په فیضاباد ښار کې څو سرچینو افغانستان انټرنشنل ته ویلي، چې د بدخشان د نسي ولسوالۍ د شاخدرې او خوغز په سیمو کې، چې د جمعه خان فاتح تر نفوذ لاندې بلل کېږي، د طالبانو او د جمعه فاتح د وسله والو ترمنځ نښته شوې ده. د سرچینو په وینا، نښته د وسلو او رنجر موټرو د تسلیمۍ پر سر شوې.
د طالبانو تر واک لاندې د برېښنا شرکت رییس عبدالحق همکار د روسیې د «پاور مشینز» تخنیکي شرکت له مسوولنو سره په ناسته کې ویلي، چې روسي پانګهوال غواړي د هېواد د برېښنا تولیدي فابریکو پر اساسي بیارغونې او د تجهیزاتو پر نوي کولو پانګونه وکړي.
په افغانستان کې د ملګرو ملتونو مرستندویه ماموریت افغانستان انټرنشنل ته تایید کړه، چې په هرات کې یې دوه افغان کارکوونکي د طالبانو استخباراتو نیولي دي. یوناما وايي، دوی ته له دغو کارکوونکو سره د لیدنې اجازه نه ده ورکړل شوې.
د محمود شاه حبیبي ورور احمد شاه حبیبي افغانستان انټرنشنل ته وویل، چې د ورور په اړه یې د طالبانو د ویاند څرګندنې ناسمې دي. نوموړی وايي، چې له امریکا سره په ګډه داسې شواهد لري چې حبیبي طالبانو نیولی او تر شپږمیاشتو یې په استخباراتو بندي و.
په پنجشېر کې د طالبانو والي محمد اغا حکیم ویلي، چې د دغه ولایت په غرونو او جغرافیا کې هېڅ یو مخالف ځواک نشته او د پنجشېر ټولې سیمې د طالبانو د امنیتي ځواکونو تر بشپړې څارنې لاندې دي.
په نړۍ کې د روانو جګړو او خونړیو پېښو په اړه یوه خبره چې ډېره تکراریږي، دا ده چې ګواکې نړیوال نظم ړنګ شوی دی. او یوځل بیا هرڅوک چې زور و زر لري، پر کمزوریو رابلوسي او هغه څه کوي، چې زړه یې غواړي.
د طالبانو د واکمنۍ د پنځمې کلیزې په مناسبت، افغانستان انټرنشنل څېړلې چې د واک تمرکز، د سرو زرو پر سر سیالي، د طالبانو خپلمنځي اختلافونو او د وسله والو ډلو فعالیتونو څنګه بدخشان د پېچلو سیالیو پر ډګر بدل کړی دی.
سرچینو افغانستان انټرنشنل ته ویلي، چې وسله والو د غور ولایت په دولینه ولسوالۍ کې د دغه ولایت د ولایتي شورا د پخواني غړي محمد هاشم فیضي ورور، شهباز خان فیضي وژلی.
په کابل کې د ایران سفیر علي رضا بیکدلي د افغانستان د کرنې او مالدارۍ په نړۍوال نندارتون کې د ګډون پرمهال ویلي، چې په دغه نندارتون کې ۵۰ ایراني شرکتونو برخه اخیستې ده.
د سوریې یوې محکمې د سې شنبې په ورځ د دغه هېواد پخوانی ولسمشر بشار اسد، د هغه ورور او د تره زوی په یوه غیابي محاکمه کې په اعدام محکوم کړل. اسد د سوریې د نږدې ۱۴ کلنې جګړې پر مهال د قصدي وژنې، شکنجې، خپلسري توقیف او د بشریت ضد جنایتونو په تورونو کې مجرم پېژندل شوی دی.
د افغانستان د ملي مقاومت جبهې مشر وایي، مخالف جریانونه د افغانستان پر راتلونکي توافق ته رسېدلي او د دوی هدف یوې ګډې نقشې ته رسېدل او په هېواد کې د مشروعیت لپاره د زمینې برابرول دي. هغه له سوله غوښتونکو طالبانو غوښتي، چې لاس په کار شي.
تکفیري ادبیات په یوه ځانګړي فکري چاپېریال کې معنا پیدا کوي او دا چاپېریال په مخ مډرن نړۍ پورې تړاو لري؛ هغه پېر چې د ټولنې ډېری وګړي نالوستي وو او د بېلابېلو فرقو او فکري بهیرونو یو شمېر نظرخاوندانو په متعصب او جزمپال فکر سره ځانونه پر حق او نور باطل ګڼل.
د طالبانو د عامې روغتیا وزیر نور جلال جلالي په هرات کې د روږدو کسانو د درملنې روغتون د لیدلو پرمهال له روغتیايي کارکوونکو وغوښتل چې له ناروغانو سره ښه او وړ چلند وکړي او د هغوی د درملنې بهیر ته جدي پاملرنه وکړي.
د سکاټلنډ د اډینبرا ښار عالي محکمي د برېتانیا د پوځ پخوانی افغان ژباړن عبدالنبي زاده پر یوې ۱۹ کلنې نجلۍ د جنسي تیرې له امله په ۷ کاله بند محکوم کړی دی.
د بلخ د سوداګرۍ خونه وايي، تېر کال له افغانستان نه شاوخوا ۶۰ سلنه تولیدي توکي سیمه ییزو بازارونو ته صادر شوي او له پاکستان سره د لارو د بندښت اغېز نه دی احساس شوی ځکه د یادې ادارې په وینا، له بدیلو لارو د بازار اړتیا وړ توکي وارد شوي دي.
له ایران سره تړلو یمني وسله والو په بابالمندب تنګي کې پر یوې کوچنۍ باروړونکې کښتۍ برید کړی، چې په پایله کې یې د کښتۍ د عملې درې غړي وژل شوي دي. د یمني سرچینو په وینا، په کښتۍ کې دوه پاکستانیان او یو اندونیزیایي وګړی وژل شوي دي.
د طالبانو د کډوالو او بېرته راستنېدونکو چارو وزیر عبدالکبیر وايي، هېواد ته له پاکستان او ایران نه ستنېدونکي کډوال «د شتمنۍ ترلاسه کولو لپاره» په قاچاقي لارو اروپايي هېوادونو ته تللي کسان نه دي، بلکې «د دیني ارزښتونو د ساتنې» لپاره یې هجرت کړی و.
باخبره سرچینو افغانستان انټرنشنل ته ویلي، چې د طالبانو استخباراتو په هرات کې د یوناما د بشري حقونو دوه کارکوونکي نیولي دي. د سرچینو په وینا؛ دغه دوو کارکوونکو په دې وروستیو کې په هرات کې د ښځو د نیونې په اړه یو راپور چمتو کړی و او له یوشمېر نیول شویو نجونو سره یې مرکې کړې وې.
د کابل یو اوسېدونکي افغانستان انټرنشنل ته په لېږلي پیغام کې ویلي، طالبان دې په کارته سخي هدېره کې د جومات جوړولو مخه ونیسي. هغه زیاته کړې: «پر هدېره د جومات جوړولو مخه دې ونیول شي؛ ځکه دا کار د مړو د وارثانو له اجازې پرته ترسره کېږي او موږ پر هدېره له ودانیزو چارو سره مخالف یو».
یوشمېر ځوانان شکایت کوي، چې د افغانستان په دولتي او نادولتي ادارو او شرکتونو کې د ګومارنې لپاره د باور وړ سیسټم نشتوالي له امله ګڼ ځوانان له کاري فرصتونو بېبرخې کېږي. د دوی په خبره؛ ډېری کار ورکوونکي خپل خپلوان او دوستان پر دوندو ګوماري.
د طالبانو د بیا واکمنېدو پنځه کاله کیږي، خو د دې ډلې وسلهوال مخالفان لا هم د ځواک انډول په بدلولو نه دي بریالي شوي. طالبان د افغانستان په ټوله خاوره کې دولتي بنسټونه او د هېواد مهمې اقتصادي سرچینې تر خپل کنټرول لاندې لري.