د ازبکستان د سوداګرۍ او صنایعو خونې مرستیال عادلخان رستموف د «تاتارستان -ازبکستان» په سوداګریز فورم کې تاتارستان هڅولی چې له افغانستان سره خپله سوداګري پراخه کړي. دوی همدراز تاتارستان ته د افغانستان له سوداګرو سره د ګډ کار وړاندیز کړی.
د طالبانو د عامې وزیر وايي، د روغتیا وزارت په پنځه کلنه ستراتیژۍ کې د ابتدايي روغتیايي خدماتو اصلاحات، د خصوصي روغتیايي سکتور پیاوړي کول، ظرفیت لوړول او د برېښنايي روغتیايي سیستم ښه کول شامل دي. طالبان وايي، د یادې ستراتیژۍ په پلیتابه سره به معیاري خدمات وړاندې شي.
ازبکستان او طالبانو د افغانستان د برېښنا سکټور د پراختیا او عصري کولو لپاره د ۱۵ کلن پلان پر جوړولو او د ګډو کاري ډلو پر جوړولو هوکړه کړې ده.
په مسکو کې د ایران سفیر کاظم جلالي د دوشنبې په ورځ د طالبانو له سفیر مولوي ګلحسن حسن سره په لیدنه کې د ترورېزم له ټولو ډولونو سره هراړخیزه مبارزه اړینه بللې ده.
د طالبانو تر واک لاندې اریانا افغان هوايي شرکت ویلي چې د هند د ملکي هوايي چلند ادارو د کابل او ډيلي ترمنځ د الوتنو پیلولو اجازه ور کړې ده.
د ایران د ولسمشر لومړي مرستیال محمدرضا عارف ویلي، چې له ګاونډیو هېوادونو، په ځانګړي ډول افغانستان سره د سوداګریزو او اقتصادي اړیکو پراختیا د ایران د حکومت له مهمو لومړیتوبونو څخه ده.
د طالبانو د طبیعي پېښو پر وړاندې د چمتووالي او مبارزې ادارې رییس نورالدین ترابي وايي، ډېری بهرنۍ موسسې له نیمايي زیاته بودجه له افغانستان سره د مرستو پر ځای پر خپلو لوړو معاشونو، عصري کورونو او قیمتي موټرو لګوي.
د هلمند ولایت یوشمېر اوسېدونکي وایي، چې په وروستیو ورځو کې د طالبانو د امربالمعروف محتسبینو پر ښځو د حجاب په نوم فشارونه زیات کړي. د دوی په خبره؛ دغه ډلې په تېره یوه اونۍ کې تر ۱۰ زیاتې ښځې د حجاب نه مراعتولو په تور نیولې او بندیانې کړې دي.
د ایران ولسمشر مسعود پزشکیان یوې غونډې ته د وینا پرمهال ویلي، چې هېواد یې د خپلو پولو دفاع کوي؛ خو د جګړې په لټه کې نهدی. هغه د خپلې استعفا په اړه هم د خپرو شویو راپورونو په اړه ویلي: «که زه استعفا ورکړم، نو په رسمي ډول به اعلان وکړم چې ما استعفا ورکړې ده».
د روغتیا نړۍوال سازمان په تازه راپور کې راغلي، چې په افغانستان کې تېره اوونۍ د پولیو ویروس (WPV1) هېڅ نوې مثبته پېښه نهده ثبت شوې؛ خو د روان ۲۰۲۶کال له پیل زاهیسې تراوسه په افغانستان کې د ګوزڼ ټولې ۱۵ مثبتې پېښې ثبت شوې دي.
د طالبانو د مخالفو جبهو تر بریدونو وروسته په کندهار کې د یادې ډلې سیمهییزو مسوولینو په وروستیو ورځو کې په ښار او یوشمېر ولسوالیو کې له خلکو غوښتي، چې له دوی سره د امنیتي معلوماتو په شریکولو کې همکاري وکړي او د اړتیا په صورت کې د دوی له ځواکونو سره په ګډو ګزمو کې هم برخه واخلي.
د افغانستان متحدې جبهې خبر ورکړی، چې د خپلو تازه عملیاتو په ترڅ کې یې د فاریاب ولایت په قیصار ولسوالۍ کې د طالبانو د استخباراتو یو غړی وژلی دی. یادې جبهې د یوې ویډیو په خپرولو سره ویلي: «د افغانانو پر عزت، ناموس او حقونو ظلم، تېری او بېعدالتي به بېځوابه پاتې نهشي».
په ملګرو ملتونو کې د ډنمارک استازې او د اګست میاشتې لپاره د امنیت شورا نوبتي مشرې کرېسټینا مارکوس لاسن د طالبانو د بیاواکمنۍ پنځمه کلیزه «ډېره ترخه» بللې او ویلي یې دي، امنیت شورا به روانه میاشت د طالبانو د پنځه کلنې واکمنۍ پر پایلو او د افغان ښځو او نجونو پر وضعیت تمرکز وکړي.
د اسراییل لومړي وزیر بنیامین نتنیاهو ویلي، چې تلابیب له نوي ډیلي سره د خپلو اړیکو پراختیا لپاره پراخه پانګونه کوي. نوموړي د هند لومړی وزیر نرېندرا مودي د اسراییل له «تر ټولو سترو او نږدې ملګرو» بللی دی.
له نږدې یو کال راهیسې د تورخم لارې تړل پاتې کېدو په غبرګون په یوې اعتراضي ناسته کې اعتراض کوونکو غوښتنه کړې، چې د خیبر پښتونخوا سر وزیر سهیل اپریدی دې له دندې استعفا وکړي. د دوی په وینا؛ نوموړي د لارې د بیا پرانیستلو لپاره اغېزمن اقدامات نهدي کړي.
په کونړ کې د طالبانو تر واک لاندې د پېښو پر وړاندې د مبارزې چمتووالي اداره وایي، د یاد ولایت په نورګل ولسوالۍ کې د سېلابونو له امله دوه کسان مړه شوي او خلکو ته درانه مالي زیانونه هم اوښتي دي.
یو کس افغانستان انټرنشنل ته په لېږلي پیغام کې ویلي، چې طالبان د اسلامکلا په پوله له ایران نه افغانستان ته ستنېدونکي کډوال وهي او ورسره تاوتریخجن چلند کوي. دا په داسې حال کې ده، چې هره ورځ سلګونه افغان کډوال له ایران نه اېستل کېږي او افغانستان ته ستنېږي.
د کونړ له زلزلې شاوخوا یو کال وروسته طالبانو د ۳۶ زلزله ځپلو کورنیو لپاره د کورونو له جوړېدو خبر ورکړی. د طالبانو تر واک لاندې ملي راډیو ټلوېزیون خبر ورکړی، چې د یادې ډلې دفاع وزارت د کونړ ولایت ۳۶ زلزله ځپلو کورنیو ته نوي کورونه جوړ کړي دي.
د طالبانو عدلیې وزارت خبر ورکړی، چې د مرکزي زون د غصب شویو ځمکو قضیو ته د رسېدنې ځانګړې محکمې په خوست ولایت کې ۱۵۱ جریبه ځمکه د دولت ملکیت بللې او بشپړه یې دولتي اعلان کړې.
په زابل کې د طالبانو تر واک لاندې د عامې روغتیا رییس میرویس افغان وایي، د دغه ولایت په مرکز کلات ښار کې د یوه ۵۸۰ ډوله مساپر وړونکي بس چپه کېدو په پېښه کې ۴۹ کسان ټپیان شوي دي. نوموړي زیاته کړې، چې ټپيان د درملنې لپاره ولایتي روغتون ته لېږدول شوي او تر درملنې لاندې دي.
د سپاه پاسداران اړوند یوې رسنۍ ویلي: «یوه بېړۍ چې د سپاه پاسداران لهخوا د تګراتګ لپاره له ټاکل شويو قوانینو یې سرغړونه کړې وه، د عمان د سواحلو په شاوخوا کې په توغنديز برید کې په نښه شوه».