو کې درېدلی دی.
د افغانستان پخوانی ولسمشر حامد کرزی وايي، اوس د پښېمانۍ، پخلاینې او ګډ ژوند وخت دی او افغانان باید د تېرو څلورو لسیزو کړاوونه، مرګونه او جګړې شاته پرېږدي او د هېواد د ابادۍ لپاره ګډ کار وکړي.
وسلهوالو کسانو په هرات کې د طالبانو د امنیه قوماندانۍ دروازې ته څېرمه یو ځوان په ډزو وژلی دی. سرچینو افغانستان اینټرنشنال ته وویل چې وژل شوی کس نعمان مرادي نومیږي او د هرات د ولایتي شورا د پخواني غړي عبدالرحمان مرادي زوی و.
د طالبانو د غزني امنیه قوماندانۍ ویلي، د جاغوري ولسوالۍ د الغزار اړوند سیمه کې یوه ښځه او خاوند یې د خپل کور مخې ته د اوبو په حوض کې د لامبو پرمهال ډوپ شوي او مړه شوي دي.
سرچینو افغانستان انټرنشنل ته وویل، چې طالبانو په مزار شریف ښار کې د تاد اډم په نوم یو امریکایي وګړی نیولی دی. په ورته مهال د امریکا د بهرنیو چارو وزارت د دوشنبې په ورځ افغانستان انټرنشنل ته تایید کړه چې «په افغانستان کې د یو امریکایي وګړي د نیول کېدو په اړه له راپورونو خبر دي».
حزب اسلامي ګوند د افغانستان د کړکېچ د حل لپاره له هغه نوي طرحې ملاتړ کړی چې د ملي شورا د رامنځته کولو او د ټاکنو د ترسره کولو وړاندیز کوي.
د پاکستان د جنرالواکۍ سیاسي اجنډا تل د ملکي سیاسي نظام کمزوري کول او د خپلې هژمونۍ ټینګول پاتې شوي دي. په دې لاره کې یې تل له اساسي قانون څخه د انحراف لاره خپله کړې ده. د مارشال عاصم منیر د واکمنۍ دوره هم په بشپړه معنا د همدې ځانګړنو لرونکې ده.
د جمهوریت له پرځېدو پنځه کاله وروسته د افغانستان د ۶۵ سفارتونو، قونسلګریو او نړیوالو استازولیو له ډلې ۳۷ د طالبانو تر مستقیم کنټرول لاندې دي، شپږ له ټاکل شویو ډیپلوماتانو پرته له طالبانو سره تعامل کوي،۱۴ خپلواک فعالیت کوي او اته تړل شوې دي.
د افغانستان او ایرلنډ د کرېکټ ملي لوبډلو ترمنځ د دریمې یو ورځنۍ لوبې پچه افغانستان وګټله او لومړۍ یې د توپ اچونې پرېکړه وکړه. د لوبې په لومړۍ برخه کې افغان لوبغاړي د ایرلنډ پر وړاندې برلاسي ښکاریدل او د ایرلنډ ټول لوبغاړي یې د لوبې په ۴۶،۳ اورونو کې و سوځول.
له کابل څخه باوري سرچینو د دوشنبې په ورځ د زمري په ۱۹مه افغانستان انټرنشنل ته وویل چې د طالبانو د عدلیې وزیر عبدالحکیم شرعي د دغې ډلې دوه هزاره لوړ پوړي چارواکي په خپل کاري دفتر کې «رټلي، توهین او تحقیر کړي دي.»
د طالبانو د ویاند مرستیال حمدالله فطرت وایي، د دې دلې د افغان ګاز او د ترکمنستان د ترکمن ګاز شرکتونو ترمنځ د ټاپي پروژې د ګازو د پېرلو تړون د هرات په تورغونډۍ کې لاسلیک شو.
په کابل کې د ایران سفیر علي رضا بیکدلي د طالبانو د کرنې، اوبو لګولو او مالدارۍ وزیر عطاالله عمري سره په لیدنه کې ویلي، چې د افغانستان د کرنې او مالدارۍ په نړیوال نندارتون کې به ۵۲ ایراني شرکتونه ګډون وکړي او خپل کرنیز توکي به نندارې ته وړاندې کړي.
د طالبانو د بهرنیو چارو وزارت یوې سرچینې افغانستان انټرنشنل - پښتو ته وویل، امیرخان متقي غوښتل چې د عمرې د ادا کولو په موخه سعودي عربستان ته لاړ شي خو د ملګرو ملتونو د امنیت شورا له خوا ورته اجازه نه ده ورکړل شوې.
د ایران د بهرنیو چارو وزارت وایي، د هرمز تنګي پرانیستل او عادي حالت ته راګرځول د امریکا له خوا د شته بندیزونو په لغوه کولو او د زیانونو په جبران پورې اړه لري.
د طالبانو د ریاست الوزرا اقتصادي مرستیال ملا عبدالغني برادر د ترکمنستان له ملي رهبر غوښتي چې د ټاپي پروژې د ګازو بیې پر سر هوکړه وشي او د بیې ټاکلو فورمول تعدیل شي. دواړو لورو د ټاپي، ټاپ، نوري فایبر او اوسپنې پټلۍ پروژو لپاره د تخنیکي کمېټې پر جوړولو هم هوکړه کړې ده.
د طالبانو د کابل امنیه قوماندانۍ ویاند خالد ځدراڼ وايي، د کابل ښار د اتلسمې امنیتي حوزې اړوند سیمه کې څلور وسله وال غله له طالب ځواکونو سره د نښتې پر مهال وژل شوي دي.
د طالبانو د سرحدونو، قومونو او قبایلو چارو وزیر ملا نورالله نوري د بدخشان ولایت یفتل ولسوالۍ ځایي خلکو سره کتنې پر مهال ویلي چې د دې ډلې په لیکو کې تعصب، قومپالنه، سمتپالنه او نژادپالنه ځای نه لري. نورالله نوري بدخشان ته د ملاحسن اخوند په سپارښتنه سفر کړی دی.
د روسیې سیمهییزو چارواکو ویلي چې پر نژنيکامسک ښار باندې د اوکراین د ډرون الوتکو په تازه بریدونو کې د یوه ماشوم په ګډون لږ تر لږه ۱۳ کسان وژل شوي او ۳۹ نور ټپيان دي.
د طالبانو د ریاستالوزرا اداري مرستیال عبدالسلام حنفي په مشرۍ یوه پلاوي د هرات زندان عمومي وضعیت ارزولی دی. طالبانو ویلي، دغه لوړ پوړي پلاوي د بندیانو له بېلابېلو بلاکونو لیدنه وکړه او د هغوی د اوسېدو شرایط یې له نږدې وڅېړل.
دطالبانو د واکمنۍ پنځه کاله وروسته، وسلهوال مخالفان لا هم د ځواک د توازن بدلولو توان نه لري؛ خو څېړونکي وايي، د مشروعیت بحران، اقتصادي ستونزې، ټولنیزه ناخوښي او داخلي اختلافات د دې ډلې مهمې کمزورۍ دي، خو لا یې د سقوط نښې نه لیدل کیږي.