د طالبانو د کار او ټولنیزو چارو وزارت راتلونکې شنبه (د زمري ۲۴مه) د جمهوریت د پرځېدو ورځ عمومي رخصتي اعلان کړه. یاد وزارت د یوې خبرپاڼې په خپرولو دغه ورځ د «فتحې» او متحدینو پر وړاندې د «جهاد» د بریا ورځ بللې ده.
د محمود شاه حبیبي د موندلو لپاره د افغانستان لپاره د امریکا ماموریت تر ټینګار وروسته، د طالبانو ویاند ذبیحالله مجاهد ویلي، چې دوی نوموړی نهدی نیولی او د هغه په اړه هېڅ معلومات نهلري.
د خیبر پښتونخوا په کوز دېر کې د افغان کډوالو د بېرته ستنېدو لړۍ روانه ده او ځایي ادارې د بېاسناده افغان کډوالو د اېستلو لپاره خپل اقدامات چټک کړي دي. اړونده چارواکو ته سپارښتنه شوې، چې په دوو ورځو کې د پاتې ۴زره او ۲۰۰ بېاسناده افغان کډوالو د بېرته ستنېدو بهیر بشپړ کړي.
په ترکمنستان کې د طالبانو سفارت خبر ورکړی، چې د طالبانو د ریاستالوزرا اقتصادي مرستیال ملاعبدالغني برادر هرات ته د خپل سفر پرمهال د ترکمنستان له ملي مشر قربانقلي بردي محمدوف سره د ټاپي پروژې د پرمختګونو او د دواړه هېوادونو د راتلونکو ګډو اقتصادي فعالیتونو په اړه خبرې کړې دي.
د ۱۴۰۰کال (د زمري ۲۰مه) د شپې ناوخته د بدخشان ولایت مرکز فیضاباد تر سختو نښتو وروسته د طالبانو لاس ته ولوېد او په دې سره د افغانستان په شمال ختیځ کې د طالبانو د چټک پرمختګ لړۍ نوره هم پراخه شوه. طالبانو له دې یوه ورځ وړاندې د فراه او پلخمري مرکزونه هم نیولي وو.
په هرات کې د سرب او جستو د پروسس کارخونې لومړي فاز د جوړولو چارې ۵۰ سلنه بشپړې شوې. د یادې پروژې د قراردادي شرکت انجنیر حسین رضایي ویلي، د کارخونې د لومړي فاز جوړولو چارې په چټکۍ روانې دي او تمه کېږي چې د سرب او جستو عملي پروسس به تر راتلونکې یوې میاشتې پورې پیل شي.
په پاکستان کې له کلونو راهیسې د مېشتو افغان کورنیو لپاره جایدادونه نور د راتلونکي د ضمانت پرځای د ناڅرګند وضعیت تر ټولو لوی بار ګرځېدلی دی. له پېښور نه د بېرته ستنېدو په درشل کې افغان کډوال اړ اېستل شوي، چې خپل کورونه او کاروبارونه په ټیټه بیه وپلوري.
د طالبانو تر واک لاندې د کډوالو ستونزو ته د رسېدنې عالي کمېسیون ویلي، چې له بېلابېلو لارو د دوشنبې په ورځ له ایران او پاکستان نه ۲۹۸ کورنۍ افغانستان ته ستنې شوې دي. دغه کمېسیون ویلي، چې په همدې ورځ یې پر ۸۶۰ کورنیو استوګنېزې نمرې هم وېشلې دي.
د طالبانو د کرنې اوبو لګولو او مالدارۍ وزارت خبر ورکړی، د افغانستان د کرنې او مالدارۍ لومړنی نړۍوال نندارتون د سېشنبې په ورځ (د زمري ۲۰مه) په کابل کې پرانیستل شو او ټاکل شوې چې پنځه ورځې دوام وکړي.
د طالبانو د عدلیې وزیر عبدالحکیم شرعي وایي، له غاصبینو څخه د غصب شویو ځمکو د تثبیت او استرداد بهیر حقوقي موضوع ده چې له قومي، مذهبي او ژبنيو مسایلو سره تړاو نهلري. نوموړي ویلي، په دې اړه د محکمې د پرېکړې تنفیذ د ځمکو له غصب څخه د مخنیوي کمېسیون شرعي مکلفیت دی.
د دوشنبې په ورځ د کولمبیا لوېدیځې برخې د ۷.۴ درجې یوې زورورې زلزلې ولړزولې، چې لږترلږه ۱۱۱ کسان یې مړه او ۸۷ نور ټپیان کړي دي. زلزلې په څو ښارونو کې ودانۍ ویجاړې کړې او ګڼ کسان تر کنډوالو لاندې بند پاتې دي. دا د کولمبیا په تاریخ کې تر ټولو زوروره زلزله وه.
د کډوالۍ نړۍوال سازمان وايي، چې له محدودو سرچینو سره یې په نورستان کې د وروستیو سېلابونو له شاوخوا ۹۰ سلنه سېلابځپلو کورنیو سره بېړنۍ مرستې کړې؛ خو دغه مرستې د سېلاب ځپلو د ټولو اړتیاوو د پوره کولو لپاره بسنه نهکوي.
په پکتیا کې د طالبانو امنیې قوماندانۍ خبر ورکړی، د ګردېز ښار د دویمې امنیتي حوزې اړوند د یادې ډلې پولیسو هغه کس نیولی چې د یکشنبې په ورځ یې د عبدالمنان په نوم یو ډاکټر په ډزو وژلی و.
د بښنې نړۍوال سازمان له استرالیا نه د هغه افغانانو لپاره د بشري خوندیتوب او بیا مېشتېدو فرصتونو د زیاتوالي غوښتنه کړې چې د طالبانو تر واک لاندې له پراخو ګواښونو سره مخ دي. په دې کې ښځې، نجونې، د بشري حقونو فعالان، قومي او مذهبي لږکۍ شاملې دي.
واشنګټن پوسټ ورځپاڼې د ځینو اسنادو پربنسټ د یوه امریکايي چارواکي په حواله راپور ورکړی، چې د ډونالډ ټرمپ د وژلو لپاره د ایران ګواښ تېره میاشت د یوه بېساري عملیاتو لامل شو؛ په دغه عملیاتو کې ټرمپ په پټه د ترکیې له خاورې په یوې بلې پوځي الوتکه کې وتلی و.
په افغانستان کې واک ته د طالبانو د بېرته ستنېدو پنځه کاله تېرېږي. په یاده موده کې طالبان توانېدلي، چې د دولت پر ډېرو برخو خپل سیاسي او امنیتي کنټرول وساتي؛ خو د یادې ډلې د واک د ثبات په اړه لاهم ګڼې پوښتنې او ننګونې پرځای دي.
د پېښور سترې محکمې د پاکستان د تحریک انصاف ګوند بنسټګر عمران خان خور نورین نیازۍ ته د پیکا قانون له مخې په ثبت شوې قضیه کې له نیول کېدو مخکې د ټرانزیټ ضمانت ورکړی دی. محکمې نورین نیازۍ ته امر کړی، چې د اګست تر ۲۰مې پورې په اسلاماباد کې اړوندې محکمې ته مراجعه وکړي.
په پاکستان کې مېشته افغان کډواله او انځورګره نازیه وایي، د انځورګرۍ هنر له لارې هڅه کوي د افغانستان ښکلا او ترڅنګ یې د افغان ښځو دردونه او ستونزې د انځورونو او رنګونو په ژبه نړۍ ته ورسوي.
د ناروې کډوالو شورا د طالبانو د بیا واکمنۍ پنځمې کلیزې په درشل کې خبرداری ورکړی، چې افغانستان له ژور بشري، اقتصادي او اقلیمي ناورین سره مخ دی. دغه مرستندویه بنسټ ټینګار کړی، چې نړۍوالې ټولنې په ځانګړې توګه لوېدیځو هېوادونو د افغانستان د خلکو په وړاندې بېغوري کړې ده.
اوکرایني چارواکو ویلي، چې د سېشنبې په سهار پر زاپوریژیا ښار د روسیې په بریدونو کې پنځه کسان وژل شوي او ۲۰ نور ټپیان دي. د چارواکو په وینا؛ کیف هم په دغه توغندیزو بریدونو کې په نښه شو او د پلازمېنې په ځینو برخو کې اورلګېدنې هم رامنځته شوې.
په برېتانیا کې یو افغان پناهغوښتونکی عبدلخان په ۱۳ کلنې نجلۍ د جنسي تېري په تور په نهه کاله او شپږ میاشتې بند محکوم شو. د سکای نیوز په وینا؛ ۲۸ کلن عبدلخان په ۲۰۱۵کال کې په قاچاقي لارو برېتانیا ته تللی و.